27
1Ekigambo kya Mukama ne kinjijira nate nga kyogera 227:2 Ez 26:17nti Naawe, omwana w’omuntu, tanula okukungubagira Ttuulo: 327:3,4 Is 23:3, Ez 28:2,12ogambe Ttuulo nti Ai ggwe atuula awayingirirwa mu nnyanja, omusuubuzi ow’amawanga eri ebizinga bingi, bw’ati bw’ayogera Mukama Katonda nti Ggwe, ai Ttuulo oyogedde nti Nze natuukirira mu bulungi. 4Ensalo zo ziri mu mutima gw’ennyanja, abazimbi bo batuukirizza obulungi bwo. 527:5 Ma 3:9Embaawo zo zonna baaziggya mu miberozi egiva ku Seniri: baggye emivule ku Lebanooni okukukolera omulongooti. 627:6 Is 2:13Enkasi zo bazikoze mu myera egya Basani: emmanga zo bazikozezza masanga agawaayirwa mu nzo ezaava ku bizinga bya Kittimu. 7Ettanga lyo lyali lya bafuta eriko omulimu ogw’eddalizi ogwava e Misiri, libeere gy’oli ebendera: engoye eza kaniki n’ez’effulungu ezaava ku bizinga bya Erisa ze zaali ettandaluwa yo. 8Abatuula mu Sidoni ne Aluvadi be baali abavuzi bo: abagezigezi bo baali mu ggwe, ai Ttuulo, be bali abagoba bo. 9Abakadde ba Gebali n’abagezigezi baayo baali mu ggwe, nga be bakonzi bo: ebyombo byonna eby’oku nnyanja n’abalunnyanja baabyo baabanga mu ggwe okuwamba eby’obuguzi bwo. 1027:10 Lu 4:4, Ez 30:5; 38:5Obuperusi ne Ludi ne Puti baali mu ggye lyo, abasajja bo abalwanyi: baawanikanga mu ggwe engabo n’enkuffiira: baatenda obulungi bwo. 11Abasajja ab’e Yaluvadi wamu n’eggye lyo baabanga ku babbugwe bo okwetooloola, n’Abagammanda baabanga mu bigo byo: baawanikanga engabo zaabwe ku babbugwe bo okwetooloola: baatuukiriza obulungi bwo. 1227:12 1 Bassek 10:22, Zab 48:7Talusiisi ye yabanga omusuubuzi wo olw’obugagga obw’engeri zonna: baawangayo olw’obuguzi bwo effeeza n’ebyuma n’amabaati n’amasasi. 1327:13 Yo 3:4-6, Yer 18:17Yavani, Tubali, ne Meseki, be baali abasuubuzi bo: baawanga emibiri gy’abantu n’ebintu eby’ebikomo olw’obuguzi bwo. 14Ab’omu nnyumba ya Togaluma baawangayo embalaasi n’embalaasi ez’entalo n’ennyumbu olw’ebintu byo. 15Abasajja ab’e Dedani be baali abasuubuzi bo: ebizinga bingi ebyali akatale ak’omu mukono gwo: baakuleeteranga okuwaanyisa amasanga n’emitoogo. 16Obusuuli yabanga musuubuzi wo olw’olufulube lw’emirimu gyo: baawangayo olw’ebintu byo amayinja aga nnawandagala n’olugoye olw’effulungu n’omulimu ogw’eddalizi ne bafuta ennungi ne kolali n’amayinja amatwakaavu. 1727:17 Lub 37:25, 1 Bassek 5:9,11, Bik 12:20Yuda n’ensi ya Isiraeri baabanga basuubuzi bo: baawangayo olw’obuguzi bwo eŋŋaano ey’e Minnisi n’eby’akaloosa n’omubisi gw’enjuki n’amafuta n’envumbo. 18Ddamasiko yabanga musuubuzi wo olw’olufulube olw’emirimu gyo, olw’olufulube lw’obugagga obw’engeri zonna: n’omwenge ogw’e Keruboni n’ebyoya by’endiga ebyeru. 