45
145:1 Yob 12:21, Is 41:5Bw’atyo Mukama bw’agamba oyo gwe yafukako amafuta, Kuulo, gwe nkutte ku mukono gwe ogwa ddyo, okujeemula amawanga mu maaso ge, era ndisumulula ebiwato bya bakabaka; okuggulawo enzigi mu maaso ge ne ziwankaaki teziriggalwawo; 245:2 Zab 107:16, Is 40:4ndikukulembera ne ntereeza ebifo ebitali bisende: ndimenyaamenya enzigi ez’ebikomo ne ntemaatema ebisiba eby’ebyuma: 345:3 Is 43:1, Yer 51:13era ndikuwa obugagga obw’omu kizikiza n’ebintu ebyakwekebwa ebiri mu bifo eby’ekyama, olyoke omanye nga ndi Mukama akuyita erinnya lyo, Katonda wa Isiraeri. 445:4 Is 62:2Ku lwa Yakobo omuweereza wange kyenvudde nkuyita erinnya lyo: nkutuumye erinnya newakubadde nga tommanyanga. 5Nze Mukama so tewali mulala; tewali Katonda wabula nze: ndikusiba olukoba, newakubadde nga tommanyanga: 645:6 Is 37:20, Mal 1:11balyoke bamanye okuva ebuvanjuba n’okuva ebugwanjuba nga tewali wabula nze: nze Mukama so tewali mulala. 745:7 Is 41:23, Am 3:6Nze mmumba omusana era ntonda ekizikiza; ndeeta emirembe era ntonda obubi; nze Mukama akola ebyo byonna.
845:8 Zab 85:11, Kos 10:12Ggwe eggulu, tonnyesa okuva waggulu, n’ebbanga littulukuse obutuukirivu: ensi eyasame, baggyemu obulokozi, emeze obutuukirivu wamu; nze Mukama nagitonda.
945:9 Is 10:15; 64:8, Bar 9:20Zisanze oyo awakana n’Omukozi we! olugyo mu ngyo ez’ensi! Ebbumba lirigamba oyo alibumba nti Okola ki? oba omulimu gwo guligamba nti Talina ngalo? 10Zimusanze oyo agamba kitaawe nti Ozaala ki? oba omukazi nti Olumwa kuzaala ki? 1145:11 Is 41:23; 64:8Bw’atyo bw’ayogera Mukama, Omutukuvu wa Isiraeri era Omukozi we, nti Mumbuuze ebigambo ebigenda okujja; ebya batabani bange, n’eby’omulimu gw’engalo zange mundagire. 1245:12 Lub 2:1, Yer 27:5Nakola ensi ne ntondera abantu mu yo: nze, engalo zange, nabamba eggulu, n’eggye lyalyo lyonna nze naliragira. 1345:13 Is 41:2; 52:3Mmugolokosezza mu butuukirivu, era ndigolola amakubo ge gonna: alizimba ekibuga kyange, era aliteera ddala abange abaagobebwa, si lwa muwendo so si lwa mpeera, bw’ayogera Mukama ow’eggye.
1445:14 Is 14:2; 43:3Bw’atyo bw’ayogera Mukama nti Omulimu gw’e Misiri n’obuguzi bw’e Kuusi n’Abasabeya, abasajja abawanvu, balikusenga ne baba babo; balikugoberera; nga bali mu masamba balisenga: era balikuvuunamira balikwegayirira nga boogera nti Mazima Katonda ali mu ggwe; so tewali mulala, tewali Katonda. 15Mazima ggwe Katonda eyeekweka, ggwe Katonda wa Isiraeri, Omulokozi. 16Balikwatibwa ensonyi, weewaawo, baliswala, bonna: baligendera wamu mu kuswala abakola ebifaananyi. 1745:17 Is 54:4Naye Isiraeri alirokolebwa Mukama n’obulokozi obutaliggwaawo: temuukwatibwenga nsonyi temuuswalenga emirembe n’emirembe.
1845:18 Lub 1:2, Zab 115:16Kubanga bw’atyo bw’ayogera Mukama eyatonda eggulu; ye Katonda; eyabumba ensi n’agikola; ye yaginyweza, yagitonda obutaba ddungu, yagibumba okutuulwamu; nti Nze Mukama; so tewali mulala. 1945:19 Ma 30:11, Is 48:16Soogereranga mu kyama, mu kifo eky’omu nsi ey’ekizikiza; sigambanga zzadde lya Yakobo nti Munnoonyeze bwereere: nze Mukama njogera butuukirivu, mbuulira ebigambo bya nsonga. 2045:20 Is 41:1; 44:17,18; 46:1,7, Yer 10:5Mwekuŋŋaanye mujje; musembere wamu, mmwe abawonye ku mawanga: tebalina magezi abasitula omuti ogw’ekifaananyi kyabwe ekyole ne beegayirira katonda atayinza kulokola. 2145:21 Is 41:22,26; 43:9,11Mubuulire mwolese; weewaawo, bateese wamu: ani eyalanga ekyo okuva mu biro eby’edda? ani eyakibuulira okuva edda? si nze Mukama? so tewali Katonda mulala wabula nze; Katonda omutuukirivu era omulokozi; tewali mulala wabula nze. 2245:22 Is 43:5,6Mutunuulire nze, mulokoke, mmwe enkomerero zonna ez’ensi: kubanga nze Katonda so tewali mulala. 2345:23 Lub 22:16, Bar 14:11, Baf 2:10Neerayidde mwene, ekigambo kivudde mu kamwa kange mu butuukirivu so tekirikomawo, nga nze buli vviivi lirinfukaamirira, buli lulimi lulirayira nze. 2445:24 Is 41:11; 44:8Walibaawo aliŋŋamba nti Mu Mukama mwokka mwe muli obutuukirivu n’amaanyi: eri oyo abantu gye balijja, n’abo bonna abaamusunguwalira balikwatibwa ensonyi. 25Mu Mukama ezzadde lyonna erya Isiraeri mwe liriweerwa obutuukirivu era mwe liryenyumiririza.