14
114:1 Luus 4:11, Nge 24:3Buli mukazi ow’amagezi azimba ennyumba ye.
Naye omusirusiru agyabya n’emikono gye ye.
214:2 Nge 28:6Atambulira mu bugolokofu bwe atya Mukama:
Naye akyamakyama mu makubo ge amunyooma.
314:3 Nge 12:6, Yer 18:18Mu kamwa k’omusirusiru mulimu omuggo ogw’amalala:
Naye emimwa gy’ab’amagezi ginaabakuumanga.
4Eteri nte ekisibo kiba kirongoofu:
Naye amaanyi g’ente galeeta okwala kungi.
514:5 Kuv 23:1, Nge 6:19Omujulirwa omwesigwa talimba:
Naye omujulirwa ow’obulimba ayogera eby’okuwaayiriza.
614:6 Nge 8:9; 24:7Anyooma anoonya amagezi n’atagalaba:
Naye okumanya kwangu eri oyo alina okutegeera.
7Yingira mu maaso g’omusirusiru,
Toolabe ku ye mimwa gya kumanya.
8Okutegeera ekkubo lye ge magezi g’omutegeevu:
Naye abasirusiru obusirusiru bwabwe kulimba.
914:9 Nge 10:23Abasirusiru bakudaalira omusango:
Naye mu bagolokofu mulimu ekisa.
10Omutima gumanya okulumwa kwagwo;
So n’omugenyi teyeetabula mu ssanyu lyagwo.
1114:11 Nge 15:25Ennyumba ey’ababi erisuulibwa:
Naye eweema ey’abagolokofu eneebanga n’omukisa.
1214:12 Nge 16:25, Bar 6:21Waliwo ekkubo omuntu ly’ayita eddungi,
Naye enkomerero yaalyo ge makubo ag’okufa.
1314:13 Mub 2:2, Luk 6:25Ne bwe guseka omutima gunakuwala;
N’enkomerero y’okuseka buyinike.
1414:14 Nge 1:31; 12:14, Is 3:10Adda ennyuma mu mutima gwe alikkuta amakubo ge ye:
N’omuntu omulungi alikkuta ye yennyini.
15Atalina magezi akkiriza buli kigambo kyonna:
Naye omuntu omutegeevu akebera nnyo amagenda ge.
1614:16 Yob 28:28, Nge 3:7Omuntu ow’amagezi atya n’ava mu bubi:
Naye omusirusiru aba n’ettitimbuli, era yeeyinula.
17Ayanguwa okusunguwala alikola eby’obusirusiru:
N’omuntu asala enkwe embi akyayibwa.
18Abatalina magezi basikira obusirusiru:
Naye abategeevu bassibwako engule kwe kumanya.
1914:19 Lub 42:6Ababi bakutamira abalungi;
N’ab’ekyejo awali emiryango egy’abatuukirivu.
2014:20 Nge 19:4,7Omwavu ne munne amukyawa:
Naye omugagga alina emikwano mingi.
2114:21 Zab 41:1, Nge 11:12Anyooma munne ayonoona:
Naye asaasira abaavu alina omukisa.
22Abagunja obubi tebawaba?
Naye okusaasirwa n’amazima binaabanga byabwe abagunja obulungi.
23Omulimu gwonna guliko kye gugasa:
Naye okubuyabuya kw’emimwa kwavuwaza bwavuwaza.
24Obugagga bwabwe ye ngule ey’ab’amagezi:
Naye obusirusiru bw’abasirusiru busirusiru bwereere.
2514:25 Nge 14:5Omujulirwa ow’amazima awonya emmeeme z’abantu:
Naye aleeta eby’obulimba akyamya.
2614:26 Zab 14:6, Nge 1:33Mu kutya Mukama mulimu okuguma ennyo omwoyo:
N’abaana be baliba n’obuddukiro.
2714:27 Nge 13:14Okutya Mukama nsulo ya bulamu,
Okuva mu byambika eby’okufa.
2814:28 1 Bassek 4:20Mu lufulube lw’abantu mwe muli ekitiibwa kya kabaka:
Naye okubulwa abantu kwe kuzikirira kw’omulangira.
2914:29 Nge 15:18; 16:32; 19:11, Mub 7:9, Yak 1:19Alwawo okusunguwala alina okutegeera kungi:
Naye alina omwoyo ogwanguyiriza agulumiza abusirusiru.
3014:30 Nge 12:4Omutima omutuufu bwe bulamu obw’omubiri:
Naye obuggya kwe kuvunda kw’amagumba.
3114:31 Nge 17:5; 22:2, Mat 25:40,45Ajooga omwavu avuma Omutonzi we:
Naye asaasira oyo eyeetaaga amussaamu ekitiibwa.
3214:32 Kubal 23:10, Yob 19:25-27, Zab 23:4Omubi asindikibwa wansi mu kwonoona kwe:
Naye omutuukirivu alina essuubi mu kufa kwe:
33Amagezi gabeera mu mutima gw’oyo alina okutegeera:
Naye ekiri ku kitundu eky’abasirusiru eky’omunda kimanyisibwa.
34Obutuukirivu bugulumiza eggwanga:
Naye ekibi kivumisa eggwanga lyonna.
3514:35 Nge 16:13, Mat 24:45-47Omuddu akola eby’amagezi ye aganja eri kabaka:
Naye obusungu bwe bunaabanga eri oyo akwasa ensonyi.