2
1Nze ndi kimyula kya Saloni,
Eddanga ery’omu biwonvu.
2Ng’eddanga mu maggwa,
Gwe njagala bw’ali bw’atyo mu bawala.
32:3 Is 32:2Ng’omucungwa mu miti egy’omu kibira,
Muganzi wange bw’ali bw’atyo mu balenzi.
Natuula wansi w’ekisiikirize kye n’essanyu lingi,
Ebibala bye ne biwoomera amatama gange.
4Yannyingiza mu nju ey’okuliiramu embaga,
Ne bendera ye eyali ku nze kwagala.
5Munkwatirire n’ezabbibu enkalu, munsanyuse n’amacungwa;
Kubanga okwagala kundwazizza.
62:6 Lu 8:3Omukono gwe ogwa kkono guli wansi w’omutwe gwange,
N’omukono gwe ogwa ddyo gunkutte.
72:7 Lu 3:5; 8:4Mbalayiza, mmwe abawala ba Yerusaalemi,
Olw’empeewo n’enjaza ez’omu ttale,
Muleme okugolokosa newakubadde okuzuukusa okwagala,
Okutuusa we kunaayagalira.
8Eddoboozi lya muganzi wange! laba, ajja,
Ng’abuukirabuukira ku nsozi, ng’azinira ku busozi.
9Muganzi wange ali ng’empeewo oba ennangaazi ento:
Laba, ayimirira ennyuma w’olukomera lwaffe,
Alingiza mu ddirisa,
Yeeraga ng’alabikira mu mulimu ogulukibwa ogw’omu kituli.
10Muganzi wange yayogera n’aŋŋamba
Nti Golokoka, gwe njagala, omulungi gye ndi, tugende tuveewo.
11Kubanga, laba, ttoggo aweddeko,
Enkuba eyise egenze;
122:12 Yer 8:7Ebimuli birabise ku ttaka;
Ebiro bituuse ennyonyi mwe ziyimbira,
N’eddoboozi lya kaamukuukulu liwulirwa mu nsi yaffe;
132:13 Lu 7:12, Mat 24:32Omutiini gwengeza ettiini zaagwo embisi,
N’emizabbibu gimulisizza,
Giwunya akaloosa kaagyo.
Golokoka, gwe njagala, omulungi gye ndi, tugende tuveewo.
142:14 Lu 8:13, Yer 48:28Ai ejjiba lyange, abeera mu njatika ez’omu jjinja, mu bwekwekero obw’ebbanga,
Ndabe amaaso go, mpulire eddoboozi lyo;
Kubanga eddoboozi lyo ddungi, n’amaaso go ga kusanyusa.
15Mutukwatire ebibe, ebibe ebito, ebyonoona ensuku ez’emizabbibu;
Kubanga ensuku zaffe ez’emizabbibu zimulisizza.
162:16 Lu 6:3Muganzi wange wange, nange ndi wuwe:
Aliisizza ekisibo kye mu malanga.
172:17 Lu 4:6, Yer 6:4Okutuusa obudde nga bukedde, ebisiikirize ne biddukira ddala,
Kyuka, muganzi wange, obe ng’empeewo oba ennangaazi ento
Ku nsozi eza Beseri.