39
1OMANYIRE ebiro ensuku ezomu mabale ebiziza’ramu?
Rundi nosobora okumanya enjaza obwiba nihaka,
2Nosobora okubara amezi agazimara?
Rundi omanyire akasumi akaziza’ramu?
3Ziinama, zizara obwana bwazo,
Zeyihamu okurumwa kwazo.
4Obwana bwazo bunyeta, buku’ra omu bwe’re aheru;
Buturuka, kunu tibugaruka.
5Noha yayoherize entulege ebe yobugabe?
Rundi noha yasumuruire amasamba gentulege?
6Eyinafolire irungu okuba enju yayo,
Nensi eyekisura okuba ekiikaro kyayo ekyokuikaramu.
7Egaya obwogo obworubuga,
Kunu tehu’ra okutoka okwomukoza wayo.
8Okugaliha okwensozi niryo irisizo lyayo,
kandi ese’ra ekintu kyona ekibisi.
9embogo eriikiriza okukuhereza?
Rundi eriikara omu isibiko lyawe?
10Nosobora okuboha embogo nenkoba zayo omu musiri?
Runndi eririmisa ebihanga enyuma yawe?
11Oligyesiga, baitu amani gayo maingi?
Rundi oligisigira omulimo gwawe?
12Oligyesiga, ekuhunikire embibo yawe?
nesoroza engano eyorubuga rwawe orwokuhu’raho?
13Ipapa eryehudu esemererwa;
Baitu amapapa gayo nebyoya byayo binyina embabazi?
14Baitu esiga amahuli gayo ha itaka,
Egatagasa omu cucu,
15Kandi Eyebwa ngu ekigere rundi kirigasasangura,
Rundi enyamaiswa erigalibata.
16egumanganira obwana bwayo nkobutali bwayo:
Nobwetalibanira busa, tetina;
17Baitu Ruhanga akagiima amagezi,
Kunu tagihaire okwetegereza.
18Obweba nesandara.
Egaya embarasi nogu agitembere.
19Niwe wahaire embarasi amani gayo?
Niwe wajweka ebikya byayo omugeye ogurukuseseka?
20Niwe wagigurukize nkoruzige?
Ekitinisa ekyokufugura kwayo kyokutinisa.
21erahiza omu kihanga, esemerirwe amani gayo:
Eturuka okutangatangana abasaija banyina ebyokurwanisa.
22Eseka okutina, kunu tefube’ra;
Kunu tegarukayo enyuma okuiruka busitama.
23Omufuko gujaraja’ra hayo,
Icumu erirukwangasana nempirima.
24Emira ensi nekiniga nokubihirwa;
Kunu tikiriza niryo iraka eriikondere.
25Wngawara obwegamba bwona, egamba eti Nukwo!
Ekaga obulemu bukiri hara,
okuhinda okwengabwa, nokutoka.
26Malere erengera habwamagezi gawe?
Nesasanura amapapa gayo hali obukizi obwobulyo?
27Isamba lirengera habwokuragira kwawe,
Nirikora ekiju kyalyo haiguru muno?
28Lirara ha ibale, kandi nuho oku linyina ekigonyo kyalyo, Ha rino eriibale, kandi omu kiikaro kyamani.
29Nuho liyema okuleba omuhigo;
amaiso galyo gagurora hara muno.
30Obwana bwalyo bunywa esagama:
Kandi ahali abaisirwe, nuho liri.