1
11:1 2 Bassek 15:32—16:20; 18:1—20:21, 2 Byom 26:1—32:33, Is 7:1-12; 36:1—39:8Okwolesebwa kwa Isaaya omwana wa Amozi, kwe yalabanga ku Yuda ne Yerusaalemi, mu mirembe gya Uzziya, Yosamu, Akazi, ne Keezeekiya, bassekabaka ba Yuda.
21:2 Ma 4:26; 32:1,15Wulira, ggwe Eggulu, era tega okutu, ggwe Ensi, kubanga Mukama ayogedde: nayonsa ne ndera abaana, ne banjeemera. 3Ente emanya nnyini yo, n’endogoyi emanya ekisibo kya Mukama waayo: naye Isiraeri tammanyi, abantu bange tebalowooza. 41:4 Is 5:24, Ez 14:5Woowe eggwanga eririna ebibi, abantu abazitoowereddwa n’obutali butuukirivu, ezzadde ery’abakola obubi, abaana aboonoona: balese Mukama, banyoomye Omutukuvu wa Isiraeri, basenguse bazze ennyuma. 51:5 Yer 2:30; 5:3Ekibaagaza ki okukubibwa nate, n’okweyongera ne mweyongera okujeema? omutwe gwonna gulwadde, n’omutima gwonna guzirise. 6Okuva munda w’ekigere okutuuka ku mutwe temuliimu bulamu; wabula ebiwundu, n’okuzimba, n’amabwa amavundu: tebibunizibwanga so tebisibibwanga so tebiteekebwangamu mafuta. 71:7 Ma 28:51, Is 6:11,12Ensi yammwe ezise; ebibuga byammwe byokeddwa omuliro; ensi yammwe, ab’amawanga bagiriira mu maaso gammwe, era ezise, kubanga ab’amawanga bagisudde. 81:8 Yob 27:18Era omuwala wa Sayuuni asigadde ng’ensiisira eri mu lusuku lw’emizabbibu, ng’ekikuumirwamu ekiri mu nnimiro y’emyungu, ng’ekibuga ekizingizibwa. 91:9 Lub 19:24, Bar 9:29Mukama ow’eggye singa teyatulekerawo kitundu ekyafikkawo ekitono ennyo, twandibadde nga Sodomu, twandifaananye nga Ggomola.
10Muwulire ekigambo kya Mukama, mmwe abafuga Sodomu; mutege okutu eri amateeka ga Katonda waffe, mmwe abantu ab’e Ggomola. 111:11 Nge 15:8, Yer 6:20Zigasa ki ssaddaaka zammwe enkumu ze munsalira, bw’ayogera Mukama: nzikuse endiga ennume enjokye eziweebwayo n’amasavu g’ensolo ensibe; so sisanyukira musaayi gwa nte, newakubadde ogw’abaana b’endiga, newakubadde ogw’embuzi emmandwa. 12Bwe mujja okulabika mu maaso gange, ani eyabasalira kino, okulinnyirira empya zange? 131:13 Leev 23:36, Kubal 28:9,11, Yo 2:15Temuleetanga nate bitone ebitaliimu; obubaane bwa muzizo gye ndi; emyezi egibonese ne ssabbiiti, okuyita amakuŋŋaaniro, sisobola butali butuukirivu na kukuŋŋaana kwa ddiini. 14Emyezi gyammwe egibonese n’embaga zammwe eziragiddwa obulamu bwange bubikyawa: kwe kutegana gye ndi; nkooye okubigumiikirizanga. 151:15 1 Bassek 8:22, Mi 3:4Era bwe munaayanjalanga engalo zammwe, naabakwekanga amaaso gange: weewaawo, bwe munaasabanga ebigambo ebingi, siiwulirenga: emikono gyammwe gijjudde omusaayi. 161:16,17 Zab 34:14, Yer 4:14; 22:3Munaabe, mwerongoose; muggyengawo obubi bw’ebikolwa byammwe bive mu maaso gange; mulekenga okukola obubi: 17muyige okukolanga obulungi; mugobererenga eby’ensonga; mudduukirirenga ajoogebwa, musalenga omusango gw’atalina kitaawe, muwolerezenga nnamwandu. 181:18 Zab 51:7, Is 43:26Mujje nno, tuteese fembi, bw’ayogera Mukama: ebibi byammwe ne bwe biba ng’olugoye olumyufu, binaaba byeru ng’omuzira; ne bwe bitwakaala ng’ebendera, binaaba ng’ebyoya by’endiga. 19Bwe munaagondanga ne muwulira, munaalyanga ebirungi eby’ensi: 201:20 Is 40:5, Mi 4:4naye bwe munaagaananga ne mujeemanga, munaaliibwanga n’ekitala: kubanga akamwa ka Mukama ke kakyogedde.
211:21 Yer 2:20; 31:23Ekibuga ekyesigwa nga kifuuse omwenzi! oyo eyajjulanga emisango egy’ensonga! obutuukirivu bwatuulanga mu ye, naye kaakano bassi. 22Effeeza yo efuuse masengere, omwenge gwo gutabuddwamu amazzi. 231:23 Yer 5:28, Mi 7:3, Zek 7:10Abalangira bo bajeemu, mikwano gya babbi; buli muntu yeegomba enguzi, era agoberera empeera: tebasala musango gw’atalina kitaawe, so n’ensonga ya nnamwandu tetuuka gye bali.
241:24 Lub 49:24Kyava ayogera Mukama, Mukama ow’eggye, Owaamaanyi owa Isiraeri, nti A, ndyeggyako abalabe bange, era ndiwalana eggwanga ku abo abankyawa: 251:25 Ez 22:20era ndikuteekako omukono gwange, ne nnongooseza ddala amasengere go gonna, ne nziyawo essasi lyo lyonna: 261:26 Zek 8:3era ndikomyawo abalamuzi bo ng’olubereberye, n’abateesa ebigambo byo nga mu kusooka: oluvannyuma oliyitibwa nti Ekibuga eky’obutuukirivu, ekibuga ekyesigwa. 27Sayuuni alinunulibwa n’omusango, n’abakyufu be n’obutuukirivu. 28Naye okuzikirira kw’aboonoonyi n’abalina ebibi kulibeera wamu, n’abo abaleka Mukama balimalibwawo. 291:29 Is 57:5; 65:3, Kos 4:13,19Kubanga ensonyi ziribakwata olw’emivule gye mwegomba, era muliswazibwa olw’ensuku ze mweroboza. 301:30 Yer 17:7,8Kubanga muliba ng’omuvule oguwotoka amalagala, era ng’olusuku omutali mazzi. 31Era ow’amaanyi aliba ng’enfuuzi, n’omulimu gwe ng’olusasi olw’omuliro; era byombi biriggiira wamu, so tewaliba abizikiza.