131
Kwac kede mwolo ame tye iye gen
Wer me yito malo ame Daudi owero.
1Ama Rwot, an gira mom atye kede mit adwoŋ meicel i cunya,
dok waŋa daŋ mom neno gigi mogo ame malo meicel.
Mom abedo keto cunya i kom gigi mogo adoŋodoŋo,
dok ame awura okato kare.
2Atye gira ame cunya okwe,
dok tipona daŋ okwe mot,
calo atin ame oliŋ mot i kor tottere
cunya gire tye okwe calo atin ame oliŋ mot.
3Wun jo Icrael we, gen wunu Rwot!
cakere tin naka waŋ i waŋ.
All rights reserved - The Bible Society of Uganda