4
1KANDI MUKAMA yagambira Musa ati 2Baza nabana ba Isareri nogamba oti omuntu wena obwaliba nasisa atagenderire omu bigambo byona MUKAMA ebiyaragire okutabikora, nakora kyona halibyo: 3rundi nyakatagara aseserweho amagita obwaliba nasisa naletera abantu omusango, ahonge habwekibikye ekyakozire enimi ento etaloho kamogo hali MUKAMA okuba ekihongwa ekyekibi. 4Kandi alireta enimi ha mulyango ogwehema yokutangatanganiramu omu maiso ga MUKAMA, kandi alita okukonogwe ha mutwe gwenimi naitira enimi omu maiso ga MUKAMA. 5Kandi nyakatagara aseserweho amagita alikoma ha sagama yenimi, nagireta ha hema yokutangatanganiramu: 6kandi nyakatagara aliibika orukumurwe omu sagama, namisa ha sagama emirundi musanju omu maiso ga MUKAMA, omu maiso genyigamo eya harukwera. 7Kandi nyakatagara alitwara ha sagama nagita ha mahembe gekyoto ekyemyami’ro erukuboya omu maiso ga MUKAMA, ekiri omu hema yokutangatanganiramu; nesagama yona eyenimi aligisesa ha kibunu kyekyoto ekyekihongwa ogwehema yokutangatanganiramu. 8Ebisajwa bona ebyenimi yekihongwa kyebibi alibiihaho; ebisajwa ebirukusweke’ra ebyomunda, nebisajwa byona ebiri ha byomunda, 9nensigo ibiri, nebisajwa ebiziroho, ebiri ha mugongo, nensahu eri ha bune, hamu nensigo, alibiibaho, 10nkokubabiiha ha nimi eyekyonzira ekyebihongwa byobusinge: kandi nyakatagara alibyokya ha kyoto ekyekihongwa ekyokeze. 11Nomuguta gwenimi, nenyama yayo yona, hamu nomutwe gwayo, kandi hamu namaguru gayo, nebyomunda yayo 12nefa yayo, niyo enimi yona aligiturukya aheru yorukande omu kiikaro ekisemire, nambere basesa iju, kandi aligyokya hanku nomu’ro: nambere iju liseswa nuho eryokebwa oku.
13Kandi ekitebe kyona ekya Isareri oburikiba nikisobya, kandi ekigambo nikiserekwa omu maiso gabiso’rokaniro, kandi baliba bakozire kyona ha bigambo MUKAMA ebiyaragire okutabikora, kandi banyina 14omusango; ekibi eki ekibakozire obukirikamanywa, nubwo abaso’rokaniro balihonga enimi ento okuba ekihongwa ekyekibi, kandi baligireta omu maiso gehema yokutangatanganiramu. 15Na bakuru ebekitebe balita emikono yabu ha mutwe gwenimi omu maiso ga MUKAMA: enimi eriitirwa omu maiso ga MUKAMA. 16Kandi nyakatagara eyaseserweho amagita alitwara ha sagama eyenimi hali ehema yokutangatangiramu: 17Kandi aliibika orukumurwe omu sagama, nagimisa emirundi musanju omu maiso ga MUKAMA omu maiso genyigamo. 18Kandi alitwara ha sagama nagita ha mahembe gekyoto ekiri omu maiso ga MUKAMA, ekiri omu hema yokutangatanganiramu, nesagama yona aligisesa ha kibunu kyekyoto ekyekihongwa ekyokeze, ekiri ha mulyango gwehema yokutangatangiramu. 19Nebisajwa byayo byona alibiihaho, nabyokya ha kyoto. 20Nukwo alikora at enimi, nkokuyakozire enimi eyekihongwa kyekibi, nukwo alikora ati nenu: kandi nyakatagara alibilihi’ra, kandi baliganyirwa. 21Kandi aliturukya enimi aheru yorukande, nagyokya nkokuyayokeze enimi eyokubanza: nikyo kihongwa kyekibi habwabiso’rokaniro.
22Omulemi obwarasigaga nakora atagenderire kyona habigambo byona MUKAMA Ruhangawawe ebiyaragire okutabikora, kandi agwerirwe omusango’ 23ekibikye ekyaliba akozire obukirimugambirwa, alireta ekisembokye embuzi, empaya etaloho kamogo; 24kandi alita omukonogwe ha mutwe gwembuzi, nagiitira omu kiikaro namberebaitira ekihongwa ekyokeze omu maiso ga MUKAMA: nikyo kihongwa kyebibi. 25Kandi nyakatagara aliiha ha sagama eyekihngwa kyekibi norukumurwe, aligita ha mahembe gekyoto kyekihongwa ekyokeze, nesagama yayo aligisesa ha kibunu kyekyoto ekyekihongwa kyekibi. 26Nebisajwa byayo byona alibyokya ha kyoto, nkebisajwa byekyonzira ekyebihongwa byobusinge; kandi nyakatagara alimulihi’ra habwekibikye, kandi aliganyirwa.
27Kandi omuntu wena owomu bantu bensi obwarasisaga atagenderire nakora kyona habigambo ebi MUKAMA ebiyaragire okutabikora, kandi agwerirwe omusango; 28ekibikye ekyaliba akozire ebukirimugambirwa, alireta ekisembokye embuzi,Ebuguma etaloho kamongo, habwekibikye ekyaliba akozire. 29Kandi alita omukonogwe ha mutwe gwekihongwa kyekibi, aliitira ekihongwa kyekibi omu kiikaro kyekihongwa ekyokeze. 30Kandi nyaktagara aliiha ha sagama yayo norukumurwe nagita ha mahembe gekyoto kyekihongwa ekyokeze nesagama yayo yona aligisesa ha kibunu kyekyoto. 31Nebisajwa byayo byona alibiihaho nkebisajwa okubiihwa ha kyonzira kyebihongwa byobusinge; nyakatagara alibyokya ha Kyoto okuba ekisorokoko ekirungi hali MUKAMA; nyakatagara alimulihi’ra kandi aliganyirwa.
32Kandi obwalireta entama okuba ekisembokye habwekihongwa kyekibi, alireta ebuguma etaloho kamogo. 33Kandi alita omukonogwe ha mutwe gwekihongwa kyekibi nagiitira okuba ekihongwa kyekibi omu kiikaro nambere baitira ekihongwa ekyokeze. 34Kandi nyakatagara aliiha ha sagama yekihongwa kyekibi norukumurwe, nagita ha mahembe gekyoto kyekihongwa ekyokeze, nesagama yayo yona aligisesa ha kibunu kyekyoto; 35nebisajwa byayo byona alibiihaho, nkebisajwa byentama okubiihwaho ha kyonzira kyebihongwa byobusinge; nyakatagara alibyokya ha Kyoto, ha bihongwa bya MUKAMA ebikorwa nomu’ro; kandi nyakatagara alimulihi’ra habwekibikye ekyaliba asisire kandi aliganyirwa.