16
1LERO Sarai mukazi wa Iburamu atamuza’re bana: kandi akaba anyina omuzana, Omumisiri, ibaralye nuwe Hagara. 2Sarai akagambira Iburamu ati Dora ‘nu, MUKAMA antangire okuzara; genda, nkwesengerize hali muzana wange; rundi nditunga abana omuluwe. Iburamu yahu’ra iraka lya Sarai. 3Kandi Sarai mukazi wa Iburamu yatwara Hagara Omumisiri, omuzanawe, Iburamu akaba amazire emyaka ikumi omu nsi ya Kanani, yamuha Iburamu musaijawe okuba mukaziwe. 4Yagenda hali Hagara, yaba nenda: kandi obuyaboine ayinenda omugolewe yagayibwa omu maisoge. 5Sarai yagambira Iburamu ati Okusiswa kwange kuikale haliwe: nkakuha omuzana wange omu kifuba kyawe; kandi obuyaboine ayinenda yangaya: MUKAMA atucwere omusango nyowe naiwe. 6Baitu Iburamu yagambira Sarai ati Dora, omuzana wawe ali omumukono gwawe; mukole ekyorasima. Sarai yamutuntuza,yairuka omu masioge. 7Kandi maraika wa MUKAMA yamuzora hali iziba eryamaizi omu irungu, hali iziba eriri omu muhanda okugenda Sura. 8Yagamba ati Hagara, omuzana wa Sarai, noruga ha? kandi nogonda ha Yagamba ati Ninyiruka amaiso gomugole wange Sarai. 9Maraika wa MUKAMA yamugambira ati Garukayo hali mugole wawe, oyorobe hansi yemikonoye. 10Maraika wa MUKAMA yamugambira ati Ndikanyisa muno oruzaro rwawe, nokubarwa tirulibarwa, baitu rwingi. 11Maraika wa MUKAMA yamugambira ati Dora, onyinenda, kandi olizara omwan omwojo; kandi olimuruka ibaralye Isameri, baitu MUKAMA ahulire okubonabonesebwa kwawe. 12Kandi aliba nkentulege omu bantu; omukonogwe gurarwanaga nomuntu wena nomukono gwomuntu wena gurarwanaga nauwe; kandi araikaraga omu maiso gabene babu bona. 13Kandi yayeta ibara lya MUKAMA ayabalize nauwe ati Niwe Ruhanga arukurora; baitu akagamba ati Nokuse’ra nseruire hanu 14ogu arukundora Nikyo iziba lyayetirwe Beeri-rahairoi; dora, liri hagati ya Kadesi na Beredi. 15Kandi Hagara akaza’ra Iburamu omwana omwojo: Iburamu yaruka omwanawe Hagara ouyazaire ibaralye Isameri. 16Iburamu akaba ahikize emyaka kinana mu mukaga, Hagara obuyazalire Iburamu Isameri.