22
Ya Mukuru Wabazini; ya Aiyeresi hasi-Saha. Zabuli eya Daudi.
1RUHANGA wange, Ruhanga wange, kiki ekikunsingisize?
Kiki okuikara hara okunjuna, okutahu’ra ebigambo ebyokwamuza kwange?
2Ai bambi Ruhanga wange, nd’ra enyamusansa, baitu togarukamu;
Kandi nekiro, kunu tinculera
3Baitu iwe noyera,
Iwe anyakuikara omu kukugiza kwa Isareri.
4Baisenkuru itwe bakwesigaga:
Bayesigaga, wabajunaga.
5Bakukungaga, bajunwaga:
Bakwesigaga, kandi tibakwatwaga nsoni.
6Baitu nyowe ndi kahuka, kunu tindi muntu;
Abasaija oubajuma, nabantu oubagaya.
7Bona abandora bansekereza:
Basimuza nemitwe yabu, basikinyiza omutwe nibagamba ngu
8Oyeheyo hali MUKAMA; amujune:
Uwe amujune, baitu amusemere’rwe.
9Baitu niwe wanyihire omu nda yam mau:
Niwe wanyesigize obunkaba ndi ha mabere ga mau.
10Nkebinga iwe okuruga okuzarwa kwange;
Niwe Ruhanga wange okuruga omu nda ya mau.
11Otanyiikara hara: baitu obujune buli haihi;
Kunu busaho wokunjuna.
12Enimi nyingi zinyehingulirize:
Enimi ezamani eza Basani zingosere.
13Nizinyasamiza akanwa kazo,
Nkentale enyskutagura, enyakuboraga.
14Nsesekere nkamaizi,
Amagufa gange gona nigancenya:
Gwagire hagati omu mara gange.
15Amani gange gomere nkoruguhyo.
Norulimi rwange nurugumira ha nsaya zange;
Kandi ontwaire omu cucu eyokufa.
16Baitu embwa zinyehingulirize:
Ekitebe kyabo abakora obubi banyezigolize;
Banfumuire ebiganja byange nebigere byange.
17Ninsobora okubara amagufa gange gona.
Nibarora, nibangunu’ra amaiso;
18Nibabagana ebyokujwara byange,
Nibatoma ekyesomeko kyange.
19Baitu iwe otaikara hara, ai MUKAMA:
Iwe anyakunkonyera, orahuke okunkiza.
20Juna obwomezi bwange hali empirima;
Obwange hali amani gembwa:
21Onjune omu kanwa kentale;
Ego, omu mahembe agembogo ongarukiremu.
22Nditebeza ibara lyawe hali abagenzi bange:
Hagati yikitebe ndikukugiza.
23Inywe abanyakutina MUKAMA, mumukugize,
Inywe abaijukuru ba Yakobo, mumunyumize;
Mumutine inywe inywena abaijukuru ba Isareri.
24Baitu takagayaga nobukwakuba okunuga omuhito gwomunaku;
Nobukwakuba okumusereka amaisoge;
Baitu obuyamukungire, yamuhu’ra.
25Hali iwe haruga okukugiza kwange omu kitebe ekingi:
Ndihikiriza ebirahiro byange omu maiso gabanyakumutina.
26Abaculezi balirya, baliiguta:
Balikugiza MUKAMA abanyakumuse’ra.
27Empero zona ezensi ziriijuka, zirihindukira MUKAMA:
Nenganda zona ezamahanga ziriramya omu amaiso gawe.
28Baitu obukama bwa MUKAMA:
Nuwe alema amahanga.
29Abaguda bona abensi balirya, nibaramya:
Bona abasirimuka omu cucu baliinama omu maisoge,
Nogu atasobora kukiza obwomezibwe okufa.
30Abaijukuru balimuhereza;
Kiratebezebwaga ha Mukama hali obusinge obugaruki’ra.
31Baliija, balisobora okuhiki’rakwe
Hali abantu abarazarwaga ngu
Nuwe akikozire.