13
113:1 Yer 23:25,32, Mat 24:24; 7:22Bwe wanaabangawo wakati mu ggwe nabbi oba omuloosi w’ebirooto, n’akuwa akabonero oba eky’amagero, 213:2 Kub 13:14 akabonero ako oba eky’amagero ekyo ne kituukirira, kye yakugambako ng’ayogera nti Tugobererenga bakatonda abalala b’otomanyanga, era tubaweerezenga; 313:3 1 Kol 11:19towuliranga bigambo bya nabbi oyo oba omuloosi w’ebirooto oyo: kubanga Mukama Katonda wammwe ng’abakema okumanya nga mwagala Mukama Katonda wammwe n’omutima gwammwe gwonna n’emmeeme yammwe yonna. 413:4 Ma 10:20, 2 Bassek 23:3Munaatambulanga okugoberera Mukama Katonda wammwe ne mwekuumanga ebiragiro bye ne muwuliranga eddoboozi lye, era munaamuweerezanga, ne mwegattanga naye. 513:5 Ma 17:7; 18:20; 21:21, Zek 13:3, 1 Kol 5:13Era nabbi oyo oba omuloosi w’ebirooto anattibwanga; kubanga ayogedde eby’okujeemera Mukama Katonda wammwe, eyabaggya mu nsi y’e Misiri, n’akununula mu nnyumba y’obuddu, okukusendasenda okukyama okuva mu kkubo Mukama Katonda wo lye yakulagira okutambulirangamu. Bw’otyo bw’onoggyangamu obubi wakati mu ggwe.
613:6 Ma 17:2,3, 1 Sam 18:1,3Muganda wo, mutabani wa nnyoko, oba mutabani wo, oba muwala wo, oba omukazi ow’omu kifuba kyo, oba mukwano gwo, aliŋŋanga obulamu bwo ggwe, bw’akusendasendanga ekyama ng’ayogera nti Tugende tuweereze bakatonda abalala, b’otomanyanga ggwe newakubadde bajjajja bo; 713:7 Ma 6:14ku bakatonda ab’amawanga ababeetoolodde, abali okumpi naawe, oba abakuli ewala okuva ku nkomerero y’ensi okutuuka ku nkomerero y’ensi: 8tomukkirizanga so tomuwuliranga; so n’eriiso lyo terimusaasiranga, so tosonyiwanga, so tomukwekanga: 913:9 Ma 17:7naye tolemanga kumutta; omukono gwo gwe gunaasookanga okuba ku ye okumutta, omukono gw’abantu bonna ne gulyoka gumubaako. 10Era onoomukubanga amayinja afe; kubanga agezezzaako okukusendasenda okuva ku Mukama Katonda wo, eyakuggya mu nsi y’e Misiri, mu nnyumba y’obuddu. 1113:11 Ma 17:13; 19:20 Ne Isiraeri yenna anaawuliranga, ne batya, ne batakola nate bubi obwenkana awo wakati mu ggwe,
12Bw’onoowuliranga nga boogera ku kimu ku bibuga byo, Mukama Katonda wo by’akuwa okutuula omwo, nga bagamba 13nti Waliwo abantu abataliiko kye bagasa abavudde wakati mu ggwe, era abasenzesenze abatuula mu kibuga kyabwe, nga boogera nti Tugende tuweereze bakatonda abalala be mutamanyanga; 1413:14 Ma 17:4onookeberanga n’onoonya n’obuuliriza; era laba, oba nga kya mazima, ekigambo ne kitegeerekeka, ng’eky’omuzizo ekyenkana awo kikolerwa wakati mu ggwe; 15tolemanga kutta abatuula mu kibuga omwo n’obwogi bw’ekitala, ng’okizikiririza ddala ne byonna ebikirimu n’ebisibo byakyo, n’obwogi bw’ekitala. 1613:16 Yos 8:28, Yer 30:18; 49:2Era onookuŋŋaanyanga omunyago gwakyo gwonna wakati mu luguudo lwakyo, n’oyokya ekibuga omuliro, n’omunyago gwonna buli kantu konna, eri Mukama Katonda wo: era kinaabanga kifunvu ennaku zonna; tekirizimbibwa nate. 1713:17 Lub 22:17, Yos 6:18; 7:26So tewabanga ku kintu ekyakolimirwa ekineegattanga n’omukono gwo: Mukama akyuke okuleka obusungu bwe obukambwe, akulage ekisa, akusaasire, era akwaze, nga bwe yalayirira bajjajja bo; 1813:18 Ma 12:25,28bw’onoowuliranga eddoboozi lya Mukama Katonda wo, okwekuumanga ebiragiro bye byonna bye nkulagira leero, okukolanga ekiri mu maaso ga Mukama Katonda wo ekirungi.