82
Obaŋa obedo aloc adwog ame kato ducu
Man wer Acap owero
1Obaŋa doŋ obedo oko i kommere icokere ame tye i polo,
en tye ka ŋolo kop i akina obaŋe obaŋe ocele ame ogure dyere, kun kobo ni,
2“Mom ibino ŋolowunu kop kakare pi kare a rom mere,
ŋolo kop ame odworo kede otim tim areco?
3Ŋol wunu kop kakare pi jo agoro kede itino kic,
mi wunu jo atye i can kede jo a piny olo bed itwero ame oromo kwoogi.
4Lar wunu jo agoro kede jo ame piny oloo,
largi wunu oko i ciŋ jo areco.”
5Mom otye kede ŋeccoro kadi niaŋŋoro,
gin owoto gigi ata i piny acol; acakki me te lobo ducu tye ka yeŋere,
682.6: Lak. 10.34An akobo ni, “Wun obaŋe,
wun luŋ ibedo wunu itino a Ŋat Amalo Meicel;
7kadi bed amannono, wun daŋ ibino to wunu acalo dano,
ibino rette wunu piny acalo rwottoro ata.”
8Ya malo, Ama Obaŋa, me iŋolli lobo kop;
pien rok luŋ obedo megi.