6
1Mwekuume obutakoleranga bigambo byammwe eby’obutuukirivu mu maaso g’abantu, era babalabe: kubanga bwe munaakolanga bwe mutyo temuuweebwenga mpeera eri Kitammwe ali mu ggulu.
2Kale, bw’ogabiranga abaavu, teweefuuyiranga ŋŋombe mu maaso go, nga bannanfuusi bwe bakola mu makuŋŋaaniro ne mu nguudo, abantu babawe ekitiibwa. Mazima mbagamba nti Bamaze okuweebwa empeera yaabwe. 36:3 Mat 25:37-40, Bar 12:8Naye ggwe bw’ogabiranga abaavu, omukono gwo ogwa kkono gulemenga okumanya ogwa ddyo bye gukola: 4okugaba kwo kubeerenga kwa kyama: kale Kitaawo alaba mu kyama alikuwa empeera.
56:5 Mat 23:5,6Era bwe musabanga, temubanga nga bannanfuusi: kubanga baagala okusaba nga bayimiridde mu makuŋŋaaniro ne ku mabbali g’enguudo, era abantu babalabe. Mazima mbagamba nti Bamaze abo okuweebwa empeera yaabwe. 66:6 2 Bassek 4:33Naye ggwe bw’osabanga, yingiranga mu kisenge munda, omalenga okuggalawo oluggi, olyoke osabe Kitaawo ali mu kyama, kale Kitaawo alaba mu kyama, alikuwa empeera. 76:7 Is 1:15Nammwe bwe musabanga, temudiŋŋananga mu bigambo, ng’ab’amawanga bwe bakola: kubanga balowooza nga banaawulirwa olw’ebigambo byabwe ebingi: 86:8 Mat 6:32Kale, temufaanana nga bo: kubanga Kitammwe amanyi bye mwetaaga nga temunnaba kumusaba. 96:9 Luk 11:2-4, Yok 17:6Kale, musabenga bwe muti, nti Kitaffe ali mu ggulu, Erinnya lyo litukuzibwe. 106:10 Mat 7:21, Luk 22:42Obwakabaka bwo bujje. By’oyagala bikolebwe mu nsi, nga bwe bikolebwa mu ggulu. 11Otuwe leero emmere yaffe eya leero. 126:12 Mat 18:21-35Otusonyiwe amabanja gaffe, nga naffe bwe tusonyiye abatwewolako. 136:13 1 Byom 29:11-13, Yok 17:11,15Totutwala mu kukemebwa, naye otulokole eri omubi. Kubanga obwakabaka, n’obuyinza, n’ekitiibwa, bibyo, emirembe n’emirembe, Amiina. 146:14,15 Mak 11:25,26Kubanga bwe munaasonyiwanga abantu ebyonoono byabwe, Kitammwe ali mu ggulu anaabasonyiwanga nammwe. 15Naye bwe mutaasonyiwenga bantu ebyonoono byabwe, ne Kitammwe taasonyiwenga byonoono byammwe.
166:16 Is 58:5-9Nate bwe musiibanga, temubeeranga nga bannanfuusi, abalina amaaso ag’ennaku: kubanga beeyonoona amaaso gaabwe, era abantu babalabe nga basiiba. Mazima mbagamba nti Bamaze okuweebwa empeera yaabwe. 17Naye ggwe bw’osiibanga, osaabanga amafuta ku mutwe, onaabanga ne mu maaso; 18abantu balemenga okulaba ng’osiiba, wabula Kitaawo ali mu kyama: kale Kitaawo alaba mu kyama alikuwa empeera.
19Temweterekeranga bintu ku nsi, kwe byonoonekera n’ennyenje n’obutalagge, n’ababbi kwe basimira ne babba: 206:20 Mat 19:21, Luk 12:33,34, Bak 3:1,2naye mweterekeranga ebintu mu ggulu, gye bitayonoonekera n’ennyenje newakubadde obutalagge, so n’ababbi gye batasimira, so gye batabbira: 21kubanga ebintu byo we bibeera, omutima gwo nagwo gye gubeera. 226:22 Luk 11:34-36Ettabaaza y’omubiri lye liiso: eriiso lyo bwe liraba awamu, omubiri gwo gwonna gunaabanga n’okutangaala. 236:23 Mat 20:15Naye eriiso lyo bwe liba ebbi, omubiri gwo gwonna gunaabanga n’ekizikiza. Kale okutangaala okuli munda mu ggwe bwe kubeera ekizikiza, ekizikiza ekyo kyenkana wa obunene! 246:24 Luk 16:9,13Tewali muntu ayinza kuweereza baami babiri: kuba oba anaakyawanga omu, n’ayagalanga omulala; oba anaanywereranga ku omu, n’anyoomanga omulala. Temuyinza kuweereza Katonda ne mamona. 256:25 Baf 4:6, 1 Peet 5:7, 1 Tim 6:6, Beb 13:56:25-33 Luk 12:22-31Kyenva mbagamba nti Temweraliikiriranga bulamu bwammwe, nti mulirya ki, mulinywa ki; newakubadde omubiri gwammwe, nti mulyambala ki. Obulamu tebukira mmere, n’omubiri tegukira byakwambala? 266:26 Mat 10:29-31Mulabe ennyonyi ez’omu bbanga, nga tezisiga, so tezikungula, tezikuŋŋaanyiza mu mawanika; era Kitammwe ali mu ggulu aziriisa ezo. Mmwe temusinga nnyo ezo? 27Ani mu mmwe bwe yeeraliikirira, ayinza okweyongerako ku bukulu bwe n’akaseera akamu? 28Naye ekibeeraliikiriza ki eby’okwambala? Mutunuulire amalanga ag’omu ttale, bwe gamera; tegakola mulimu, so tegalanga lugoye: 296:29 1 Bassek 10naye mbagamba nti ne Sulemaani mu kitiibwa kye kyonna, teyayambalanga ng’erimu ku go. 30Naye Katonda bw’ayambaza bw’atyo omuddo ogw’omu ttale, oguliwo leero, ne jjo bagusuula mu kyoto, talisinga nnyo okwambaza mmwe, abalina okukkiriza okutono? 31Kale temweraliikiriranga nga mwogera nti Tulirya ki? oba tulinywa ki? oba tulyambala ki? 326:32 Mat 6:8Kubanga ebyo byonna amawanga bye ganoonya; kubanga Kitammwe ali mu ggulu amanyi nga mwetaaga ebyo byonna. 336:33 Bar 14:17, 1 Bassek 3:13,14, Zab 37:4,25Naye musooke munoonye obwakabaka bwe n’obutuukirivu bwe; era ebyo byonna mulibyongerwako. 346:34 Kuv 16:19Kale temweraliikiriranga bya jjo: kubanga olunaku olwa jjo lulyeraliikirira ebyalwo. Olunaku olumu ekibi kyalwo kirumala.