106
Ber ame Rwot onyuto bali jo mere
1106.1: 1 Tek. 16.34; 2 Tek. 5.13; 7.3; Eji. 3.11; Jab. 100.5; 107.1; 118.1; 136.1; Jer. 33.11Pak wunu Rwot!
Pwo wunu Rwot, pien en ber;
Pien marrere a mom lokere perakino nakanaka.
2Ŋa ame twero kwano gin adoŋo luŋ ame Rwot otyeko timo?
Ŋa ame twero pake i pak luŋ ame myero pake kede?
3Jo ame kitegi atira tye kede winyo,
ame timo gin atye atira i kare ducu,
4Po pira, Ama Rwot, i kare me nyuto marri baŋ lwakki,
konya an daŋ i kare ame ibino larogi iye;
5mia an daŋ anywak kedgi gum ame iyiko pirgi,
me an daŋ alel i yomcuny,
me an daŋ abed i kwogo i akina joni ame iyero me bedo megi.
6Wan karacel i kwariwa, wan luŋ obalo,
wan luŋ otimo bal, otimo tim areco,
7106.7: Yaa 14.10-12Kwariwa i kare ame gin tye i Miciri,
mom obedo paro pi ticcoro me awura ame yin ibedo tiyo;
mom daŋ opo pi marri a mom lokere ame onwoŋo dwoŋ meicel,
cite gin olunyo jem i kom ŋat Amalo Meicel i kare ame gin otuno i Nam Arema.
8Kadi amannono en te larogi i keto kwogo i nyiŋe,
me wek en mi teko mere adwoŋ ŋeye.
9106.9-12: Yaa 14.21-31En ojuko pii i Nam Arema te two oko,
en te telogi beo kan atut calo obeo i dye tim,
10Mannono te miyo en larogi i ciŋ okworgi,
en olarogi i teko okworgi.
11Pii te mwonyo okworgi oko,
ŋattoro acel i akinagi mom te bwot.
12106.12: Yaa 15.1-21Mannono te miyo gin ye kop ame onwoŋo okobo;
gin te cako wero wer me pake,
13Cite oyotoyot wigi te wil oko i tic ame en otio,
mom oye kuro tam ame ya i baŋ Obaŋa.
14106.14-15: Wel 11.4-34Ento olubo gigi mitgi ame tye i cunygi,
ote bedo temo Obaŋa nakanaka i tim kuno.
15Obaŋa obedo miyogi gin ame gin okwao,
cite ocwao too edeke i akinagi me pwodogi.
16106.16-18: Wel 16.1-35I kare ame nyeko, omako jo i kom Muca
kede i kom Aron ame Obaŋa oyero me telogi,
17lobo oŋamo doge te mwonyo Datan,
te wumo jo Abiram ame ojem oko,
18Mac daŋ dok te cako lyel i akina jo ame ojem,
maccono te waŋo otim tim areco oko,
19106.19-23: Yaa 32.1-14Gin otio pirgi kengi atin twon i Koreb,
ote cako worogu cal jok ame otwako atwaka.
20Gin oloko Obaŋa ame obedo me kwogo
i kom cal twon ame camo lum,
21wigi te wil oko i kom Obaŋa ame olarogi,
ame otimo gigi mogo adoŋodoŋo pirgi i Miciri,
22otio gigi mogo me awura i wi lobo kan,
kede gigi mogo ame neno iyiliyili i Nam Arema.
23Omio Obaŋa okobo ni ebino tyekogi oko,
kono onwoŋo Muca dano ame
en oyero onwoŋo room tye, ame rik te cuŋ i nyim Obaŋa,
kun laro pi lwakkere,
me wek Obaŋa juk cunye kur tyekgi oko.
24106.24-26: Wel 14.1-35Gin rik te cayo lobo ame mio oko,
kun mom otye kede iye kadi acel i kom gin ame Obaŋa oyiko.
25Gin te bedo ŋuŋura i kemagi
kun mom owinyo kop ame Rwot kobbigi.
26Mannono omio Rwot otiŋo ciŋe malo te kwoŋ baŋgi,
ni ebino miyogi oto oko i tim.
27106.27: Olev. 26.33Dok daŋ ebino keketo iikwaegi akina rok apapat,
kun emiogi olal i wi lobo luŋ.
28106.28-31: Wel 25.1-13Gin rik te ye woro jok Baal iyi Peor,
kun ocamo riŋo ame oyalo i jo oto;
29Mannono te miyo akemo mako Rwot i kom gin ame gin otimo-nono,
too edeke te poto i akinagi.
30Fenekaci te ya cako kwayo Obaŋa,
too edeke te jwik oko,
31Mannono omio ote kwanne en daŋ i akina jo a kitegi atira,
kun opo pire i kare a lwagi jo me kare ducu.
32106.32-33: Wel 20.2-13Gin omio akemo omako Rwot i dog pii me Meriba,
mannono te miyo pwodo Muca pirgi;
33gin omio cuny Muca obedo akec,
eka te cako kobo koppogo ame onwoŋo myero mom ya i doge.
34106.34-36: Oŋol. 2.1-3; 3.5-6Gin rik mom te neko rok ocele,
kite ame Rwot onwoŋo ocikogi kede,
35ento gin te rubere oko i rok ocele,
ote daŋ pwonyo timo gin ame gin timo.
36Gin te cako woro cal jogigi,
ame te lokere doko owic me mokogi.
37106.37: 2 Obak. 17.17Gin te bedo yalo cal jogi itino awobegi kede anyiragi,
kun omio acalo mot me woro jogi:
38106.38: Wel 35.33Gin te onyo remo a jo apol ame mom i bal,
oonyo remo awobegi kede me anyiragi,
ame gin obedo ŋolo acalo mot me yalo cal jogi me Kanaan;
pi remo a jo ame gin obedo oonyo-nono omio lobogi balle oko.
39Gin daŋ ote doko jo ame cik ogeŋo pi gin ame gin obedo timo,
obedo timo tim me alaya alaya.
40106.40-46: Oŋol. 2.14-18Mannono te miyo akemo Obaŋa tugere i kom jo mere,
en te cako dago jo ame eyero atek meicel,
41en te miyogi i ciŋ rok ocele,
ame mannono te miyo jo ame onwoŋo dagogi cako loyogi.
42Okworgi te wunogi atek meicel,
te diyogi dwokogi i te locgi.
43Obaŋa te bedo larogi kare i kare,
cite gin omedde jem i kome kare-nono luŋ,
mannono te miyo balgi medde dwokogi adwoka piny.
44Kica dok te make i komgi i kare ame can opoto i komgi,
i kare ame en owinyo kokogi.
45En opo pi cikere mere pirgi,
kica te make i komgi pi marrere a mom lokere ame dwoŋ meicel.
46Rwot te miyo jo bedo i kica i komgi,
jo luŋ ame onwoŋo oterogi iyi opii,
47106.47-48: 1 Tek. 16.35-36Larwa ba, Ama Rwot Obaŋawa cocokowa oko i akina rok ocele,
me wek opwo nyiŋi acil,
dok obed i kwogo me paki,
48Pwo wunu Rwot, ame obedo Obaŋa a jo Icrael,
pwoc wunu waŋ i waŋ!
Me jo luŋ kob ni, “Amen!”
Pak wunu Rwot.