14
1ABANTU bona abekitebe baimukya iraka lyabu niba’ra; 2abantu ba’ra ha kiro eki. Abana ba Isareri bonadd bahyemera Musa na Aroni: ekitebe kyona babagambira ngu kyakubaire kirungi itwe okufera omu nsi Misiri! Rundi kyakubaire kirungi itwe okuferaomu irungu linu! 3Kandi MUKAMA natuletera ki omu nsi egi, tugwe habwa busitama? abakazi baitu nabana baitu baliba nkomwandu: tikirukukira oburungi itwe okugarukayo omu Misiri? 4Bagambiragana bonka na bonka ngu Tuteho engabwa, tugarukeyo omu Misiri. 5Nubwo Musa na Aroni bagwa bajumara amaiso gabu omu maiso gabokuso’rokana abekitebe kyabana ba Isareri. 6Kandi Yosuha mutabani wa Nuni na Kalebu mutabani na Yefune abakaba bali bomuli abo abatasire ensi batemur ebyokujwara byabu: 7bagambira ekitebe kyona ekyabana ba Isareri ngu Ensi eyitwarabiremu okugitata nsi nungi muno. 8MUKAMA obwaraba natusima alitutahya omu nsi egi, kandi aligituha; ensi erugera amata nobwoki. 9Kinu kyonka muleke okwemera MUKAMA, kunu mutatina abantu abomu nsi; baitu bo nibyo byokulya byaitu: okulindwa kwabu kubaihirweho, kandi MUKAMA ali habwaitu: mutabatina. 10Baitu ekitebe kyona bagamba okubatera omabale. Kandi ekitinisa kya MUKAMA kyaboneka omu hema yokutangatanganiramu hali abana ba Isareri bona.
11Kandi MUKAMA yagambira Musa ati Abantu banu balihikya nkaha okungaya? kandi balihikya nkaha okutanyikiriza, habwokuro’raho bwona obunakozire omulibo? 12Ndibatema norufu, kandi ndibaka okugwetwa kwabu, kandi iwe ndikufora ihanga erikuru, kandi eryamani okukira bo. 13Musa yagambira MUKAMA ati Nubwo Abamisiri balikuhu’ra; baitu okaihayo omulibo abantu banu namani gawe; 14kandi balikigambira abantu abomu nsi enu; bakahu’ra ngu iwe MUKAMA oli hagati yabantu banu: baitu iwe MUKAMA nororwa amaiso na maiso, kandi ekicu kyawe kibemerireho, kandi nobebembera, omu nyomyo yekicu enyamusana, kandi omu nyomyo yomu’ro ekiro. 15Hati bunu obwoliita abantu banu nkomuntu omu, nubwo amahanga agahuire okuraganwa kwawe balibaza nibagamba ngu 16Baitu MUKAMA atasobole okutahya abantu banu omu nsi eyiyabarahirire, nikyo yabaitire omu irungu. 17Kandi hati bunu nkwesengerize, obusobozi bwa MUKAMA bube bwingi, 18nkokuwagambire oti MUKAMA tarahuka okubihirwa, kandi aijuire muno ebyokuganyira, naganyira okutahiki’ra nokusisa, baitu taliiha omusango na kake hali ugu agwerirwe omusango; najunaniza ekibi kyabaisebo abana bawe, okuhikya obuijukuru obwakasatu nobwakana. 19Ganyira, nkwesengerize, okutahiki’ra kwabantu banu, nkokuganyira kwawe okwingi okukuli, kandi nkokuwaganyiraga abantu banu okuruga Misiri nokuhikya hati. 20MUKAMA yagamba ati Mbaganyire, nkekigambo kyawe okukiri; 21baitu mananukwo nkokundi omwomezi, kandi nkokwensi eriijura ekitinisa kya MUKAMA; 22baitu abantu abo bona ababoine ekitinisa kyange nobwokurora’ho bwange obunakozire omu Misiri nomu irungu, baitu bandenga emirundi egi ikumi, kunu tibahurire iraka lyange: 23mazimakwo tibalibona ensi eyinarahire baisenkurubo, kunu busaho nomu omuli abo aganyangire aligibonaho: 24baitu omuiru wange Kalebu, baitu akabanyina omwoyo ogundi omuluwe, kandi yankurati’ra kimu, nuwe nditahya omu nsi egi eyiyatahiremu; kandi oruzarorwe ruligirya. 