4
14:1 Dan 6:25, 1 Peet 1:2, 2 Peet 1:2Nebukadduleeza kabaka nze mbawandiikidde abantu bonna, amawanga, n’ennimi, abatuula mu nsi zonna: emirembe gyeyongere gye muli. 24:2 Dan 3:26Ndabye nga kirungi okulaga obubonero n’eby’amagero Katonda Ali waggulu ennyo bye yakola gye ndi. 34:3 Dan 2:44Obubonero bwe nga bukulu! n’eby’amagero bye nga bya maanyi! obwakabaka bwe bwe bwakabaka obutaliggwaawo, n’okufuga kwe kwa mirembe na mirembe.
4Nze Nebukadduleeza nali mpummulidde mu nnyumba yange, era nga njeerera mu lubiri lwange. 5Ne ndaba ekirooto ekyantiisa; n’ebyo bye nnalowoolezanga ku kitanda kyange, n’omutwe gwange bye gwayolesebwanga, ne binneeraliikiriza. 6Kyennava nteeka etteeka okuyingiza gye ndi abagezigezi bonna ab’e Babulooni bantegeeze amakulu g’ekirooto. 74:7 Dan 2:27Awo ne bayingira abasawo, n’abafumu, n’Abakaludaaya, n’abalaguzi: ne njatulira ekirooto mu maaso gaabwe: naye ne batantegeeza makulu gaakyo. 84:8 Lub 41:38, Dan 5:11Naye oluvannyuma Danyeri n’ayingira gye ndi, erinnya lye Berutesazza, ng’erinnya lya katonda wange bwe liri, era omuli omwoyo gwa bakatonda abatukuvu; ne njatulira ekirooto mu maaso ge nti 94:9 Dan 2:48Ggwe Berutesazza, omukulu w’abasawo, kubanga mmanyi ng’omwoyo gwa bakatonda abatukuvu guli mu ggwe, so nga tewali kyama ekikweraliikiriza, mbuulira bye nnayolesebwa mu kirooto kyange kye ndabye, n’amakulu gaakyo. 104:10 Ez 31:3Omutwe gwange bye gwayolesebwa ku kitanda kyange byali bwe biti: natunula, era, laba, omuti wakati mu nsi, n’obuwanvu bwagwo bunene. 11Omuti ne gukula, ne guba gwa maanyi, n’obuwanvu bwagwo ne butuuka mu ggulu, n’okulengerwa kwagwo ne kutuuka ku nkomerero y’ensi zonna. 124:12 Ez 31:6,7, Mak 4:32Amalagala gaagwo malungi, n’ebibala byagwo bingi, era mu gwo mwalimu emmere emala bonna: ensolo ez’omu nsiko zeggamanga mu kisiikirize kyagwo, n’ennyonyi ez’omu ggulu ne zituula ku matabi gaagwo, ne byonna ebirina emibiri ne bigulyangako. 134:13 Ma 33:2Nalaba mu ebyo omutwe gwange bye gwayolesebwa ku kitanda kyange, era laba, omutunuzi era omutukuvu n’akka ng’ava mu ggulu. 144:14 Mat 3:10N’ayogerera waggulu, n’agamba bw’ati nti Temera ddala omuti, ogutemeko amatabi gaagwo, ogukunkumuleko amalagala gaagwo, osaasaanye ebibala byagwo: ensolo zive wansi waagwo, n’ennyonyi ku matabi gaagwo. 15Era naye ekikonge ky’ekikolo kyagwo kireke mu ttaka, nga kiriko ekyuma ekisiba n’ekikomo, mu muddo omugonvu ogw’omu nsiko: era kitobenga omusulo ogw’omu ggulu, n’omugabo gwe gubenga n’ensolo mu muddo ogw’ensi: 16omutima gwe guwaanyisibwe obutaba gwa muntu, aweebwe omutima gw’ensolo: era ebiseera omusanvu bimuyiteko. 174:17 1 Sam 2:8, Yer 27:5, Dan 5:21Omusango ogwo guvudde mu tteeka ery’abatunuzi, n’okuteesa okwo kuvudde mu kigambo eky’abatukuvu: abalamu balyoke bategeere ng’Oyo Ali waggulu ennyo ye afugira mu bwakabaka bw’abantu, era ng’abuwa buli gw’ayagala, era ng’akuza ku bwo asinga abantu bonna obunaku. 184:18 Lub 41:8Ekirooto ekyo nze kabaka Nebukadduneeza nakirabye: naawe, ggwe Berutesazza, tegeeza amakulu, kubanga abagezigezi bonna ab’omu bwakabaka bwange tebayinza kuntegeeza makulu: naye ggwe oyinza, kubanga omwoyo gwa bakatonda abatukuvu guli mu ggwe.
