20
1Iburahimu akaruga oku, yagenda omu nsi yobukizi Bwobulyo, yaikara hagati ya Kadesi na Sura, yaikara Gera. 2Iburahimu yagamba ha Sara mukaziwe at Munyanya nyowe; kandi Abimereki omukama wa Gera yatuma yatwara Sara. 3Baitu Ruhanga yaija hali Abimereki omu kiroto ekyekiro, yamugambira ati Dora, iwe oli mufu kwonka habwomukazi owotwaire, baitu anyina iba. 4Kandi Abimereki akaba atakamuirire haihi: yagamba ati Mukama, oliita ihanga nobuliba lihikirire? 5Atangambire wenka ati Munyanya nyowe? nauwe omukazi wenka yagamba ati Munyanya nyowe omu kuhiki’ra kwomutima gwange nomu kutasisa kwemikono yange, nukwo nakozire kinu. 6Ruhanga yamugambira omu kiroto ati Ego, manyire nti omu kuhiki’ra kwomutima gwawe okozire kinu, kandi nanyowe nkutangire okutansisira: nikyo ntarakuikirize okumukoraho. 7Nukwo hati bunu ga’rayo mukazi womusaija; baitu nuwe nabi, kandi alikusabira: naiwe oliba mwomezi: kandi obwotamuga’reyo manya ngu mazimakwo olifa, iwe nabawe bona. 8Abimereki yaimuka nyenkya omu rukyakya, yayeta abairube bona, yabagambira ebi byona omu matu gabu: abasaija batina muno. 9Abimereki nubwo yayeta Iburahimu namugambira ati Otukozire ki? nanyowe nkusisire ki, iwe okundetera nyowe nobukama bwange okusisa okukoto? onkozire engeso ezitahikirire okukorwa. 10Abimereki yagambira Iburahimu ati Okakora ki ekyakukoleze kiti? 11Iburahimu yagamba ati Baitu nkaterekereza nti Mananukwo okutina Ruhanga tikuli omu kiikaro kinu; nanyowe balinyita habwomukazi wange. 12Kandi nauwe mazimakwo nuwe munyanya nyowe omwana wa isenyowe, baitu tali mwana wa mau; kandi okafoka mukazi wange: 13kandi kyahika Ruhanga obuyanyihire omu nju ya isenyowe, nubwo namugambire nti Zinu nizo mbabazi zawe ezorangi’raga; omu biikaro byona nambere turagendaga egambege hali nyowe oti Nuwe munyanya nyowe. 14Kandi Abimereki yatwara entama nente, nabairu nabazana, yabiha Iburahimu yamugaru’ra Sara mukaziwe. 15Abimereki yagamba ati Dora, ensi yange eri omu maiso gawe; ikara horukugonza. 16Kandi yamugambira Sara ati Dora, mpaire munyanyoko ebicweka byefeza rukumi: dora, ebi byokusweke’ra omu maiso ga bona abali naiwe; kandi omu bigambo byona olihirwe. 17Iburahimu yasaba Ruhanga, Ruhanga yakiza Abimereki, na mukaziwe, nabazanabe; bazara abana. 18Baitu MUKAMA akaba aigalire kimu enda zona ezomunju ya Abimereki, habwa Sara mukazi wa Iburahimu.