10
1LERO Ezera obwakaba nasaba, nagamba omusango, na’ra nayetera hansi omu maiso genju ya Ruhanga,baingi bakesoroleza namberali abomu Isareri, ekitebe kingi muno ekyabasaija nabakazi nabana bato: baitu abantu baka’ra muno. 2Kandi Sekaniya mutabani wa Yehyeri, omu hali batabani ba Eramu, yagarukamu nagambira Ezera ati Tukasasira Ruhanga waitu, twaswera abakazi abanyaihanga abomu mumahanga gensi: baitu haroho okunihira hali Isareri habwekigambo eki. 3Nukwo hati bunu turagane ekiragano na Ruhanga wautu okubinga abakazi bona,.nabo ababazairwe, nkamagezi ga mukama wange okugali, nagabo abatukum’ira ekiragiro kya Ruhanga waitu; kandi kikorwe nkebiragiro okubiri. 4Imuka; baitu kigambo kinu kyawe, naitwe tuli hamu naiwe:guma omutima okikole. 5Nubwo Ezra yaimuka, yarahiza abakuru ba banyakatagara, Abalevi, na Isareri yona, bakole nkekigambo, eki okukiri. Nukwo barahire bati. 6Nubwo Ezra yaimuka, omu maiso genju ya Ruhanga, yataha omu kisika kya Yehohanani mutabani wa Eryasibu: obuyatahiremu tiyalya ebyokulya, nobukwakuba okunywa amaizi: baitu akaganywa habwokusisa kwabo abokusengurwa. 7Badumira okuhikya Yuda na Yerusalemu abana bona abokusengurwa, bayesoloreza Yerusalemu; 8kandi ngu omuntu wena ataliija ebiro bisatu bitakahinguireho nkokuhanura kwabakuru okukuli, ebintubye byona birinyagwa, nauwe wenka alibaganizibwa omu kitebe kyabo abokusengurwa. 9Nubwo abasaija bona aba Yuda na Benyamini bayesoroleza Yerusalemu ebiro bisatu bitakahinguireho; kukaba kuli kwezi okwamwenda, ha kiro kyamakumi abiri ekyokwezi: nabantu bona bakaika’ra omu ikute erigalihire omu maiso genju ya Ruhanga nibatukumira habwekigambo eki, kandi habwenjura enyingi. 10Ezra nyakatagara yaimuka, yabagambira ati Mukasisa, mwaswera abakazi abanyaihanga, okwongeraho omusango gwa Isareri. 11Nukwo hati bunu mugambe omusango hali MUKAMA, Ruhanga wa baisenkuru inywe, mukole ebyarasima: mwebaganize namahanga agensi, nabakazi abanyaihanga. 12Nukwo ekitebe kyona bagarukamu nibagamba niraka erihango ngu Nkokwogambire halitwe, nukwo kituhikirire okukora. 13Baitu abantu baingi, kandi niko kasumi akenjura nyingi, kandi titurukusobora okweme’ra aheru, nekigambo kinu tiguli mulimo ogwekiro kimu, nobubyakuba bibiri: baitu tukasisa muno omu kigambo kinu. 14Leka abakuru baitu batehweho habwekitebe kyona, kandi abo bona abomu mbuga zaitu abaswire abakazi abanyaihanga baije obusimu obutwairweho, kandi hamu nabo abakuru aborubuga rwona, nabacwi bemisango barwo, okuhikya ekiniga ekingi ekya Ruhanga waitu obukirihinduka okuturugaho,okuhikya ekigambo kinu obukirihwaho. 15Yonasani mutabani wa Asaheri na Yahazeya mutabani wa Tikuva, nibo bonka bayemerire ha kigambo kinu: na Mesuramu na Sabesai Omulevi bakabakonyera. 16Nukwo abana abokusengurwa bakozire bati. Kandi Ezera nyakatagara, hamu nemitwe eyenju zabaisebo, nkenju zabaisebo okuzikaba ziri, kandi abo bona nkamabara gabu okugakaba gali, bakabaganizibwamu; baika’ra hansi ha kiro kyokubanza ekyokwezi okwa ikumi, okurora muno ekigambo eki. 17Bamara ebigambo ebyabasaija bona abaswire abakazi abanyaihanga ha kiro kyokubanza ekyokwezi kyokubanza. 18Kandi omu batabani ba banyakatagara hakazokamu abaswire abakazi abanyaihanga: mbanu, abomu bana ba Yesuha, mutabani wa Yozadaki, na bene babu, Maaseya, na Eryezere, na Yalibu, na Gedaliya. 19Bahayo emikono yabu ngu balibinga bakazi babu; kandi habwokuba nimusango bakahonga entama empaya eyomu igana habwomusango gwabu. 20Nabomu bana ba Imere; Hanani na Zebadiya. 21Nabomu bana ba Halimu; Maaseya, na Eriya, na Semaya na Yehyeri, na Uziya. 22Nabomu bana ba Pasihura; Eryowenai, Maaseya, Isimaeri, Netaneri, Yozabadi, na Erasa. 23Nabomu Balevi; Yozabadi na Simei, na Keraya ( nuwe Kerita ) Petahiya, Yuda, na Eryezere. 24Nabomu bazini; Eryasibu, na Reremu, na Uli. 25Nabomu Isareri: abomu bana ba Parosi; Ramiya, na Iziya, na Malikiya, na Miyamini, na Eryeza, na Malikiya, na Benaya. 26Nabomu bana ba Eramu; Mataniyak, Zekaliya, na Yehyeri,na Abudi, na Yeremosi na Eriya. 27Nabomu bana ba Zatu; Eryonai, Eryasibu, Mataniya, na Yeremosi, na Zabadi, na Aziza. 28Nabomu bana ba Bebai; Yehohanani, Hananiya, Zabai, Atirai. 29Nabomu bana ba Bani; Mesuramu, Maruki, na Adaya, Yasubu, na Seali, Yeremosi. 30Nabomu bana ba Pahosi-moabu; Adina, na Karali, Benaya, Maaseya, Mataniya, Bezaleri, na Binui, na Manase. 31Nabomu bana ba Halimu; Eryezere, Isiya, Malikiya, Semaya, Simeoni; 32Benyamini, Maruki, Semaliya. 33Abomu bana ba Hasumu; Matenai, Matata, Zabadi, Erefereti, Yeremai, Manase, Simei. 34Abomu bana ba Bani; Maadai, 35Amuramu, na Uweri; Benaya, 36Bedeya, Keruhi; Vaniya, Meremosi, 37Eryasibu; Mataniya, Matenai, 38na Yaasu; na Bani, na 39Binui, Simei; na Seremiya, na 40Nasani, na Adaya; Makinadebai, 41Sasai, Sarai; Azaleri, na 42Seremiya, Samaliya; Sarumu, Amaliya, Yusufu, 43Abomu bana ba Nebo; Yeyeri, Matisiya, Zabadi, Zebina, Ido, na Yoweri, Benaya. 44Abo bona bakaba baswire abakazi abanyaihanga: kandi abamu haliho bakaba banyina bakazi ababazalire abana.