16
Mikitanu eya Daudi.
1NDINDA, ai Ruhanga: baitu niwe ndukwesiga.
2Nkagambira MUKAMA nti Niwe Mukama wange:
Tinyina mugisa ha iwe otali.
3Abarukwera abanyakuli hansi,
Nibo basemire, abansemererirwe muno.
4Obujune bwabu bulikanya abanyakuhingisa MUKAMA obwa ruhanga ondi:
Ebyokuhonga byabu ebyokunywa esamaga tindibihonga,
Nobukwakuba okutwara amabara gabu omu minwa yange.
5MUKAMA nugwo mugabo ogwobugwetwa bwange, nogwempwahwa yange:
Iwe olinde ebyange.
6Emiguha engwerire omu biikaro ebirungi;
Mananukwo ndina obugwetwa oburungi.
7Ndayebazaga MUKAMA, ayancwerire amagezi:
Ego, ebyomunda yange binyegesa omu busumi obwekiro.
8Bwona bwona nkata MUKAMA omu maiso gange:
Baitu aikara ha Mukono gwange ogwobulyo, tinditabatabana.
9Omutima gwange nikyo guhiririrwe, nekitinisa kyange kisemere’rwa:
Omubiri gwange nagwo guraikaraga nobusinge.
10Baitu tolisiga bwomezi bwange okuzimu;
Nobukwakuba okuleka owawe arukwera okubona okujunda.
11Olinyoleka omuhanda ogwobwomezi:
Namberoli haroho okuniha okusemererwa;
Omu Mukono gwawe ogwobulyo numwo harumu ebinyakusemeza ebiro nebiro.