194:19 2 Sam 18:32Awo Danyeri, erinnya lye Berutesazza, n’alyoka yeewuunya akaseera, n’ebirowoozo bye ne bimweraliikiriza. Kabaka n’addamu n’ayogera nti Berutesazza, ekirooto kireme okukweraliikiriza newakubadde amakulu. Berutesazza n’addamu n’agamba nti Mukama wange, ekirooto kibe eri abo abakukyawa, n’amakulu gaakyo eri abalabe bo. 20Omuti gwe walabye ogwameze ne guba gwa maanyi, obuwanvu bwagwo ne butuuka mu ggulu, n’okulengerwa kwagwo mu nsi zonna: 214:21 Mak 4:32amalagala gaagwo malungi, n’ebibala byagwo bingi, era mu gwo mulimu emmere emala bonna: n’ensolo ez’omu nsiko ne zibeera wansi waagwo, n’ennyonyi ez’omu ggulu ne zituula ku matabi gaagwo, 224:22 Yer 27:6-8, Ez 31:3ye ggwe, ai kabaka, akuze n’oba wa maanyi: kubanga obukulu bwo bukuze, ne butuuka mu ggulu, n’okufuga kwo ku nkomerero y’ensi zonna. 23Era kubanga kabaka yalabye omutunuzi era omutukuvu ng’akka ng’ava mu ggulu, era ng’ayogera nti Temera ddala omuti, oguzikirize: era naye ekikonge ky’ekikolo kyagwo kirekere mu ttaka: nga kiriko ekyuma ekisiba n’ekikomo, mu muddo omugonvu ogw’omu nsiko: era kitobenga n’omusulo ogw’omu ggulu, n’omugabo gwe gubenga n’ensolo ez’omu nsiko: okutuusa ebiseera omusanvu lwe birimuyitako: 24amakulu ge gano, ai kabaka, era lye tteeka ly’Oyo Ali waggulu ennyo, erijjidde mukama wange kabaka: 254:25 Dan 5:21ng’oligobebwa okuva mu bantu, era olibeera wamu n’ensolo ez’omu nsiko, era oliriisibwa omuddo ng’ente, era olitoba omusulo ogw’omu ggulu, era ebiseera omusanvu birikuyitako: okutuusa lw’olitegeera ng’Oyo Ali waggulu ennyo ye afugira mu bwakabaka bw’abantu, era abuwa buli gw’ayagala. 26Era kubanga balagidde okuleka ekikonge ky’ekikolo ky’omuti: obwakabaka bwo bulinywera gy’oli bw’olimala okutegeera ng’eggulu lye lifuga. 274:27 Nge 16:6, Yer 18:8, Yon 3:10, Bik 8:22, 2 Tim 2:25Kale, ai kabaka, okuteesa kwange kukkirizibwe mu maaso go, era omalire ddala ebibi byo ng’okola eby’obutuukirivu, n’ebikolwa byo ebitali bya butuukirivu ng’osaasira abaavu, mpozzi okuwummula kwo kwongerweko. 28Ebyo byonna byatuuka ku kabaka Nebukadduneeza. 29Emyezi kkumi n’ebiri bwe gyayitawo, yali atambula mu lubiri lw’e Babulooni. 304:30 Dan 5:20Kabaka n’ayogera nti Kino si Babulooni ekikulu, kye nnazimba okuba ennyumba ya bakabaka n’amaanyi ag’obuyinza bwange n’olw’ekitiibwa eky’obukulu bwange? 314:31 Luk 12:20Ekigambo kyali nga kikyali mu kamwa ka kabaka, eddoboozi ne ligwa nga liva mu ggulu, nti Ggwe kabaka Nebukadduneeza, kyogerwa eri ggwe: obwakabaka bukuvuddeko. 324:32,33 Dan 5:21Era onoogobebwa okuva mu bantu, era olibeera wamu n’ensolo ez’omu nsiko: era oliriisibwa omuddo ng’ente, era ebiseera omusanvu birikuyitako: okutuusa lw’olitegeera ng’Oyo Ali waggulu ennyo ye afugira mu bwakabaka bw’abantu, era abuwa buli gw’ayagala. 33Mu ssaawa eyo ekigambo ne kituukiririra Nebukadduneeza: n’agobebwa okuva mu bantu, n’alya omuddo ng’ente, n’omubiri gwe ne gutoba omusulo ogw’omu ggulu, okutuusa enviiri ze lwe zaakula nga ebyoya by’empungu, n’enjala ze nga enjala z’ennyonyi. 344:34 Zab 10:16, Dan 2:44; 6:26, Lub 4:10; 11:15Ennaku ezo bwe zaggwa nze Nebukadduneeza ne nnyimusa amaaso gange eri eggulu, amagezi gange ne ganziramu, ne nneebaza Oyo Ali waggulu ennyo, ne mmutendereza ne mmuwa ekitiibwa oyo abeera omulamu emirembe n’emirembe, kubanga okufuga kwe kwe kufuga okutaliggwaawo, n’obwakabaka bwe bwa mirembe na mirembe: 35n’abo bonna abatuula mu nsi abalowooza nga si kintu: era akola nga bw’ayagala mu ggye ery’omu ggulu, era ne mu abo abatuula mu nsi: so siwali ayinza okuziyiza omukono gwe, newakubadde okumugamba nti Okola ki? 36Mu kiseera ekyo amagezi gange ne ganziramu: n’olw’ekitiibwa eky’obwakabaka bwange, obukulu bwange n’okumasamasa kwange ne binziramu: n’abakungu bange n’abaami bange ne bannoonya; ne nnywezebwa mu bwakabaka bwange, n’obukulu obungi ennyo ne bunnyongerwako. 374:37 Ma 32:4, Nge 29:23, Dan 5:20,23, Kub 15:3Kale nze Nebukadduneeza mmutendereza era mmugulumiza era mmuwa ekitiibwa Kabaka w’eggulu: kubanga emirimu gye gyonna mazima, n’amakubo ge ga nsonga: n’abo abatambulira mu malala ayinza okubajeeza.