18
118:1 Kubal 18:8,9,20, 1 Kol 9:13Bakabona Abaleevi, kye kika kyonna ekya Leevi, tebabanga na mugabo newakubadde obusika awamu ne Isiraeri: banaalyanga ebiweebwayo ebya Mukama ebikolebwa n’omuliro, n’obusika bwe. 2So tebabanga na busika mu baganda baabwe: Mukama bwe busika bwabwe, nga bwe yabagamba. 318:3 Leev 7:30-34Era lino lye linaabanga ebbanja lya bakabona lye banaabanjanga abantu, abo abanaawangayo ssaddaaka, bw’eba ente oba ndiga, bawenga kabona omukono, n’emba zombi, ne ssebusa. 418:4 Kubal 18:12Ebibereberye by’eŋŋaano yo, eby’envinnyo yo n’eby’amafuta go, n’ebibereberye by’ebyoya by’endiga zo, onoobimuwanga. 518:5 Ma 17:12Kubanga Mukama Katonda wo yamweroboza mu bika byo byonna, okuyimiriranga okuweerezanga n’erinnya lya Mukama, ye ne batabani be emirembe gyonna.
618:6 Kubal 35:2,3, Balam 17:7Era Omuleevi bw’anaavanga mu luggi lwonna ku nzigi zo mu Isiraeri yenna, mw’atuula, n’ajja mu kifo Mukama ky’alyeroboza, emmeeme ye nga yeegombera ddala okujja; 7anaaweerezanga n’erinnya lya Mukama Katonda we, nga baganda be bonna Abaleevi bwe bakola, abayimirira eyo mu maaso ga Mukama. 818:8 2 Byom 31:4, Nek 12:44Banaabanga n’emigabo egyenkanankana okulya, obutassaako ebyo ebivudde mu kutunda obutaka bwe.
918:9 Leev 18:26, Ma 12:29-31Bw’olimala okutuuka mu nsi Mukama Katonda wo gy’akuwa, toyiganga kukola ng’eby’emizizo eby’amawanga gali bwe biri. 1018:10,11 Kuv 22:18, Leev 18:21; 19:26,31, 1 Sam 28:7, 2 Bassek 17:17Tewalabikanga gy’oli muntu yenna ayisa mu muliro mutabani we oba muwala we, newakubadde akola eby’obufumu, newakubadde alaguza ebire, newakubadde omulogo, newakubadde omuganga, 11newakubadde omusawo, newakubadde asamira omuzimu, newakubadde emmandwa, newakubadde abuuza abafu. 1218:12 Ma 9:4; 25:16Kubanga buli akola ebyo wa muzizo eri Mukama: era olw’emizizo egyo Mukama Katonda wo kyava abagoba mu maaso go. 13Onoobanga eyatuukirira eri Katonda wo. 14Kubanga amawanga gano g’olirya, bawulira abo abalaguza ebire n’abafumu: naye ggwe Mukama Katonda wo takuganyizza kukolanga bw’otyo. 1518:15 Mat 11:3, Luk 7:16, Yok 1:21,45; 6:14; 7:40, Bik 3:22; 7:37Mukama Katonda wo alikuyimusiza nabbi wakati wo, ku baganda bo, afaanana nga nze; oyo gwe muliwulira; 1618:16 Kuv 20:19nga byonna bwe byali bye wasaba Mukama Katonda wo ku Kolebu ku lunaku olw’okukuŋŋaanirako, ng’oyogera nti Nneme okuwulira nate eddoboozi lya Mukama Katonda wange, era nneme okulaba nate omuliro guno omungi, nneme okufa. 1718:17 Ma 5:28, Lub 15:18-21, Kuv 34:24, Ma 12:20Mukama n’aŋŋamba nti Boogedde bulungi ebyo bye bagambye. 1818:18 Ma 18:15, Yok 4:25; 8:28; 12:49,50; 17:8Ndibayimusiza nabbi ku baganda baabwe, afaanana nga ggwe; era nditeeka ebigambo byange mu kamwa ke, era alibabuulira byonna bye ndimulagira. 1918:19 Bik 3:23Kale olulituuka buli ataliwulira bigambo byange by’alyogera mu linnya lyange, ndimulanga ekyo. 2018:20 Ma 13:5, Yer 14:14, Zek 13:3Naye nabbi anaayogeranga ekigambo mu linnya lyange nga yeetulinkiridde, bye simulagidde kwogera, oba anaayogeranga mu linnya lya bakatonda abalala, nabbi oyo anaafanga. 21Era bw’onooyogeranga mu mutima gwo nti Tunaategeeranga tutya ekigambo Mukama ky’atayogedde? 2218:22 Yer 28:9Nabbi bw’anaayogeranga mu linnya lya Mukama, ekigambo ekyo bwe kitajja so tekituukirira, ekyo kye kigambo Mukama ky’atayogedde: nabbi ng’akyogedde nga yeetulinkiridde, tomutyanga.