1927:19 Kuv 30:23,24Vedani ne Yavani baawangayo olw’ebintu byo obugoogwa: ekyuma ekimasamasa ne kasiya ne kalamo byabanga mu buguzi bwo. 20Dedani yabanga musuubuzi wo olw’engoye ez’omuwendo omungi ez’okwebagalirako. 2127:21 Is 60:7Obuwalabu n’abalangira bonna ab’e Kedali abo baabanga basuubuzi ba mu mukono gwo: baabanga basuubuzi bo olw’abaana b’endiga n’endiga ennume n’embuzi. 2227:22 Zab 72:15, Is 60:6Abasuubuzi ab’e Seeba ne Laama baabanga basuubuzi bo: baawangayo olw’ebintu byo eby’akaloosa ebisinga byonna n’amayinja gonna ag’omuwendo omungi n’ezaabu. 23Kalani, ne Kanne ne Edeni n’abasuubuzi ab’e Seeba ne Asuli, ne Kirumaadi baabanga basuubuzi bo. 24Abo be baabanga abasuubuzi bo olw’ebintu ebironde, olw’emitumba gya kaniki n’emirimu egy’eddalizi, n’essanduuko ez’ebyambalo ezineekaneeka, ezisibibwa n’emigwa ezikolebwa emivule, mu by’obuguzi bwo. 2527:25 Zab 48:7, Is 23:1,14Ebyombo eby’e Talusiisi bye byakutambuliranga olw’obuguzi bwo: era wagaggawala n’oba wa kitiibwa kinene mu mutima gw’ennyanja. 2627:26 Yer 18:17Abavuzi bo baakutuusiza awali amazzi amangi: omuyaga ogw’ebuvanjuba gukumenye mu mutima gw’ennyanja. 2727:27 Ez 26:18Obugagga bwo n’ebintu byo, obuguzi bwo, abalunnyanja bo, n’abagoba bo, abakonzi bo n’abawamba obuguzi bwo, n’abasajja bo bonna abalwanyi abaali mu ggwe, wamu n’ekibiina kyo kyonna ekiri mu ggwe wakati, baligwa mu mutima gw’ennyanja ku lunaku olw’okugwa kwo. 28Olw’eddoboozi ery’okuleekaana kw’abagoba bo, ebyalo ebiriraanyeewo birikankana. 2927:29,30 Kung 2:20, Kub 18:17,18N’abo bonna abakwata enkasi, abalunnyanja n’abagoba bonna ab’oku nnyanja baliva mu byombo byabwe, baliyimirira ku lukalu, 30era baliwuliza eddoboozi lyabwe, nga bakukaabira, era balirira nga baliko obuyinike, ne basuula enfuufu ku mitwe gyabwe, era balyekulukuunya mu vvu: 31era balikumwera ne beesiba ebibukutu, era balikukaabira amaziga emmeeme zaabwe nga ziriko obuyinike, nga bawuubaala nnyo nnyini. 32Awo nga bakuba ebiwoobe balitanula okukukungubagira ne bakukungubagira nga boogera nti Ani afaanana Ttuulo, afaanana oyo asirisibwa wakati mu nnyanja? 3327:33 Kub 18:15,19Ebintu byo bwe byavanga ku nnyanja, wajjuzanga amawanga mangi: wagaggawaza bakabaka b’ensi n’olufulube lw’obugagga bwo n’olw’obuguzi bwo. 3427:34 Ez 26:19Mu biro ennyanja bwe yakumenya mu buziba obw’amazzi, obuguzi bwo n’ekibiina kyo kyonna ne bigwa wakati mu ggwe. 3527:35 Ez 26:15; 32:10Abo bonna abali ku bizinga bakusamaaliriridde, ne bakabaka baabwe batidde nnyo nnyini, amaaso gaabwe geeraliikiridde. 3627:36 Ez 26:21, Kub 18:11Abasuubuzi ab’omu mawanga bakusooza; ofuuse entiisa, so toobengawo nate ennaku zonna.