21
1Omuntu bw’anaasangibwanga ng’attiddwa mu nsi Mukama Katonda wo gy’akuwa okugirya, ng’ali mu nsiko, so tekimanyibwa bw’ali amukubye: 2abakadde bo n’abalamuzi bo ne balyoka bafulumanga, era banaageranga okutuuka ku bibuga ebimwetoolodde oyo eyattibwa: 321:3 Kubal 19:2awo olunaatuukanga ekibuga ekisinga okuba okumpi omuntu eyattibwa, abakadde b’ekibuga ekyo banaddiranga ente enduusi okugiggya mu nte, etekozebwanga mirimu, etewalulanga ng’eri mu kikoligo; 4era abakadde b’ekibuga ekyo banaaserengesanga enduusi mu kiwonvu omuli amazzi agakulukuta, ekitali kirime so ekitali kisige, ne bakutula ensingo y’ente enduusi eyo mu kiwonvu: 521:5 Ma 10:8; 17:8,9awo bakabona abaana ba Leevi banaasemberanga; kubanga abo Mukama Katonda wo be yeeroboza okumuweerezanga, n’okusabanga omukisa mu linnya lya Mukama; era ng’ekigambo kyabwe bwe kinaabanga, bwe zityo buli mpaka na buli kulumbagana bwe binaamalibwanga: 621:6 Zab 26:6; 73:13awo abakadde bonna ab’ekibuga ekyo, abasinga okuba okumpi omuntu eyattibwa, banaanaabiranga engalo ku nte enduusi ekutuddwako ensingo mu kiwonvu: 721:7 2 Sam 3:28era banaddangamu ne boogera nti Engalo zaffe si ze zaayiwa omusaayi guno, so n’amaaso gaffe tegaagulaba. 821:8 Yer 26:15, Yon 1:14Sonyiwa, ai Mukama, abantu bo Isiraeri, be wanunula, so toganya musaayi ogutaliiko musango okuba wakati mu bantu bo Isiraeri. Kale omusaayi gunaabasonyiyibwanga. 921:9 Ma 19:13Bw’otyo bw’onoggyangawo omusaayi ogutaliiko musango wakati wo, bw’onookolanga ekiri mu maaso ga Mukama ekirungi.
10Bw’onootabaalanga okulwana n’abalabe bo, Mukama Katonda wo n’abagabula mu mikono gyo, n’obatwala nga mwandu, 11n’olaba mu mwandu omukazi omulungi n’omwegomba, n’oyagala okumuwasa; 12n’olyoka omutwalanga ewuwo mu nnyumba yo; naye anaamwanga omutwe gwe n’asala enjala ze; 13era anaayambulanga ebyambalo eby’obunyage bwe, n’abeera mu nnyumba yo, n’amala omwezi omulamba ng’akaabira kitaawe ne nnyina: kale oluvannyuma n’olyoka oyingira gy’ali, n’oba bba naye nga mukazi wo. 1421:14 Ma 24:7Awo olunaatuukanga, bw’otoomusanyukirenga n’akatono, onoomulekanga okugenda gy’ayagala; naye tomutundangamu bintu n’akatono, tomukolanga ng’omuzaana, kubanga wamutoowaza.
1521:15 Lub 29:30,33Omusajja bw’abanga n’abakazi babiri, omu nga muganzi, omulala nga mukyawe, era nga bombi baamuzaalira abaana, omuganzi n’omukyawe; era omwana ow’obulenzi omubereberye bw’abanga ow’omukyawe; 1621:16 2 Byom 11:19-22awo olunaatuukanga, ku lunaku lw’alisisa abaana be ebyo by’alina, tafuulanga mwana wa muganzi okuba omubereberye, omwana w’omukyawe, ye mubereberye, ng’akyali mulamu: 1721:17 Lub 25:31,33; 49:3naye anakkirizanga omubereberye, omwana w’omukyawe, ng’amuwa emigabo ebiri ku ebyo byonna by’alina: kubanga oyo kwe kusooka kw’amaanyi ge; eby’omubereberye bibye.
18Omuntu bw’abanga ne mutabani we omukakanyavu omujeemu, atakkiriza kugondera ddoboozi lya kitaawe, newakubadde eddoboozi lya nnyina, era newakubadde nga bamubonereza, nga takkiriza kubawulira: 19kale kitaawe ne nnyina banaamukwatanga, ne bamufulumya eri abakadde ab’omu kibuga kyabwe, n’eri wankaaki w’ekifo kyabwe: 20ne bagamba abakadde ab’omu kibuga kyabwe nti Omwana waffe ono mukakanyavu mujeemu, takkiriza kugondera ddoboozi lyaffe; wa mpisa mbi, era mutamiivu. 2121:21 Ma 13:5,10,11Abasajja bonna ab’omu kibuga kyabwe ne bamukuba amayinja okumutta: bw’otyo bw’onoggyangawo obubi okuva wakati wo; kale Isiraeri yenna anaawuliranga anaatyanga.
22Era omuntu bw’aba ng’akoze ekibi ekisaanira okumussa, ne bamutta, n’omuwanika ku muti; 2321:23 Kubal 35:34, Yos 8:29, Yok 19:31, Bag 3:13omulambo gwe tegusulanga ku muti, naye tolemanga kumuziika ku lunaku olwo; kubanga awanikiddwa ng’akolimiddwa Katonda; olemenga okugwagwawaza ensi yo Mukama Katonda wo gy’akuwa okuba obusika.