8
1Kandi Ruhanga akaijuka Nuha nebintu byona ebyomezi, nente zona ezikaba ziri hamu nauwe omu bwato: Ruhanga yaleta omuyaga okuraba ha 2nsi, amaizi gakeha; nensoro zona ezomu nziha nebihengezi ebya haiguru byaigarwa, nenjura eya haiguru yatangwa; 3namaizi garuga ha nsi obutosa: kandi hanyuma yebiro kikumi mwatano amaizi gaheka. 4Kandi obwato bwahika ha nsozi eza Ararati omu kwezi okwomusanju ha kiro ekya ikumi nomusanju ekyokwezi. 5Amaizi gakehaga obutosa okuhikya okwezi okwa ikumi: omu kwezi okwa ikumi ha kiro ekyokubanza ekyokwezi, emitwe yensozi ekazoka. 6Kandi kyahika, ebiro amakumi ana obubyahinguireho, Nuha yakingura ekihengezi 7ekyobwato ekiyakozire: yaturukya ekingora, kyaturuka kyagendagenda, okuhikya amaizi obuyayomere ha nsi. 8Kandi yaturukya eriba limurugeho amanye rundi amaizi gakehere 9ha maiso gitaka; baitu eriba litabone hokuhumuza ekigere kyalyo, lyagaruka haluwe omubwato, bitu amaizi gakaba gaswekere ensi yona: yago’ra omukonogwe yalikwata, yalitahya omubwato hali. 10Yayosaho ebiro musanju ebindi, yaguruka okuturukya eriba okuruga omu bwato; 11eriba lyagaruka orwebagyo haluwe; kandi dora, omu kanwa kalyo akababi akomuzeituni kacwibweho: Nuhu nukwo yamanyire ati amaizi gahekere okuruga ha nsi. 12Kandi yayosaho ebiro musanju ebindi yaturukya eriba; tiryagaruka haluwe obundi. 13Kandi kyahika omu mwaka ogworukaga mu gumu omu kwezi okwokubanza, ha kiro ekyokubanza ekyokwezi, amaizi gakoma ha nsi. Nuha yaihaho ekikingyo kyobwato yarora, kandi dora, amaiso gitaka gakaba gomera. 14Omu kwezi okwakabiri, ekiro ekyamakumi abiri mu musanju ekyokwezi ensi ekoma.
15Ruhanga yagambira Nuha ati 16Ruga omubwato iwe na mukazi wawe, nabana bawe, nabakazi babana bawe hamu naiwe. 17Oturukye hamu naiwe ebintu byona ebyomire ebiri hamu naiwe, byona ebinyina omubiri, nebihu’ruka hansi; bizalege muno omu nsi, bikanye, kandi bisage ha nsi, 18Nuha yaturuka, nabanabe, namukaziwe, nabakazi babanabe hamu nauwe: 19ebisoro byona, nebyeku’ra byona, nebihu’ruka byona, na byona ebirikugendera hansi, nkenganda zabyo okuziri, byaturuka omu bwato. 20Kandi Nuha yayombekera MUKAMA ekyoto; yakoma ha bisoro byona ebisemire, na ha bihu’ruka byona ebisemire, yahayo ebihongwa ebyokeze ha kyoto. 21MUKAMA yahu’ra ekirokoko ekirungi, MUKAMA yagamba omu mutimagwe ati Tindigarukira obwakabiri okukyena ensi habwountu, baitu okutekereza kwona okwomu mutima gwomuntu kubi okuruga omu butobwe; kunu tindagarukira obwakabiri okutema ebintu byona ebyomire nkokunkozire.
22Ensi obweriba ekiroho, okusinga nokugesa, kandi embeho nokutagata, kandi ekyanda nobutoigo, kandi emisana nekiro tibirihwaho.