13
1KANDI Iburamu akaruga Misiri, uwe na mukaziwe na byona ebyakaba anyinabyo, na Loti hamu nauwe okugenda omu nsi yobukizi bwobulyo. 2Kandi Iburamu akabali nitungolingi, ente, nezabu nefeza. 3Kandi yagenda engendoze okuruga obukizi Bwobulyo okuhika Beseri, omu kiikaro ehemaye hayabandize okuikara, hagati ya Beseri na Ai; 4omu kiikaro ekyekyoto ekiyakozire oku okubanza: nuho Iburamu yakungire ibara lya MUKAMA. 5Kandi na Loti ayagenzire na Iburamu akabayina embuzi nente nehema. 6Ensi etabamale bombi okuikara hamu: baitu ebintu byabu bikaba biri bingi, nikyo balemirwe okuikara hamu. 7Kandi hakaba haroho empaka hali abahuma bente za Iburamu nabahuma bente za Loti: kandi Omukanani Nomuperizi bakaba nibaikara omu nsi omu biro biri. 8Iburamu yagambira Loti ati Haleke okubaho empaka, nkwesengerize, hali nyowe naiwe na hali abahuma bange nabahuma bawe; baitu tuli baisemu.
9Ensi yona teri omu maiso gawe? Oyahukane nanyowe, nkwesengerize: obworayegomboza omukono gwemoso, nyowe nubwo ndagenda ha gwebulyo,niwe obworayegomboza omukono gwobulyo, nyowe nubwo ndagenda ha gwemoso. 10Loti yaimukya amaisoge, yarora Ekyeya kya Yorudani kyona, hakaba harumu amaizi maingi honahona MUKAMA akaba atakahwerekerize Sodomu na Gomora, nkorugonjo rwa MUKAMA, nkensi ya Misiri nkokwogenda Zoara. 11Nukwo Loti yayegomboza Ekyeya kya Yorudani kyona; Loti yagenda oburugaizoba nibahukana bonka na bonka. 12Iburamu yaikara omu nsi ya Kanani, na Loti yaikara omu mbuga zona ezomu kyeya, yasimbura ehemaye yagitwara Sodomu. 13Lero abantu ba Sodomu bakaba bali babi, kandi basisi mali mali omu maiso ga MUKAMA. 14MUKAMA yagambira Iburahimu, Loti amazire okwahukana nauwe, ati Imukya ‘nu amaiso gawe, orole okurugi’ra omu kiikaro nambere oyemerire, ha bukizi obwemoso nobwobulyo, noburugaizoba noburugaizoba; 15baitu ensi yona eyorozire, ndigikuha iwe nabaijukuru bawe obusinge bwona. 16Kandi ndifora abaijukuru bawe nkecucu eyahansi: nukwo omuntu obwaraba nasobora okubara ecucu eya ha nsi, nabaijukuru bawe balibarwa. 17Imuka, ogende ohikye ensi, okuraiha nobugazi bwayo; baitu ndigikuha iwe. 18Iburamu yasimbura ehemaye, yaija yaikara hali emihomozi eya Mamire, enyakuli Heburoni, nuho yayombekire ekyoto hali MUKAMA.