10
1KIKI ekikwemerize hara muni, ai MUKAMA,
Oyeserekera ki omu biro byobujune?
2Omu miihemboye omubi aronza muno musenge;
Bakwatwe omu magezi agabacwire.
3Baitu omubi ayenyumiza wenka obwolwegomba okwomu mutimagwe,
Nomwegombi ayehakana, ego, agaya MUKAMA.
4Omubi, omu myehembo yamaisoge, agamba ati Talijunana.
Ebitekerezobye byona ngu Busaho Ruhanga.
5Emihandaye egumangana ebiro byona;
Emisango yawe eri haiguru muno, hatarukusobora kugirora:
Nabanyanzigwabe bona abasimuza.
6Agamba omu mutimagwe ati Tinditengesebwa:
Okuhikya obusinge bwona tindibona bujune. 7Akanwake kaijuire okukyena nebisuba nokugobeza:
Omunda yorulimirwe haroho itima nokusisa,
8Aika’ra omu mategero agaomu bika:
Omu biikaro byensita numwo aitira abatayina omusango:
Amaisoge agagumiza hali abanaku omu bihwa.
9Ayesereka omu kiikaro kyensita nkentale omu buingira bwayo:
Ayesereke’ra omusege okumukwata:
Akwatira kimu omusege, obwamucundira omu mutegogwe.
10Abundara ainama.
Nemanzize zigwisa abanaku.
11Agamba omu mutimagwe ati Ruhanga ayeberwe:
Ayeswekere amaisoge; taligenda kukirora.
12Imuka, ai MUKAMA; ai Ruhanga, imukya omukono gwawe:
Otebwa abanaku.
13Omubi agayira ki Ruhanga,
Nagamba omu mutimagwe ati Tolijunana?
14Okabona; baitu norora itima nokunoba, okubitaho omukono gwawe:
Omunaku ayebinga iwe;
Niwe wabajuire abatayina isebo.
15Ohende omukono gwomubi;
Nomuntu abihire omuse’reho okusisakwe okukuma’raho kimu.
16MUKAMA nuwe mukama ebiro nebiro:
Amahanga gahwerekerire omu nsiye.
17MUKAMA, okahu’ra oki’sera kwabanaku:
Olibateka emitima yabu, olitega okutu kwawe okuhu’ra:
18Okucwa omusango ogwenfuzi nabenderezabwa,
Omuntu owa hansi alekege oku’ruma.