31
131:1-13 1 Byom 10:1-12, 1 Sam 28:4, 2 Sam 1:6,21; 21:12Awo Abafirisuuti ne balwana ne Isiraeri: abasajja ba Isiraeri ne badduka mu maaso g’Abafirisuuti, ne bagwa nga battiddwa ku lusozi Girubowa. 231:2 1 Sam 14:49; 28:19, 1 Byom 8:33Abafirisuuti ne bacocca Sawulo ne batabani be; Abafirisuuti ne batta Yonasaani ne Abinadaabu ne Malukisuwa, batabani ba Sawulo. 3Olutalo ne lumuba bubi Sawulo, abalasi ne bamutuukako; ne yeeraliikirira nnyo olw’abalasi. 431:4 Balam 9:54; 14:3, 1 Sam 26:11, 2 Sam 1:10,14,20, 1 Bassek 16:18, Yer 38:19Awo Sawulo n’agamba oyo eyatwalanga ebyokulwanyisa bye nti Sowola ekitala kyo onfumitire ddala nakyo; abatali bakomole abo baleme okujja ne banfumita ne banswaza. Naye eyatwalanga ebyokulwanyisa bye n’agaana; kubanga yatya nnyo. Sawulo kyeyava addira ekitala kye n’akigwako. 5Awo eyatwalanga ebyokulwanyisa bye bwe yalaba Sawulo ng’afudde, era naye n’agwa ku kitala kye n’afiira wamu naye. 6Sawulo n’afa bw’atyo, ne batabani be bonsatule, n’oyo eyatwalanga ebyokulwanyisa bye, n’abasajja be bonna, ku lunaku olwo wamu. 7Awo abasajja ba Isiraeri abaali emitala w’ekiwonvu n’abo abaali emitala wa Yoludaani bwe baalaba abasajja ba Isiraeri nga badduse, ne Sawulo ne batabani be nga bafudde, awo ne baleka ebibuga ne badduka; Abafirisuuti ne bajja ne babibeeramu.
8Awo olwatuuka enkya Abafirisuuti bwe bajja okunyaga abafu, ne basanga Sawulo ne batabani be bonsatule nga bagudde ku lusozi Girubowa. 931:9 Balam 16:23,24, 1 Sam 17:51, 2 Sam 1:20Ne bamusalako omutwe, ne bamuggyako ebyokulwanyisa bye, ne batuma mu nsi ey’Abafirisuuti enjuyi zonna, okubuulira ebigambo ebyo mu masabo omwali ebifaananyi byabwe ne mu bantu. 1031:10 1 Sam 5:2Ne bateeka ebyokulwanyisa bye mu nnyumba ya Baasutaloosi: ne basiba omulambo gwe ku bbugwe ow’e Besusani. 1131:11 1 Sam 11:1-11Awo ab’e Yabesugireyaadi bwe baamuwulirako ekyo Abafirisuuti kye baakola Sawulo, 12awo abazira bonna ne bagolokoka ne batambula ne bakeesa obudde ne baggya omulambo gwa Sawulo n’emirambo gya batabani be ku bbugwe w’e Besusani, ne bajja e Yabesi ne bagyokera eyo. 1331:13 2 Sam 21:14 Ne baddira amagumba gaabwe, ne bagaziika wansi w’omumyuliru e Yabesi ne basiibira ennaku musanvu.