29
1YIOBU yagaruka okuimukya orufumorwe yagamba ati
2Kuba mbaire nkokunkabandi omu mezi agaira,
Nkomu biro biri ruhanga obuyandole’raga;
3Etabazaye okuyayakiraga ha mutwe gwange,
kandi habwomusanagwe nkaraba omu muirima;
4Nkokunkabandi omu biro byange ebyokwenga,
Okuganjana kwa Ruhanga obukukaba kuli ha hema yange;
5Owobusobozi bwona obwakabali hamu nanyowe,
Nabana bange obubakaba bali hamu nanyowe;
6Obunanabisaga ebigere byange namagita,
Kandi omwandara gwanyituru’ra ebyambu byamagita!
7Obunaturukaga ningenda hali irembo eryorubuga,
Obunatekanizaga ekitebe kyange omu ikute erigalihire,
8Abasigazi bandoraga nibesereka,
Abagurusi baimukaga nibeme’ra;
9Abakuru bakaleka okubaza,
Batega engaro zabu ha kanwa kabu;
10Iraka eryabanyoro lyaculezebwa,
Orulimi rwabu rwagumira omu kuhangara.
11Baitu okutu obukwampu’raga nubwo kwansimaga;
Kandi eriso obulyandoraga lyabaga kaiso wange:
12Baitu nkajuna omunaku ayakungire
Kandi nenfuzi akaba atanyina mukonyezi.
13Okusima kwogu akaba amalize okufa lwampikaho:
Nazinisa habwokusemererwa omutima gwomufakati.
14Nkajwara okuhiki’ra, kwansweka:
Okucwa kwange okwobulyo kukaba kuli nkorugoye nekitambara.
15Nkabandi nkamaiso hali omufu wamaiso,
Naba nkebigere hali omulema.
16Nkabandi nka ise hali owamasege:
Nobulyo bwogu ountaramanyire nkabuseru’ra kumu.
17Nkahenda ensaya ezabatahikirire,
Nasahura omuhigo omu mainoge.
18Nubwo nagamba nti Ndifera omu kiju kyange,
Kandi ndyongera ebiro byange nkomusenyi:
19Emihama yange egalihire okuhika ha maizi,
Kandi orume ruikara ha matagi gange okukiisa obuire;
20Ekitinisa kyange kihyaka namberendi,
Nobuta bwange bufokere buhyaka omu mukono gwange.
21Ninyowe bantegeraga okutu, nibalinda,
Bacule’raga okuhanura kwange.
22Hanyuma yebigambo byange batagaruke okubaza;
Okugamba kwange kwabagwahwo.
23Bantegerezaga nkenjura;
Bayasamyaga muno akanwa kabu, nkabanihira enjura eyobhutoigao.
24Obunabasekaga batakiikirize;
Nomusana ogwaha maiso gange batagunage hansi.
25Nahaburaga omuhaanda gwabu, naika’ra nkomukama,
Naika’raga omu ihe nkomukama,
Nkomuntu arukuiruki’ra abaganya.