8
Ya mukulu wa bayimbi; ey’e Kigaasi. Zabbuli ya Dawudi.
18:1 Zab 113:4; 148:13Ai Mukama, Mukama waffe,
Erinnya lyo nga ddungi nnyo mu nsi zonna!
Ggwe eyateeka ekitiibwa kyo ku ggulu.
28:2 Zab 44:16, Mat 11:25; 21:16, 1 Kol 1:27Mu kamwa k’abawere n’abayonka wanyweza amaanyi,
Olw’abalabe bo,
Olyoke osirise omulabe n’oyo awalana eggwanga.
38:3 Lub 1:16, Zab 19:1; 111:2, Bar 1:20Bwe ndowooza eggulu lyo, omulimu gw’engalo zo,
Omwezi n’emmunyeenye, bye walagira;
48:4-6 Beb 2:6-88:4 Yob 7:17; 25:6, Zab 144:3Omuntu kye kiki, ggwe okumujjukira,
Oba omwana w’omuntu, ggwe okumujjira?
58:5,6 Lub 1:26-28, Zab 21:5, 1 Kol 15:27, Bef 1:22Kubanga wamukola okubulako akatono okuba nga Katonda,
Era omussaako engule ey’ekitiibwa n’ettendo.
6Wamufuza emirimu egy’emikono gyo;
Wateeka ebintu byonna wansi w’ebigere bye:
7Endiga zonna n’ente,
Era n’ensolo ez’omu nsiko;
8Ennyonyi eza waggulu, n’ebyennyanja ebiri mu nnyanja,
Buli kintu ekiyita mu makubo ag’ennyanja.
9Ai Mukama, Mukama waffe,
Erinnya lyo nga ddungi nnyo
mu nsi zonna!