81
Wer me kwero ecuban-nogo adoŋo
Baŋ adwoŋ wer: Man obedo wer Acap owero.
1Wer wunu baŋ Obaŋawa,
ame obedo tekowa, i dwon aloŋo,
red wunu i yomcuny baŋ Obaŋa a Yakobo.
2Wer wunu wer kun daŋ ibapo wunu atimo,
goo wunu daŋ opuk amit meicel karacel kede naŋa opuk.
381.3: Wel 10.10Kut wunu apel i kare ame dwe pwod opor apora,
kut wunu daŋ ka dwe doŋ omwonyo ogwal,
kede i kare me kwero icubannogo adoŋo.
4Pien mannono en obedo cik a jo Icrael,
gin ame Obaŋa a Yakobo rik ociko.
5En rik oketo odoko cik iyi atekere a Yucepu,
i kare ame en owoto me wot lweny i kom jo Miciri.
Awinyo dwonnoro ame yam mom aŋeo, kun kobo ni,
6“An rik atiŋo yec apek oko i wi gwoki,
akwanyo dita me tic oko i ciŋi.
781.7: Yaa 17.7; Wel 20.13Ikok baŋa i kare ame itye i can, an ate lari,
agamo koppi i mor a piny kun an akanne oko i kabedo moro me imuŋ,
atemi daŋ i dog pii me Meriba.
8Winy wunu ba, wun jona, ka atye kajukowu,
wun jo Icrael, kono onwoŋo itwero winyo wunu koppa.
981.9-10: Yaa 20.2-3; Lodo 5.6-7Obaŋa moro a mom ŋeye mom bino nwoŋere i akinawu,
mom ibino ryebere wunu piny me woro obaŋa orok,
10An abedo Rwot Obaŋawu,
ame rik akwanyowu i lobo me Miciri.
Ŋam wunu dogwu alac, me an apitwu.
11“Cite jona rik mom te winyo koppa,
jo Icrael onwoŋo mom doŋ paro kadi acel.
12Amio cunygi odoko anwaŋ te doko jo ame opala,
jo ame timo gin ame cunygi omito.
13Kono jona onwoŋo rik winyo koppa,
kono jo Icrael onwoŋo timo gin ame amito.
14Onwoŋo kono aloo okworgi oyotoyot,
kono aryeo ciŋa awiro i kom okworgi ducu.
15Jo ame daga kono omwolle kengi i nyima,
dok can ame opoto i komgi kono obedo atwal.
16Onwoŋo kono apitowu kede ŋano aber meicel,
dok kono amiowu icamo wunu moo kic iyeŋ wunu.”