25Lero Omwamaleki Nomukanani nibaikara omu kihanga: ijo mulihnduka mugende omu irungu omu muhanda Ogwenyanja Erukuturuka. 26Kandi MUKAMA yagambira 27Musa na Aroni ati Ndihikya nkaha okugumisiriza ekitebe kinu ekibi, abaurukumpyemera? Mpulire okuhyema okwabana ba Isareri okubakumpyemera. 28Obagambire oti Nkokundi omwomezi agambire MUKAMA, mazimakwo nkokumwagambire omu matu gange, nukwo ndibakoro nti: 29Emitumbi yanyu erigwa omu irungu linu: kandi inywena ababazirwe omulinywe nkomuhendo gwanyu gwona okuguli, abahikize emyaka amakumi abiri nokukiraho, abampyemire, 30mazimakwo timulitaha omu nsi, eyinaimukize omukono gwange nti ndibaikazamu, rundi Kalebu mutabani wa Yefune na Yosuha mutabani wa Nuni. 31Baitu abana banyu abato abamwagambire muti balifoka nkomwandu nibo nditahyamu, kandi balimanya ensi egi inywe eyimwangire. 32Baitu inywe, emitumbi yanyu erigwa omu irungu linu. 33Kandi abana banyu baliba balisa omu irungu okuhikya emyaka amakumi ana, kandi balibaho okwanjuka kwanyu, okuhikya emitumbi yanyu obwerijundira omu irungu. 34Nkomuhendo ogwebiro okuguli ebimwatatiremu ensi, nukwo kugamba ngu ebiro amakumi ana, ekiro kimu omwaka, nukwo mulibaho ebyokutahiki’ra byanyu, emyaka amakumi ana, kandi mulimanya okwefoko’ra kwange. 35Ninyowe MUKAMA ngambire nti Mazimakwo nikyeki ndikora ekitebe kinu kyona ekibi, abanyesorolizeho: omu irungu linu balihweramu, kandi nuho balifera. 36Abasaija, Musa abayatumire okutata ensi, abagarukire nibaimukya ekitebe kyona okumuhyemera nibaranga kubi 37ensi, abasaija abo abarangire kubi ensi bakafa orufu omu maiso ga MUKAMA. 38Baitu Yosuha mutabani wa Nuni, na Kalebu mutabani wa Yefune, baikaraho bali bomezi hali abasaija bali abagenzire okutata ensi. 39Musa yagambira ebigambo binu abana ba Isareri bona: abantu baganya muno. 40Baimukya batemba eruguru yorusozi nibagamba ngu Itwe tuli hanu, kandi tulitemba hali ekiikaro MUKAMA ekiyaraganize: baitu tutasisa. 41Musa yagambira ati Inywe nimusisa ki ekiragiro kya MUKAMA, baitu tikiriba mugisa? 42Mutatemba, baitu MUKAMA tali hamu nainywe; muleke okutemwa omu maiso gabanyanzigwa banyu. 43Baitu nuho haroho Omwamaleki Nomukanani omu maiso ganyu, kandi muligwa habwa busitama; baitu mugarukireyo enyuma mulekere okuhondera MUKAMA, nikyo MUKAMA alirekera okuikara nainywe. 44Baitu bakatembe’ra okugenda haruguru yorusozi: kyonka esanduko eyekiragano kya MUKAMA, na Musa bataruge omu rukande. 45Nubwo omwakanani ayaikaire omu rusozi oru, babatema babatera hansi, nokuhikya Horuma.