19
1Na bamaraika ababiri bakahika Sodomu akairirizi; na Loti akaba aikalire omu irembo lya Sodomu: Loti yabarora, yaimuka okubatangi’ra; yainamya amaisoge hansi; 2nagamba ati Dora, ‘nu bakama bange, mbesengerize mukubuke, mutahe omu nju yomuiru wanyu, murale okukiisa obuire, munabe ebigere, nubwo muzinduke nyenkya, muimuke mwegendere. Bagamba ngu Nangwa; baitu turarara omu makute okukiisa obuire. 3Kandi yabahambiriza muno, bakubuka namberali bataha omu njuye; yabacumbira obugenyi yayokya omugati ogutatumbisibwe, balya. 4Baitu bakaba batakabyamire, abasaija abomu rubuga, nibo basaija ba Sodumu, bakehinguliriza enju abato nabakuru, abantu bona abarugire omu maka gona; 5bayeta Loti, nibamugambira ngu Abasaija abo balinkaha abatahire owanyu ekiro kinu? obalete halitwe tubamanye. 6Loti yaturuka namberebali omu mulyango nakinga oruigi enyumaye. 7Yagamba ati Mbesengerize bagenzi bange mutasisa muti. 8Dora ‘nu, nyina abahara babiri, abatakamanyaga musaija; kambaturukye nambere muli mbesengereize, kandi mubakole nkokukisemire omu maiso ganyu: baitu mutabakora kigambo abasaija banu: baitu baizire omu kiituru ekyorusu rwange. 9Bagamba ngu Rugaho. Bagamba ngu Ekisaija kinu kimu kikataha okuba mugenyi, kandi nase’ra okuba omucwi wemisango; hati bunu turakukora kubi okukira bo. Bamusindika muno omusaija, nuwe Loti, baija haihi okucwa oruigi. 10Baitu abasaija abo baturukya emikono nibatahya Loti omu nju namberebali, bakinga oruigi. 11Babaita amaiso abasaija abakaba bali ha ruigi orwenju, abato nabakuru: nukwo bakejwahya okuse’ra oruigi. 12Abasaija bagambira Loti ngu onyina abandi hanu? rundi omuko wawe, na batabani bawe, nabahara bawe, na bona abonyinabo omu rubuga obaturukye omu kiikaro kinu: 13baitu turahwerekereza ekiikaro kinu, baitu oku’ra kwabu kukanyire muno omu maiso ga MUKAMA; kandi MUKAMA atutumire okukihwerekereza. 14Loti yaturuka, yagambira abakobe abaswire abaharabe, nagamba ati Muimuke, muruge omu kiikaro kinu; baitu MUKAMA arahwerekereza orubuga. Baitu akaba nasisana omu maiso gabakobe nkarukuseke’ra. 15Kandi obubwakiire nyenkya, bamaraika nubwo bamwanguhirize Loti nibagamba ngu Imuka otwale mukazi wawe nabahara bawe ababiri abali hanu; oleke okuhwerekerezebwa omu kutahiki’ra okworubuga. 16Baitu yaikaraho; abasaija bamukwata ha mukono na ha mukono gwa mukaziwe na ha mukono gwabaharabe ababiri; MUKAMA namuganyira; bamuihamu nibamureta aheru yorubuga. 17Kandi obukyahikire, obubamazire okubaihiramu kimu, yagamba ati Iruka otafa, otarora enyuma, nobukwakuba okuikara omukyeya kyona; oirukire ha rusozi, otahwerekerezebwa. 18Loti yabagambira ati Nangwa Mukama wange, nkwesengerize: 19dora ‘nu omuiru wawe aboine omugisa omu maiso gawe, kandi onyumize embabazi zawe ezonyolekere nonjuna ntafa; kandi tindukusobora okuirukara ha rusozi,akabi kaleke okumpikaho, ninfa: dora ‘nu, 20orubuga runu ruli haihi okuruirukiramu, kandi nurwo rubuga ruke: nkwesengerize, nyirukire omu (tiruli ruke?) nobwomezi bwange bulikira. 21Yamugambira ati Dora, nkuikirize nomu kigambo eki, okutanaga orubuga orwogambireho. 22Yanguha, oirukire omu; baitu tindukusobora okukora ekigambo kyona otakahikire omu. Ibara lyorubuga nikyo lyayetirwe Zoara. 23Izoba likaba limazire okuturuka omu nsi Loti obuyahikire Zoara. 24MUKAMA nubwo yanaga ha Sodomu na Gomora ekibiriti nomu’ro nibiruga hali MUKAMA omu iguru; 25kandi yasesa embuga ezi nekyeya kyona, nabo bona abakaba nibaikara omu mbuga, nebi ebyamezere ha itaka. 26Baitu mukaziwe akarora enyuma akaba amukuratire, yafoka enyomyo eyekisura. 27Iburahimu akaimuka nyenkya kara nagenda omu kiikaro hayayemerire omu amaiso ga MUKAMA; 28yarole’ra Sodomu na Gomora, nensi yona Eyekyeya, kandi dora, yarora omuika ogwensi mugucuka nkomuika ogwekikomi ogwekikomi. 29Kandi kyahika, Ruhanga obuyahwerekeriza embuga ezo mu Kyeya, Ruhanga nubwo yaijukire Iburahimu, yasindika Loti aruge hagati yokuseseka kwazo, obuyasesere embuga Loti eziyaikairemu.
30Kandi Loti akatemba naruga Zoara yaikara ha rusozi, na baharabe ababiri hamu nauwe; baitu akatina okuikara Zoara; yaikara omu buingira, uwe nabaharabe ababiri. 31Kandi omuzigaijo yagambira omuto ati Isitwe mugurusi, kandi tiharoho omusaija, omu nsi aliija halitwe nkengeso yensi yona okweri; 32ija ‘nu, tutamize isitwe ekiro kinu namarwa, tubyame nauwe, tutunge oruzaro hali isitwe. 33Batamiza isebo kiro kiri namarwa. omuzigaijo yatahamu yabyama na ise; atamanye obuyabyamire nobubwakuba obuyaimukire. 34Kyahika nyenkya omuzigaijo yagambira omuto ati Dora ekiro mbyamire na isenyowe: tumutamize namarwa nekiro kinu: iwe otahe obyame nauwe, tutunge oruzaro hali isitwe. 35Kandi batamiza isebo namarwa ekiro kiri: omuto yaimuka yabyama nauwe; atamanye obuyabyamire nobwakuba obuyaimukire. 36Nukwo abahara bombi ba Loti batwaire bati enda eza isebo. 37Omuzigaijo yazara omwana omwojo, yamuruka ibaralye Moabu: nuwe ise Abamoabu nokuhikya hati. 38Nomuto nauwe yazara omwojo; yamuruka ibara Benami: nuwe ise abana ba Amoni nokuhikya hati.