34
Wer me pako Rwot pi laro Daudi i can
Man wer a Daudi i kare ame en onwoŋo odoko ababaŋ calo dano ame opoo i nyim Abimeriki, te miyo Abimeriki ryeme oko, en te wot gire oko.
134.1: 1 Cam. 21.13-15Abino pwoyo Rwot kare luŋ,
wer me pake mom bino rwenyo i doga.
2Tipona wakere pi Rwot,
jo a tye i can myero winy te lelo.
3Rab wunu pi dit a Rwot karacel keda,
me opak wunu nyiŋe karacel.
4Akwao Rwot, en te gamo doga,
en te kwanyo lworo luŋ ame onwoŋo atye kede.
5Nene wunu, me waŋwu ryeny,
me lewic kur dok medde makowu,
6Jo ame tye i can kok baŋ Rwot,
Rwot te larogi i peko luŋ ame otye kede.
7Omalaika a Rwot gwoko jo luŋ ame lworo Rwot,
dok larogi i cannoro luŋ.
834.8: 1 Pet. 2.3Koŋ item, me inen ber a Rwot yin ikomi,
jo ame laro baŋe tye i yomcuny.
9Myero iwor wunu Rwot, wun jo mere ame gene,
pien jo ame wore, ginnoro mom remo.
10Kadi atin eŋatu buto kec, dok jami apol remo,
cite jo ame geno Rwot, mom tye ginnoro aber ameremogi.
11Biye wunu itinona, me iwiny wunu koppa,
abino pwonyowu kite me woro Rwot,
1234.12-16: 1 Pet. 3.10-12Ŋa i akinawu ame mito kwo?
Imito perakino i lobo kun cunyi yore?
13Gwok lebi kur kob ginnoro arac,
kede dogi kur ibwol jo.
14Ya oko i gin arac, ti gin aber,
yeny kuc, ilub yore.
15Waŋ Rwot mom rwenyo i kom jo a kitegi atira,
ciko yite me winyo kokogi.
16Rwot dag neno jo ame timo gin areco,
mio nyiŋgi rwenyo oko i wi lobo.
17Ka ce jo a kitegi atira okok ni konygi,
Rwot winyo kokogi,
en te larogi oko i peko ame gin otye kede.
18Rwot ceggi acega i jo ame tyei cwercuny,
en laro jo ame cunygi ton.
19Can ame poto i kom jo a kitegi atira pol atek,
cite Rwot larogi iye luŋ.
2034.20: Lak. 19.36Rwot gwoko anaka cogo i komgi luŋ,
moro acel akinagi mom tur.
21Timo tim arac en a bino neko otim bal,
dok jo ame dago jo a kitegi atira, kop bino loyogi.
22Rwot lakoro kwo omiro mere,
kop mom bino loyo jo ame laro baŋe.