1
11:1 Kubal 12:4,5Awo Mukama n’akoowoola Musa n’ayogera naye mu weema ey’okusisinkanirangamu ng’agamba nti, 21:2 Leev 22:18,19Yogera n’abaana ba Isiraeri obagambe nti Omuntu yenna ku mmwe bw’awangayo ekitone eri Mukama, munaakiwangayo okukiggya ku nsolo, ku nte ne ku mbuzi.
31:3 Leev 3:1; 22:20, Ma 15:21Oba ng’awaayo ekiweebwayo ekyokebwa ku nte, anaawangayo nnume eteriiko bulema: anaagiweerangayo ku mulyango gw’eweema ey’okusisinkanirangamu, alyoke akkirizibwenga mu maaso ga Mukama. 41:4 Kuv 29:10, Leev 4:4,20; 8:14Era anaateekanga engalo ze ku mutwe gw’ekiweebwayo ekyokebwa; awo eneemukkiririzibwanga okumutangirira. 51:5 Leev 3:8Awo anattiranga ente mu maaso ga Mukama: n’abaana ba Alooni, bakabona, banaaleetanga omusaayi, era banaamansiranga omusaayi ku kyoto enjuyi zonna ekiri ku mulyango gw’eweema ey’okusisinkanirangamu. 6Awo anaabaaganga ekiweebwayo ekyokebwa era anaakisalangamu ebitundu byakyo. 71:7 Lub 22:9Awo abaana ba Alooni kabona banaateekanga omuliro ku kyoto, ne batindikira enku ku muliro: 8awo abaana ba Alooni, bakabona, banaateekateekanga ebifi, omutwe n’amasavu, ku nku eziri ku muliro oguli ku kyoto: 91:9 Lub 8:21, Kuv 29:18, Leev 2:9naye ebyenda byayo n’amagulu gaayo anaabinaazanga n’amazzi: awo kabona anaayokeranga byonna ku kyoto, okuba ekiweebwayo ekyokebwa ekiweebwayo ekikolebwa n’omuliro, eky’evvumbe eddungi eri Mukama.
10Era oba ng’awaayo ku kisibo, kwe kugamba nti ku ndiga oba ku mbuzi, okuba ekiweebwayo ekyokebwa; anaawangayo nnume eteriiko bulema. 11Era anaagittiranga ku luuyi lw’ekyoto olw’obukiika obwa kkono mu maaso ga Mukama: n’abaana ba Alooni, bakabona, banaamansiranga omusaayi gwayo ku kyoto enjuyi zonna. 12Awo anaagisalangamu ebifi byayo, awamu n’omutwe gwayo n’amasavu gaayo: awo kabona anaabiteekateekanga ku nku eziri ku muliro oguli ku kyoto: 13naye ebyenda n’amagulu anaabinaazanga n’amazzi: awo kabona anaawangayo yonna, anaagyokeranga ku kyoto: kye kiweebwayo ekyokebwa ekiweebwayo ekikolebwa n’omuliro, eky’evvumbe eddungi eri Mukama.
141:14 Leev 5:7; 12:8, Luk 2:24Era oba ng’awaayo eri Mukama ekiweebwayo ekyokebwa eky’ennyonyi, anaawangayo bukaamukuukulu oba amayiba amato. 151:15 Leev 5:8Awo kabona anaakaleetanga eri ekyoto, n’akanyoola omutwe n’agumenyako, n’akookera ku kyoto; n’omusaayi gwako gunaatonnyeranga ku mabbali g’ekyoto: 161:16 Leev 6:10awo anaggyangamu ekisakiro kyako awamu n’empitambi yaakyo, n’akisuula ku mabbali g’ekyoto ku luuyi olw’ebuvanjuba, mu kifo eky’evvu: 171:17 Lub 15:10era anaakayuzanga n’ebiwaawaatiro byako, takasalangamu: awo kabona anaakookeranga ku kyoto, ku nku eziri ku muliro: kye kiweebwayo ekyokebwa, ekiweebwayo ekikolebwa n’omuliro, eky’evvumbe eddungi eri Mukama.