91
Dano bedo i tipo a Won Twer Ducu
1Ŋat ame gwokere baŋ Ŋat Amalo Meicel,
bedo i te tipo a Won Twer Ducu.
2Abino kobbi Rwot ni, “Yin i kalarrena kede cella,
yin Obaŋana ame ageno.”
3Pien en bino lari iyi owic ame ociko,
kede i two areco meicel.
4En bino wumo komi oko kede bwome,
eka ite larre i te yer me bwome,
en obedo kwotti kede gi-geŋo kori, pien en genne.
5Mom ibino lworo ginnoro dyewor,
akadi atero ame obao dyeceŋ,
6akadi too edeke ame mako jo dyewor,
onyo can ame tyeko jo dyeceŋ.
7Jo tutumia twero rette i ŋeti,
kede jo tutumia apar i ciŋi tuŋcem,
cite mom bino timo ginnoro i komi.
8Yin giri ibino neno anena,
kun ineno kite ame oculo kede kwor i kom jo areco.
9Pien yin imio Rwot obedo kalarreni,
ŋat Amalo Meicel en obedo kabedoni.
10Ginnoro arac mom bino timere i komi,
kit cannoro ducu mom daŋ bino noko ŋet kemani.
1191.11: Mat. 4.6; Luk. 4.10Pien en bino ciko omalaika mere,
me gwoki i kabedo luŋ ame iwoto iye.
1291.12: Mat. 4.6; Luk. 4.11Gin bino gwoki,
me gweŋ kur twom tyeni.
1391.13: Luk. 10.19Ibino nyono eŋatu onyo ororo kede tyeni,
itino eŋatu onyo twol codocodo.
14Pien en doŋ omara odoco, abino lare;
abino gwoke pien en doŋ oŋea.
15Ka en olwoŋa abino gamo doge,
abino bedo kede i kare me can,
abino lare dok daŋ abino keto kwogo i kome.
16Abino medo mwakki me kwo mere bedo apol me kweyo cunye,
ate nyutte larrena.