18
1Ekigambo ekyajjira Yeremiya okuva eri Mukama 218:2 Yer 19:1nti Golokoka oserengete eri ennyumba ey’omubumbi, era eyo gye nnaakuwuliriza ebigambo byange. 3Awo ne nserengeta eri ennyumba ey’omubumbi, kale, laba, ng’akolera omulimu gwe ku bannamuziga. 418:4 Yer 13:7Awo ekintu kye yali akola n’ebbumba bwe kyayonoonekera mu mukono gw’omubumbi, n’akibumba nate okuba ekintu ekirala ng’omubumbi bwe yasiima okukibumba.
5Awo ekigambo kya Mukama ne kinjijira nga kyogera 618:6 Yob 10:9, Is 45:9; 64:8, Bar 9:21nti Ai ennyumba ya Isiraeri, nze siyinza kubakola ng’omubumbi ono? bw’ayogera Mukama. Laba, ebbumba nga bwe liri mu mukono gw’omubumbi, nammwe bwe muli bwe mutyo mu mukono gwange, ai ennyumba ya Isiraeri. 718:7 Yer 1:10Bwe ndiba nga njogedde ku ggwanga ne ku bwakabaka, okusimbula n’okumenya n’okuzikiriza; 818:8 Balam 2:18, Yer 26:3,13,19, Ez 18:21, Yon 3:10eggwanga eryo lye njogeddeko bwe lirikyuka okuleka obubi bwabwe, ndyejjusa obubi bwe nnali ndowooza okubakola. 9Bwe ndiba nga njogedde ku ggwanga ne ku bwakabaka, okulizimba n’okulisimba; 10bwe lirikola obubi mu maaso gange, obutawulira ddoboozi lyange, kale ndyejjusa obulungi bwe nnayogera okukola okubagasa. 1118:11 2 Bassek 17:13, Yer 35:15Kale nno gamba abasajja ba Yuda n’abali mu Yerusaalemi nti Bw’ati bw’ayogera Mukama nti Laba, mbateesezzaako obubi era mbasalira amagezi: mukomeewo nno buli muntu ng’ava mu kkubo lye ebbi, mulongoose amakubo gammwe n’ebikolwa byammwe. 1218:12 Yer 2:25; 3:17Naye ne boogera nti Tewali ssuubi: kubanga tunaatambulanga okugoberera ebyo bye twagunja ffe, era tunaakolanga buli muntu ng’obukakanyavu bw’omutima gwe omubi bwe buli.
1318:13 Yer 2:10,11; 5:30Mukama kyava ayogera bw’ati nti Mubuuze nno mu mawanga eyali awulidde ebigambo ebyenkana awo; omuwala wa Isiraeri akoze ekigambo eky’ekivve ennyo. 14Omuzira oguli ku Lebanooni guliggweerawo ku lwazi olw’oku ttale? amazzi amannyogovu agakulukuta agava ewala galikalira? 1518:15 Is 57:14, Yer 2:5,32; 6:16Kubanga abantu bange banneerabidde, bookerezza obubaane ebitaliimu; era babeesittazizza mu makubo gaabwe, mu makubo ag’edda, okutambulira mu mpenda, mu kkubo eritali ssende; 1618:16 2 Byom 29:8, Yob 16:4, Zab 22:7, Yer 19:8, Kung 1:15, Mat 27:39okufuula ensi yaabwe ekyewuunyo n’okusoozebwanga ennaku zonna; buli muntu anaayitangawo aneewuunyanga n’anyeenya omutwe gwe. 1718:17 Zab 48:7, Yer 13:24, Ez 27:26Ndibasaasaanya nga n’embuyaga eziva ebuvanjuba mu maaso g’omulabe; nditunuulira amabega gaabwe so si maaso gaabwe ku lunaku mwe balirabira obuyinike.
1818:18 Yer 2:8; 5:31; 6:13; 9:8; 11:19Awo ne balyoka boogera nti Mujje tumusalire Yeremiya amagezi; kubanga amateeka tegalibula awali kabona, newakubadde okuteesa awali ow’amagezi, newakubadde ekigambo awali nnabbi. Mujje tumukube n’olulimi, tuleme okussaayo omwoyo eri ebigambo bye n’ekimu.
1918:19 Zab 35:1, Is 49:25Ssaayo omwoyo eri nze, ai Mukama, owulire eddoboozi ly’abo abampakanya. 2018:20 Zab 35:7; 57:6; 119:85Obubi bulisasulwa olw’obulungi? kubanga basimidde emmeeme yange obunnya. Jjukira bwe nnayimirira mu maaso go okuboogerera bo ebirungi okukyusa ekiruyi kyo kibaveeko. 21Kale waayo abaana baabwe eri enjala, obagabule eri obuyinza obw’ekitala; bakazi baabwe bafiirwe abaana baabwe era babe bannamwandu; n’abasajja baabwe battibwe, n’abalenzi baabwe bafumitibwe n’ekitala mu lutalo. 2218:22 Zab 140:5Okukaaba kuwulirwe okuva mu nnyumba zaabwe, bw’olibaleetako ekibiina nga tebamanyiridde: kubanga basimye obunnya okukwata, era bakwekedde ebigere byange ebyambika. 2318:23 Nek 4:5, Zab 35:22Era naye, Mukama, ggwe omanyi byonna bye bateesa okunzita; tosonyiwa bubi bwabwe, so tosangula kwonoona kwabwe mu maaso go: naye basuulibwe mu maaso go; obabonereze mu kiseera eky’obusungu bwo.