5
15:1,2 Zab 79:1Jjukira, ai Mukama, ebitujjidde:
Tunula olabe okuvumibwa kwaffe.
2Obusika bwaffe bukyuse okuba obw’abannaggwanga,
Ennyumba zaffe okuba ez’abatali ba muno.
3Tuli bamulekwa, so tetulina bakitaffe,
Bannyaffe bali nga bannamwandu.
4Tunywedde amazzi gaffe lwa bintu;
Enku zaffe bazituguza.
55:5 Yos 10:24Abatucocca batuuse ku nsingo zaffe:
Tukooye so tetulina kiwummulo.
6Tubagololedde Abamisiri emikono,
N’Abasuuli olw’okukkuta emmere.
75:7 Yer 31:29Bakitaffe baayonoona so tebaliiwo;
Naffe twetisse obutali butuukirivu bwabwe.
85:8 Nge 30:21,22Abaddu batufuga:
Tewali wa kutulokola mu mukono gwabwe.
95:9 Yer 6:25Tufuna emmere yaffe lwa kusingawo bulamu bwaffe
Olw’ekitala eky’omu ddungu.
105:10 Ma 32:24, Kung 4:8Eddiba lyaffe liddugadde ng’akabiga.
Olw’olubugumu olw’enjala olwokya.
11Baakwatira abakazi mu Sayuuni,
Abawala abatamanyi musajja mu bibuga bya Yuda.
125:12 2 Bassek 25:19-21Abakungu baawanikibwa n’omukono gwabwe:
Amaaso g’abakadde tebaagassaamu kitiibwa.
135:13 Yos 9:27, Balam 16:21Abalenzi baasitula olubengo,
N’abaana abato beesittala nga beetikka enku.
145:14 Is 24:8Abakadde baweddewo mu mulyango
Abalenzi baleseeyo okuyimba kwabwe.
155:15 Am 8:10Essanyu ery’omu mutima gwaffe likomye:
Okuzina kwaffe kufuuse okuwuubaala.
165:16 Yer 13:18Engule egudde evudde ku mutwe gwaffe:
Zitusanze! kubanga twonoonye.
175:17 Is 1:5Omutima gwaffe kyeguvudde guyongobera;
Olw’ebyo amaaso gaffe kyegavudde gayimbaala;
185:18 Is 34:13Olw’olusozi lwa Sayuuni, olulekeddwawo;
Ebibe bitambulira okwo.
195:19 Zab 102:12Ggwe, ai Mukama, obeerera ennaku zonna;
Entebe yo ebaawo okuva ku mirembe okutuuka ku mirembe gyonna.
205:20 Zab 13:1Lwaki okutwerabira ennaku zonna,
N’otuleka ebiro ebyenkanidde wano?
215:21 Yer 31:18Tukyuse gy’oli, ai Mukama, naffe tunaakyusibwa;
Ennaku zaffe ozizze buggya ng’edda.
225:22 Yer 14:19Naye otusuulidde ddala,
Otusunguwalidde nnyo.