21
Ya Mukuru Wabazini. Zabuli eya Daudi.
1OMUKAMA alisemere’rwa amanigawe, ai MUKAMA;
Nokujuna kwawe alikukyanganukira muno!
2Omuhaire omutimagwe ekigugondeze,
Tomuimire eminwaye ekyesabire,
3Baitu omwebembera nebyomugisa ebirungi:
Omutaho ha mutwegwe ekondo eya zabu esemire.
4Akakusaba obwomezi, wabumuha;
Nukwo kwomera ebiro nebiro.
5Ekitinisakye kingi omu kujuna kwawe:
Okutinwa nobukuru obimutaho.
6Baitu omufora owomugisa mwingi ebiro nebiro:
Omusemereza okukyanganuka omu maiso gawe.
7Baitu omukama nayesiga MUKAMA,
Kandi obwembabazi zogu Anyakuli haiguru muno talitababana.
8Omukono gwawe gulizora abanyanzigwa bawe bona:
Omukono gwawe ogwobulyo gulizora abanyakukunoba.
9Olibafora nkenkomi yomu’ro omu biro byokubihirwa kwawe.
MUKAMA alibami’ra omu kinigakye,
Nomu’ro gulibalya.
10Ebyana byabu olibihwerekereza okubiiha hansi,
Nabaijukuru babu omuli abana babantu.
11Baitu bakatekereza obubi haliwe:
Bakacwa amagezi agabatarukusobora kukora.
12Baitu olibaga’rayo enyuma,
Olitekaniza emigoye eyobuta bwawe ha maiso gabu.
13Onyumizibwe, ai MUKAMA, omu mani gawe:
Nukwo tulizina, tulikugiza obusobozi bwawe.