3
13:1 Yer 20:18Nze ndi muntu oyo eyalaba ennaku olw’omuggo ogw’obusungu bwe.
23:2 Is 5:30Yantwala n’antambuliza mu kizikiza so si mu musana.
3Mazima tata kundeetako mukono gwe okuzibya obudde.
43:4 Zab 51:8, Is 38:13Omubiri gwange n’eddiba lyange abikadiyizza; amenye amagumba gange.
5Anzimbiddeko n’anneetoolooza omususa n’okulumwa.
63:6 Zab 143:3Antuuzizza mu bifo eby’ekizikiza ng’abo abaafa edda.
73:7 Zab 88:8Ankomedde n’okuyinza ne siyinza kufuluma; azitoyezza olujegere lwange.
83:8 Yob 30:20, Zab 22:2Weewaawo, bwe nkaaba ne nkuba enduulu okubeerwa, aggalira okusaba kwange.
9Akomedde amakubo gange n’amayinja amateme, akyamizza empitiro zange.
103:10 Kos 13:8Ali gye ndi ng’eddubu eteega, ng’empologoma eri mu bifo eby’ekyama.
11Akyamizza olugendo lwange, n’antaagulataagula; ansamaalirizza.
123:12 Yob 16:12Anaanudde omutego gwe, n’anteekawo okuba sabbaawa w’akasaale.
133:13 Yob 6:4Ayingizizza mu mmeeme yange ebiri mu mufuko gwe.
143:14 Yob 30:9, Yer 20:7Nfuuse eky’okusekererwa eri abantu bange bonna; n’oluyimba lwabwe okuzibya obudde.
153:15 Yer 9:15Anzikusizza obubalagaze, annyiyizza abusinso,
163:16 Nge 20:17, Yer 6:26Era amenye amannyo gange n’oluyinjayinja, ambisseeko evvu.
17Era wayawula emmeeme yange okuba ewala n’emirembe; nneerabira omukisa bwe gufaanana.
18Ne njogera nti Amaanyi gabuze, n’okusuubira kwange okuva eri Mukama.
19Jjukira ennaku zange n’obuyinike bwange, abusinso n’omususa.
20Emmeeme yange ekyabijjukira, era ekutamye mu nda yange.
21Nkijjukira ekyo, kyenvudde mbeera n’okusuubira.
223:22 Mal 3:6Kwe kusaasira kwa Mukama ffe obutamalwawo, kubanga ekisa kye tekiggwaawo.
233:23 Zab 36:5Kiba kiggya buli nkya; obwesigwa bwo bungi.
243:24 Zab 16:5Mukama gwe mugabo gwange, emmeeme yange bw’eyogera; kyennaava mmusuubira.
253:25 Zab 130:6, Is 30:18Mukama aba mulungi eri abo abamulindirira, eri emmeeme emunoonya.
263:26 Mi 7:7Kirungi omuntu okusuubiranga n’okulindiriranga obulokozi bwa Mukama ng’ateredde.
273:27 Mub 12:1, Mat 11:29Kirungi omuntu okusitula ekikoligo mu buto bwe.
28Atuule yekka asirike, kubanga akimutaddeko.
293:29 Yob 42:6Ateeke akamwa ke mu nfuufu oba nga mpozzi wanaabaawo okusuubira.
303:30 Is 50:6, Mat 5:39Awe ettama lye eri oyo amukuba; akkute okuvumibwa.
313:31 Zab 103:9Kubanga Mukama talisuula annaku zonna.
323:32 Zab 103:8; 106:45Kuba newakubadde ng’aleeta obuyinike, naye alikwatibwa ekisa ng’olufulube lw’okusaasira kwe bwe luli.
333:33 Beb 12:6-11Kubanga tagenderera kubonyaabonya newakubadde okuluma abaana b’abantu.
34Okulinnyirira n’ekigere abasibe bonna ab’omu nsi,
353:35 Kaab 1:13Okukyamya ensonga y’omuntu mu maaso g’oyo ali waggulu ennyo,
36N’okulya ensonga, ebyo Mukama tabisiima.
373:37 Nge 19:21Ani oyo ayogera ne kituukirira, Mukama nga takiragidde?
383:38 Is 45:7, Am 3:6Mu kamwa k’oyo ali waggulu ennyo temuvaamu ebibi n’ebirungi?
393:39 Nge 19:3Omuntu omulamu yeemulugunyiza ki, omuntu olw’okubonerezebwa olw’ebibi bye?
403:40 Yo 2:12,13Tukebere tukeme emitima gyaffe, tukyukire nate eri Mukama.
413:41 Zab 25:1Tuyimuse emitima gyaffe wamu n’engalo zaffe eri Katonda mu gulu.
423:42 Dan 9:5Tusobezza era tujeemye; tosonyiye.
43Otubisseeko obusungu, n’otuyigganya; osse so tosaasidde.
44Weebisseeko ekire, okusaba kwaffe kuleme okugguka okutuukayo.
453:45 1 Kol 4:13Otufudde ng’empitambi n’ebisasiro wakati mu mawanga.
46Abalabe baffe bonna batwasamidde nnyo akamwa kaabwe.
473:47 Is 24:17; 51:19Entiisa n’obunnya bitutuuseeko, okunyagibwa n’okuzikirira.
48Eriiso lyange likulukuta emigga egy’amazzi olw’okuzikirira kw’omuwala w’abantu bange.
49Eriiso lyange litonnya, terirekaayo, terita n’akatono,
503:50 Is 63:15Okutuusa Mukama lw’anaatunula wansi n’alaba ng’ayima mu ggulu.
51Eriiso lyange linakuwaza emmeeme yange olw’abawala bonna ab’ekibuga kyange.
52Bancoccedde ddala nnyo ng’ennyonyi, ababa abalabe bange awatali nsonga.
533:53 Yer 38:6,9,10Bamazeewo obulamu bwange mu nju ey’obunnya, era bansuddeko ejjinja.
543:54 Zab 69:2; 88:5, Ez 37:11Amazzi gaakulukuta ku mutwe gwange; ne njogera nti Mmaliddwawo.
553:55,56 Zab 130:1,2Nakaabira erinnya lyo, ai Mukama, nga nnyima mu nju ey’obunnya eya wansi ennyo.
56N’owulira eddoboozi lyange; tokisa kutu kwo kussa mukka kwange, okukaaba kwange.
573:57 Yos 1:9, Yak 4:8Wasembera ku lunaku kwe nnakukaabirira: n’oyogera nti Totya.
583:58 Zab 119:154Ai Mukama, wawoza ensonga ez’emmeeme yange; wanunula obulamu bwange.
593:59 Zab 35:22,23Ai Mukama, olabye okujoogebwa kwange; nsalira omusango.
603:60 Yer 11:19Olabye eggwanga lyonna lye bawalana, n’enkwe zonna ze bansalira.
61Owulidde okuvuma kwabwe, ai Mukama, n’enkwe zonna ze bansalira;
62Emimwa gy’abo abangolokokerako n’ebyo bye bandowoolezaako okuzibya obudde.
633:63 Zab 139:2Tunuulira okutuula kwabwe n’okuyimuka kwabwe; nze ndi luyimba lwabwe,
643:64 Zab 28:4, 2 Tim 4:14Olibasasula empeera, ai Mukama, ng’omulimu bwe guli ogw’emikono gyabwe.
653:65 Yer 10:11Olibawa omutima ogukakanyadde, ekikolimo kyo eri bo.
66Olibayigganya n’obusungu, n’obazikiriza okuva wansi w’eggulu lya Mukama.