10
1Muwulire ekigambo Mukama ky’abagamba, mmwe ennyumba ya Isiraeri: 2bw’ati bw’ayogera Mukama nti Temuyiganga kkubo lya mawanga, so temweraliikiriranga bubonero bwa mu ggulu; kubanga amawanga gabweraliikirira. 310:3,4 Is 40:19,20; 41:7Kubanga empisa ez’amawanga teziriiko kye zigasa: kubanga wabaawo omu atema omuti mu kibira, omulimu ogw’emikono gy’omukozi n’embazzi. 4Baguyonja ne ffeeza ne zaabu; bagukomerera n’enninga n’ennyondo gulemenga okusagaasagana. 510:5 Zab 115:5,7, Is 41:23; 46:7, Kaab 2:18,19Bifaanana olukoma oluliko enjola so tebyogera: tebirema kusitulibwa kubanga tebiyinza kutambula. Temubityanga; kubanga tebiyinza kukola bubi so n’okukola obulungi tekuli mu byo. 610:6 Kuv 15:11, Zab 86:8,10Tewali afaanana ggwe, ai Mukama; ggwe mukulu, n’erinnya lyo kkulu mu buyinza. 710:7 Yer 5:22, Kub 15:4Ani atandikutidde, ai Kabaka w’amawanga? kubanga kukugwanira ggwe: kubanga mu bagezigezi bonna ab’amawanga ne mu kitiibwa kyabwe kyonna ekya bakabaka temuli akufaanana ggwe. 8Naye bo bonna wamu bali ng’ensolo, basirusiru: okuyigiriza kw’ebifaananyi kisiki busiki. 910:9 1 Bassek 10:22, Zab 115:4, Is 40:19Waliwo ffeeza eyaweesebwa okuba ey’empewere eyaggibwa e Talusiisi, ne zaabu eyava e Yufazi, omulimu ogwa fundi, n’ogw’emikono gy’omuweesi wa zaabu; kaniki n’olugoye olw’effulungu okuba ebyambalo byabyo; byonna mulimu gwa basajja abakabakaba. 1010:10 Zab 42:2Naye Mukama ye Katonda yennyini ow’amazima; oyo ye Katonda omulamu, era Kabaka ataggwaawo: ensi ekankana olw’obusungu bwe, so n’amawanga tegayinza kugumiikiriza kunyiiga kwe.
1110:11 Zab 96:5, Is 2:18Bwe muti bwe muba mubagamba nti Bakatonda abatakola ggulu na nsi, abo balibula mu nsi n’okuva wansi w’eggulu.
1210:12 Lub 1:1, Zab 104:5, Nge 3:1910:12-16 Yer 51:15,19Yakola ensi olw’obuyinza bwe, yanyweza ebintu byonna olw’amagezi ge, era yabamba eggulu olw’okutegeera kwe: 1310:13 Yob 5:10; 38:34, Zab 135:7, Yer 14:22Bw’aleeta eddoboozi lye, ne waba oluyoogaano olw’amazzi mu ggulu, era alinnyisa emikka okuva ku nkomerero z’ensi; akolera enkuba enjota, era aggya embuyaga mu mawanika ge. 1410:14 Is 42:17, Bar 1:22Buli muntu afuuse ng’ensolo, so talina kumanya; buli muweesi wa zaabu ensonyi zimukwata olw’ekifaananyi kye ekyole: kubanga ekifaananyi kye ekisaanuuse bulimba, so temuli mukka mu byo. 15Tebiriiko kye bigasa, mulimu gwa bulimba: biribulira mu biro mwe birijjirirwa. 1610:16 Ma 32:9, Zab 16:5, Is 47:4, Yer 50:34Omugabo gwa Yakobo tegufaanana ebyo; kubanga oyo ye mubumbi wa byonna; era Isiraeri kye kika eky’obusika bwe: Mukama w’eggye lye linnya lye.
1710:17 Yer 6:1, Ez 12:13Kuŋŋaanya eby’obuguzi bwo obiggye mu nsi, ggwe atuula mu kibuga ekizingizibwa. 1810:18 1 Sam 25:29Kubanga bw’ati bw’ayogera Mukama nti Laba, ndivuumuula abatuula mu nsi okubaggyamu mu biro bino, era ndibasaasaanya, balumibwe. 1910:19 Yer 14:17Zinsanze olw’ekiwundu kyange! ekiwundu kyange kinnuma nnyo: naye ne njogera nti Mazima buno bwe buyinike bwange, era kiŋŋwanira okubugumiikiriza. 2010:20 Is 54:2, Yer 4:20; 31:15Eweema yange enyagiddwa, n’emigwa gyange gyonna gikutuse: abaana bange banvuddemu, so tebaliiwo: tewakyali wa kubamba weema yange, newakubadde ow’okusimba amagigi gange. 2110:21 Yer 23:1, Ez 34:2,5,6Kubanga abasumba bafuuse ng’ensolo, so tebabuuzizza Mukama: kyebavudde balema okulaba omukisa, n’embuzi zaabwe zonna zisaasaanye. 2210:22 Yer 1:13; 9:11Eddoboozi ery’ekigambo kye babuulira, laba, lijja, n’okusasamala okunene okuva mu nsi ey’obukiika obwa kkono, okufuula ebibuga bya Yuda amatongo, ekisulo eky’ebibe. 2310:23 Nge 10:24, Dan 5:23Ai Mukama, mmanyi ng’ekkubo ery’omuntu teriri mu ye yennyini: tekiri mu muntu atambula okuluŋŋamyanga ebigere bye. 2410:24 Zab 6:1, Yer 30:11Ai Mukama, ombuulire, naye mpola; si lwa busungu bwo oleme okunzikiriza. 2510:25 Zab 79:6,7, Yer 8:6Fukira ddala ekiruyi kyo ku b’amawanga abatakumanyi, ne ku bika ebitakoowoola linnya lyo: kubanga balidde Yakobo, weewaawo, bamulidde, bamumazeewo, bazisizza ekifo kye mw’abeera.