26
1Awo olulituuka, bw’oliba ng’oyingidde mu nsi Mukama Katonda wo gy’akuwa okuba obusika, n’ogirya, n’otuula omwo; 226:2 Kuv 23:19, Kubal 15:20; 18:13, Ma 12:5, Nge 3:9olitoola ku bibereberye by’ebibala byonna eby’ettaka, by’oliggya mu nsi yo Mukama Katonda wo gy’akuwa: n’obiteeka mu kibbo, n’ogenda mu kifo Mukama Katonda wo ky’alyeroboza okutuuza omwo erinnya lye. 3Era olijja eri kabona alibaawo mu biro ebyo, n’omugamba nti Njatulidde leero Mukama Katonda wo nga nnyingidde mu nsi Mukama gye yalayirira bajjajja baffe okugituwa. 4Kale kabona alitoola ekibbo ng’akiggya mu mukono gwo, n’akissa wansi mu maaso g’ekyoto kya Mukama Katonda wo. 526:5 Lub 28:5; 43:1,2; 46:27, Ma 10:22Naawe oliddamu n’oyogera mu maaso ga Mukama Katonda wo nti Omusuuli eyali ng’anaatera okubula ye yali kitange, n’aserengeta mu Misiri, n’atuula omwo, omuwendo gwe nga mutono; n’afuuka eyo eggwanga, eddene, ery’amaanyi, eryayala. 626:6 Kuv 1:11,14; 24:7Abamisiri ne batukola bubi, ne batubonyaabonya, ne batuteekako obudde obukakanyavu: 726:7 Kuv 2:23-25; 3:9ne tukoowoola Mukama Katonda wa bajjajja baffe, Mukama n’awulira eddoboozi lyaffe, n’alaba okubonaabona kwaffe, n’okutegana kwaffe, n’okujoogebwa kwaffe: 826:8 Kuv 12:37,51, Ma 4:34Mukama n’atuggya mu Misiri n’engalo ez’amaanyi n’omukono ogwagololwa, n’entiisa ennyingi, n’obubonero n’eby’amagero: 926:9 Kuv 3:8n’atuyingiza mu kifo muno, n’atuwa ensi eno, ensi ekulukuta n’amata n’omubisi gw’enjuki. 10Era kaakano, laba, ndeese ebibereberye eby’oku bibala by’ettaka, ly’ompadde ggwe, ai Mukama. Era olibiteeka wansi mu maaso ga Mukama Katonda wo, n’osinza mu maaso ga Mukama Katonda wo: 1126:11 Ma 12:7,12era olisanyukira ebirungi byonna Mukama Katonda wo by’akuwadde ggwe n’ennyumba yo, ggwe n’Omuleevi ne munnaggwanga ali wakati wo.
1226:12 Leev 27:30, Kubal 18:24, Ma 14:28,29Bw’onoomalanga okusolooza ekitundu eky’ekkumi eky’ekyengera kyo kyonna mu mwaka ogw’okusatu, gwe mwaka ogusoloolezebwamu ekitundu eky’ekkumi, n’olyoka okiwa Omuleevi, ne munnaggwanga n’atalina kitaawe, ne nnamwandu, baliire munda w’enzigi zo bakkute; 1326:13 Zab 119:141,153,176era onooyogeranga mu maaso ga Mukama Katonda wo nti Ebintu ebyatukuzibwa mbiggye mu nnyumba yange, era mbiwadde Omuleevi, ne munnaggwanga, n’atalina kitaawe, ne nnamwandu, ng’ekiragiro kyo kyonna bwe kiri kye wandagira: sisobezza ku biragiro byo na kimu, so sibyerabidde: 1426:14 Leev 7:20, Yer 16:7, Kos 9:4sikiryangako nga nkyali mu nnaku zange, so sikiterekangako nga siri mulongoofu, so sikiwangako olw’abafu: nawulira eddoboozi lya Mukama Katonda wange, nkoze nga byonna bwe biri bye wandagira. 1526:15 Is 63:15, Zek 2:13Tunula ng’oyima mu kifo kyo ekitukuvu mw’otuula, mu ggulu, owe omukisa abantu bo Isiraeri, n’ettaka ly’otuwadde, nga bwe walayirira bajjajja baffe, ensi ekulukuta n’amata n’omubisi gw’enjuki.
16Leero Mukama Katonda wo akulagira okukolanga amateeka gano n’emisango: kyonoovanga obyekuuma n’obikola n’omutima gwo gwonna n’emmeeme yo yonna. 1726:17 Kuv 24:7Oyatudde leero Mukama nga ye Katonda wo, era ng’onootambuliranga mu makubo ge, ne weekuumanga amateeka ge n’ebiragiro bye n’emisango gye, n’owuliranga eddoboozi lye: 1826:18 Kuv 6:7; 19:5, Ma 7:6; 14:2, 2 Sam 7:24era Mukama ayatudde leero ggwe okubeeranga eggwanga ery’envuma eri ye yennyini, nga bwe yakusuubiza, era weekuumenga ebiragiro bye byonna; 1926:19 Leev 20:26, Ma 7:6; 28:1,9, Yer 2:3era akugulumizenga okusinga amawanga gonna ge yakola, olw’ettendo n’olw’erinnya n’olw’ekitiibwa; era obeerenga eggwanga ettukuvu eri Mukama Katonda wo, nga bwe yayogera.