12
1NUBWO Yobu yagarukamu nagamba ati
2Mazimakwo ninywe Bantu benyini,
Kandi amagezi galifa nainywe.
3Baitu nyowe ninyetegereza nak inywe;
Inywe timurukunkira amagezi:
Ego, noha atamanyire ebigambo nkebi?
4Ninsisana nkomuntu asekerezebwa mutahiwe,
Omuntu ayakungire Ruhanga, yamugarukamu:
Owobulyo, omuntu ahikirire
nuwe asekerezebwa
5Omu kutekereza kwogu ahumuire harumu okugaya obujune;
Butegerize abo ebigere byabu ebirukute’ra.
6Ehema zabazinzi zibona omugisa,
Nabo ababihiza Ruhanga bagumireho;
Omukono gwabu Ruhanga ogwatungisa muno.
7Baitu kaguza’na ebisoro, birikwegesa;
Nenyonyi ezomu mwanya,
kandi zirikugambira:
8Rundi obaze nensi, erikwegesa;
Nencu ezomu nyanja zirikutebeza.
9Noha atarukumanya omwebi byona,
Ngu omukono gwa MUKAMA nugwo gwakozire eki?
10Omu mukonogwe nuho haroho obwomezi obwekitu kyona ekyomezi,
Norwoya orwabantu bona.
11Okutu tikulenga ebigambo,
Nkekihangara okukiroza ebyokulya?
12Amagezi gaba nabasaija abagurusi,
Nomu biro ebingi numwo harumu okwetegereza.
13Amagezi nobusobozi biri nauwe;
Anyina okuhanura nokwetegereza.
14Dora, asesa, tikisoboka okwombekwa obundi;
Aiga’ra omuntu, kandi busaho okuigura.
15Dora, aigaliriza amaizi, goma;
Ekindi, agasindika, kandi gajumika ensi.
16Hamu nauwe haroho amani nokukora okwobusobozi; Abiha ebisuba nabihwa ebisuba nibo be.
17Abahanuzi abatwara banyagirwe,
Nabacwi bemisango abafora badomadoma.
18Asumu’ra obusobozi bwabakama,
Abatega omunda nomuweko.
19Banyakatagara abatwara banyagirwe,
Anaga hansi abamani.
20Aihaho engambo eyabokwesiga,
namaraho okwetegereza kwabakuru.
21Asesa okugaywa ha bakuru,
Naboho’ra okwekindikira kyowamani.
22Ayoleka ebigambo ebihamire nabiiha omu muirima, Aletera omusana ekiituru kyokufa.
23Akanyisa amahanga, kandi agasorolezamu.
24Aihaho omutima ogwabakuru abantu abensi, Abahambaza omu irungu nambere hataroho muhanda.
25Bahamaga omu muirima batanyina musana.
Kandi abahumiza nkomuntu atamire.