130
Kwayo kony i baŋ Obaŋa
Wer me yito malo.
1Akok baŋi i te nam atut, Ama Rwot,
winy kokona ba, Ama Rwot!
2Cik yiti iwiny kwacca
ame abako kede doga baŋi.
3Kono yin ibedo gwoko bal wa agwoka aboŋo timowa kica,
ŋa ame kono ocuŋ i nyimi, Ama Rwot?
4Ento yin gire igonyo bal a jo,
me jo bed i lworo i komi.
5An gira akuro Rwot, tipona daŋ kure,
dok an atye kede gen pi koppere.
6Kwona ducu ocuŋ i kom Rwot,
akure ame kato okur piny ame kuro naka odiko,
akure ame kato okur piny ame kuro naka odiko.
7Wun jo Icrael, gen wunu Rwot!
pien mar a mom lokere tye baŋ Rwot,
larre me ateni tye baŋe daŋ.
8130.8: Mat. 1.21; Tit. 2.14En bino lakoro jo Icrael,
bino lakorogi i balgi luŋ.
All rights reserved - The Bible Society of Uganda