105
Obaŋa kede lwakkere
1Pwo wunu Rwot, lwoŋ wunu nyiŋe,
mi wunu tic ame otio ŋeye i akina rok ducu!
2Wer wunu wer me pake, wer wunu baŋe,
tit wunu ticcoro luŋ me awura ame en otio!
3Ket wunu kwogo i kom nyiŋe acil;
mi wunu cuny jo ame yenyo Rwot bed ayom!
4Yeny wunu Rwot karacel kede teko mere,
bed wunu i nyime nakanaka.
5Poyo wunu pi ticcogo me awura ame en otio,
taŋo mogo ame en otio,
karacel kede ŋolo kop ame en oŋolo,
6Wun ikwae amiro mere Iburaim,
wun itino a Yakobo ame en oyerowu.
7En obedo Rwot Obaŋawa;
Kop ame en ŋolo, ŋolo i lobo ducu.
8En po i kom cikere mere nakanaka,
i kom kop ame en ociko pi mwakki a lwagi jo me kare ducu,
9105.9: Age. 12.7; 17.8; 26.3kom cikere ame en rik ocikere kede Iburaim,
i kom kwoŋ ame rik en okwoŋo baŋ Icaka.
10105.10-11: Age. 28.13Ame en te bino moko baŋ Yakobo doko acalo cik,
baŋ Icrael me bed cikere ame perakino waŋ i waŋ.
11Kun kobo ni, “An abino miyo lobo me Kanaan baŋwu,
me bed lobowu ame ileo wunu me bedo megwu.”
12I kare ame welgi pwod nonok,
ame gin tye acalo wele ame mom oparo pirgi,
13ame obedo loŋo piny aloŋa i akina rok apapat,
ame oya i loc man okobo baŋ rok ocele.
14105.14-15: Age. 20.3-7En mom oye ŋattoro me wunogi,
en ojuko obakki pirgi,
15kun kobo ni, “Kur igud wunu omirona ame atyeko yero,
kur itim wunu ginnoro aracl kom odwarpinnya.”
16105.16: Age. 41.53-57I kare ame en omio kec opoto lobo,
obalo camgi luŋ ame okwo kede.
17105.17: Age. 37.28; 45.5En onwoŋo ocwao dano con i nyimgi,
ocwao Yucepu ame omio ocate acalo opii.
18105.18-19: Age. 39.20–40.23Rik ote tweyo tyene oko i jegere atek,
ote tweyo daŋ kol i ŋute;
19tuno waŋ ame gin ame onwoŋo en okobo ocobere kakare,
kop a Rwot oteme onwoŋo ni en tye atir.
20105.20: Age. 41.14Abaka, ocwao kop ote gonye oko,
oloc ame onwoŋo loo orok te doŋ wekke bedo kede kuc;
21105.21: Age. 41.39-41en te miye bedo adwoŋ ame loo ode,
ŋat ame loo jami luŋ ame tye i ode,
22omie daŋ twer me pwonyo rwode ocele kite ame yie mito,
kede me pwonyo odoŋe ame mie tam, i ryeko.
23105.23: Age. 46.6; 47.11Omio Icrael owoto i Miciri,
Yakobo te doko welo ame bedo i lobo a jo Kam.
24105.24-25: Yaa 1.7-14Rwot te miyo lwakkere nywal nya apol meicel,
te daŋ miyogi doko atek ame kato okworgi oko.
25Oloko cuny jo Miciri, te miyogi cako dago jo mere oko,
gin te cako timo tim me idwali i kom omiro mere.
26105.26: Yaa 3.1–4.17Ocwao amiro mere Muca,
karacel kede Aron ame en oyerogi.
27En otio anyuttogo i akinagi karacel kede taŋo i lobo me Kam.
28105.28: Yaa 10.21-23Ocwao colpiny te miyo lobo cido oko icuc,
ento gin ote jem oko mom ote ye winyo koppere.
29105.29: Yaa 7.17-21Oloko pii i kulo te doko remo,
te miyo rec luŋ ame tye iye to oko.
30105.30: Yaa 8.1-6Ogwalogwal apipim te corre i lobogi,
naka i paco abakagi.
31105.31: Yaa 8.16-17, 20-24Obaŋa okobo kop keken lwak lwaŋi apipim te corre i lobogi,
karacel kede onyogo i lobogi luŋ,
32105.32-33: Yaa 9.22-25Omio pee olunyo corre lobogi akaka kot,
kede lutkot ame te bedo meny amenya i lobogi luŋ,
33Ojwero olokgi kede odurogi luŋ,
te daŋ tuturo yen i pottigi luŋ.
34105.34-35: Yaa 10.12-15Dok te kobo ka kop keken bonyo apipim te corre i lobogi;
lwak itino bonyo ame welgi mom kwanne,
35gin te camo ginapita luŋ ame tye i lobogi,
ocamo kit cammoro luŋ ame onwoŋo tye i lobogi.
36105.36: Yaa 12.29Oneko itino kaogi luŋ ame co,
ame gin obedo itino ame gin ogeo i tekogi me agege.
37105.37-38: Yaa 12.33-36En te kwanyo jo Icrael kun omako ryal kede jabu,
mom tye ŋattoro kadi acel i akina atekeregi ame ogatte.
38I kare ame gin oya, jo Miciri cunygi obedo ayom,
pien lworo onwoŋo ocirogi doŋ oko i komgi.
39105.39: Yaa 13.21-22En oyaro pol malo i wi jo mere,
dok omio mac me menyo piny i dyewor.
40105.40: Yaa 16.2-15Kare ame gin okwae omiogi aluru,
ocwayigi kwon adwoŋ meicel iya i polo me gin cam romgi.
41105.41: Yaa 17.1-7; Wel 20.2-13Oyabo lela pii te cako kukunya iye;
pii-nono te mol i dye tim calo pii me kulo,
42Pien en onwoŋo opoyo cikere mere acil
kede amiro mere Iburaim.
43Mannono te miyo en telo jo mere i yomcuny,
otelo jo mere ame en oyero kun gin tye awero wer,
44105.44: Yoc. 11.16-23En te miyogi lobe a rok ocele,
omiogi oleo cam ame tye i potti ame rok ocele en ame oyelle kede,
45Me i agikki mere lwakkere lub cikkere,
kun ogwoko gin ame en ociko luŋ,
Pak wunu Rwot!