5
15:1 Lub 18:23-32, 2 Byom 16:9Muddukane eruuyi n’eruuyi mu nguudo ez’e Yerusaalemi, mulabe nno, mumanye, munoonyeze mu bifo byamu ebigazi oba nga munaayinza okulaba omuntu, oba nga waliwo n’omu akola eby’ensonga, anoonya amazima; kale naakisonyiwa. 25:2 Tit 1:16Era ne bwe boogera nti Nga Mukama bw’ali omulamu, mazima balayira bya bulimba. 35:3 Yer 2:30; 7:28, Ez 3:8, Zef 3:2Ai Mukama, amaaso go tegatunuulira mazima? obakubye, naye ne batanakuwala; obamazeewo, naye bagaanyi okubuulirirwa: bakakanyazizza amaaso gaabwe okukira olwazi; bagaanyi okudda. 4Awo ne njogera nti Mazima bano baavu: basirusiru; kubanga tebamanyi kkubo lya Mukama newakubadde omusango gwa Katonda waabwe: 55:5 Zab 2:3, Mi 3:1neegendera eri abakulu ne njogera nabo; kubanga bo bamanyi ekkubo lya Mukama, n’omusango gwa Katonda waabwe. Naye abo bamenye ekikoligo n’omwoyo gumu ne bakutula ebisiba. 65:6 Yer 4:7, Kos 13:7, Kaab 1:8Empologoma eva mu kibira kyeriva ebatta, omusege ogw’ekiro gulibanyaga, engo eriteegera mu bibuga byabwe, buli muntu ava omwo anaataagulwataagulwanga: kubanga okusobya kwabwe kungi n’okuseeseetuka kwabwe kweyongedde. 75:7 Ma 32:15, Yos 23:7, Yer 9:2Nnyinza ntya okukusonyiwa? abaana bo banvuddeko, ne balayira abo abatali bakatonda: bwe nnabaliisa okukkuta ne bayenda, ne bakuŋŋaanira ku nnyumba z’abakazi ab’enzi ebibiina. 85:8 Yer 13:27, Ez 22:11Baali ng’embalaasi ezaaliisibwa enkya: buli muntu ng’abebera mukazi wa munne. 95:9 Bar 2:2Siribonereza olw’ebyo? bw’ayogera Mukama: era emmeeme yange teriwalana ggwanga ku ggwanga erifaanana bwe lityo?
10Mulinnye ku bbugwe waakyo, muzikirize; naye temukomekkerereza ddala: muggyeewo amatabi gaakyo: kubanga si ga Mukama. 11Kubanga ennyumba ya Isiraeri n’ennyumba ya Yuda bankuusizzakuusizza nnyo nnyini, bw’ayogera Mukama. 125:12 Lub 3:4, Yer 14:13Beegaanyi Mukama ne boogera nti Si ye; so obubi tebulitujjira; so tetuliraba kitala newakubadde enjala: 13ne bannabbi balifuuka mpewo, so n’ekigambo tekiri mu bo: bwe balikolebwa bwe batyo. 145:14 Yer 1:9,10, Zek 12:6, Kub 11:5Mukama Katonda ow’eggye kyava ayogera nti Kubanga mwogera ekigambo ekyo, laba, ndifuula ebigambo byange mu kamwa ko okuba omuliro n’abantu bano okuba enku, era gulibookya. 155:15 Ma 28:49, Is 33:19, Am 6:14Laba, ndireeta ku mmwe eggwanga eririva ewala, mmwe ennyumba ya Isiraeri, bw’ayogera Mukama: ggwanga lya maanyi, ggwanga lya dda, eggwanga ly’otomanyiiko olulimi lwalyo so totegera bye boogera. 165:16 Is 5:28Omufuko gwabwe ntaana eyasaamiridde, bonna basajja ba maanyi. 175:17 Ma 28:31, Kos 8:14Era balirya ebikungulwa byo n’emmere yo, batabani bo ne bawala bo bye bandiridde: balirya embuzi zo n’ente zo: balirya emizabbibu gyo n’emitiini gyo: balimenyaamenya n’ekitala ebibuga byo ebiriko enkomera bye weesiga. 18Era naye ne mu biro ebyo, bw’ayogera Mukama, sirikomekkerereza ddala gye muli. 195:19 Ma 28:47,48, 1 Bassek 9:8,9, Yer 16:10,11Awo olulituuka bwe mulyogera nti Mukama Katonda waffe kiki ekimukozezza ffe ebyo byonna? kale n’olyoka obagamba nti Nga mmwe bwe munvuddeko ne muweerereza bakatonda bannaggwanga mu nsi yammwe, bwe mutyo bwe munaaweererezanga bannaggwanga mu nsi eteri yammwe.
20Mubuulirire kino mu nnyumba ya Yakobo, mukirangirire mu Yuda, nti 215:21 Ma 32:6, Is 6:9, Mat 13:14Muwulire nno kino, mmwe abantu abasirusiru era abatalina kutegeera; abalina amaaso ne mutalaba; abalina amatu ne mutawulira: 225:22 Yob 38:10,11, Zab 46:3; 104:9, Yer 10:7temuntya? bw’ayogera Mukama: temuukankanire kujja kwange, eyateeka omusenyu okuba ensalo y’ennyanja olw’ekiragiro ekitaliggwaawo, n’okuyinza n’eteyinza kugusukkako? era amayengo gaayo ne bwe geesuukunda, naye tegayinza kuwangula; ne bwe gawuuma, naye tegayinza kugusukkako. 23Naye abantu bano balina omutima omuwaganyavu era omujeemu; bajeemye bagenze. 245:24 Lub 8:22, Ma 11:14, Yer 14:22, Mat 5:45, Bik 14:17So teboogera mu mutima gwabwe nti Tutye nno Mukama Katonda waffe awa enkuba, ddumbi ne ttoggo, mu ntuuko zaayo; atuterekera sabbiiti ez’ebikungulwa ezaateekebwawo. 255:25 Yer 3:3Obutali butuukirivu bwammwe bwe busindise ebyo, n’ebibi byammwe bye bibaziyiriza ebirungi. 265:26 Zab 10:9; 124:7, Nge 1:11Kubanga mu bantu bange mulabika abasajja ababi: balabirira ng’abatezi b’ennyonyi bwe batega; batega omutego, bakwasa bantu. 27Ng’ekiguli bwe kijjula ennyonyi, ennyumba zaabwe bwe zijjula bwe zityo obulimba: kyebavudde bafuuka abakulu ne bagaggawala. 285:28 Ma 32:15, Is 1:23, Yer 7:6Bagezze, banyiridde: weewaawo, basukkiriza ebikolwa eby’obubi: tebalowooza nsonga, ensonga y’atalina kitaawe, balyoke balabe omukisa; so tebasalira baavu musango gwabwe. 29Siribonereza olw’ebyo? bw’ayogera Mukama: emmeeme yange teriwalana ggwanga ku ggwanga erifaanana bwe lityo?
305:30 Yer 23:14Ekigambo eky’ekitalo era eky’ekivve kituukiridde mu nsi; 315:31 Yer 6:13; 14:18, Mi 2:11, Yer 8:10-12bannabbi balagula bya bulimba, ne bakabona bafuga ku lw’abo; n’abantu bange baagala kibeere bwe kityo: era mulikola ki ku nkomerero y’ebyo?