6
1KANDI MUKAMA yagambira 2Musa ati Omuntu wena obwaliba nasisa nasobeza MUKAMA, nagobeza omutahiwe omu bintu byokukwatira ebihinga, rundi omu bigambo ebyobusuma, rundi aliba ayerengirere omutahiwe, 3rundi aliba akomere ekikaba kibuzire nikigobeza narahira ebisuba, omu bigambo ebi byona omuntu ebyaliba nakora nasisa ati: 4nubwo kiriba obwaliba asisire kandi agwerirwe omusango, aliga’ra eki ekiyabiare, rundi ekintu ekiyatungire habwokugobya, rundi ebintu ebibamukwatire ebihinga, rundi ekintu ekikaba kibuzire ekiyakomere, 5rundi ekintu kyona ekyaliba arahirere busa, alikiga’ra kyona, kandi alyongeraho ekicweka kyakyo ekyakatano: hali ogu mukama wakyo nuwe alikiha ha kiro ekyalicweramu omusango. 6Kandi alireta ekihongwakye ebyomusango hali MUKAMA empaya eyomu igana etaloho kamogo, nkokwolicwa omuhendo okuba ekihongwa hali 7nyakatagara elimulihi’ra omu maiso ga MUKAMA, kandi aliganyirwe; omu biro byona ebyaliba akozire nagwerwa omusango.
8Kandi MUKAMA yagambira 9Musa ati Ragira Aroni nabanabe oti Kinu nikyo kiragiro ekyekihongwa ekyokeze: ekihongwa ekyokeze kiraikaraga ha nku zakyo ha Kyoto ekiro kyona okusiisa obuire, nomu’ro ogwekyoto guralindwaga nigwaka. 10Kandi nyakatagara arajwaraga engoyeze ezekitani nempaleye eyekitani arajijwaraga ha mubirigwe; kandi alikoma iju eriruga omu kihongwa ekyokeze ekyokebwa omu’ro oguli ha Kyoto, kandi alirita ha rubaju rwekyoto. 11Kandi alijura ebyokujwarabye, najwara ebyokujwara ebindi, naturukya iju aheru yorukande hali ekiikaro ekisemire. 12Nomu’ro ogwaha Kyoto guralindahoga nigwaka, tigulirara; kandi nyakatagara arakihembahoga enku obukyabukya; kandi arakitahoga ekihongwa ekyokeze nemyanya, kandi arakyokyaga ebyobusinge. 13Omu’ro guralindwaga ha Kyoto obutosa; tigulirara.
14Kandi nikyo kiragiro ekyekihongwa ekyebyokulya: abana ba Aroni barakihongaga omu masio ga MUKAMA, omu maiso gekyoto. 15Kandi aliyoraho ekihi, ekyensano enungi eyekihongwa kyebyokulya, kandi ekyamagita gakyo, nenkwasi yona eri ha kihongwa kyebyokulya. Kandi alibyokya ha Kyoto okuba ekisorokoko ekirungi, nkekiijukyo kyakyo, hali MUKAMA. 16Negi erisigaraho Aroni nabanabe baligirya eriribwa hatali kitumbisa omu kiikaro kyona ekirukwera; omu zigati eyehema yokutangatanganiramu, nuho baligirira. 17Teryokebwa nekitumbisa. Nkihaire okuba omugabo gwabu egwebihongwa byange ebikorwa nomu’ro kiba ekirukwera muno nkebihongwa ekyekibi, nekihongwa ekyomusango okubiri. 18Omusaija wena omu bana ba Aroni aralyahoga nkibanja ebiro byona okuhikya obusinge bwanyu bwona, omu bihongwa bya MUKAMA ebikorwa nomu’ro: omuntu wena anyakubikoraho arabaga arukwera.
19Kandi MUKAMA yagambira 20Musa ati Kinu nikyo kisembo ekya Aroni nabanabe ekibalihongera MUKAMA ha kiro ekyaliseserwaho amagita; ekicweka kya ikumi ekya efa eyensano enungi okuba ekihongwa ekyebyokulya ekyobutosa, ekicweka kyakyo nyenkya nekicweka kyakyo akairirizi. 21Erikorwa namagita ha sufuliya; obwerikatungwa oligitahyamu: omu bicweka ebicumbirwe olihonga ekihongwa kyebyokulya okuba ekirokoko ekirungi hali MUKAMA. 22Kandi nyakatagara aseserweho amagita owomu banabe aliba omu kiikarokye nuwe aligihonga: habwekiragiro ekitairweho ebiro byona eryokebwa yona hali MUKAMA. 23Nekihongwa kyona ekyebyokulya ekya nyakatagara kiryokebwa kyona: tikiriribwa.
24Kandi MUKAMA yagambira 25Musa ati Gambira Aroni nabanabe ati Kinu nikyo kiragiro ekyekihongwa ekyekibi: omu kiikaro nambere ekihongwa ekyokeze kiitirwa, nuho ekihongwa ekyekibi kiriitwa oku omu maiso ga MUKAMA: kiba ekirukwera muno. 26Nyakatagara anyakukihonga habwekibi nuwe alikirya: omu kiikaro kyona ekirukwera nuho kiriribwa, omu zigati eyehema yokutangatanganiramu. 27Ekintu kyona ekirikora ha nyama yakyo kirifoka ekirukwara: kandi esagama yakyo obweramisirwa ha kyokujwara kyona, olyogya eki ekimiswaho omu kiikaro kyona ekirukwera. 28Baitu ekiniga ekiibumba ekiricumbwamu omu kintu kyomulinga kiriragazibwa nikyogebwa omu maizi.
29Omusaija wena omu banyakatagara aliryaho kiba ekirukwera muno. 30Nekihongwa kyona ekyekibi ekirikwetwa esagama yakyo yona omu hema yokutangatanganiramu okulihi’ra omu kiikaro ekirukwera, tikiriribwa: kiryokebwa nomu’ro.