Swahili Bible2

9

Ya Mukuru Wabazini; eya Musilabeni. Zabuli ya Daudi.

1Ndisima Mukama nomutima gyange gwona;

Ndyoleka ebyamahano byawe byona.

2Ndisemererwa. Ndikyanganuka omuliwe:

Ndizina okukugiza ibara lyawe,iwe anyakuli haiguru muno.

3Abanyanzigwa bange obubagaruka enyuma.

Besitara,bahwereke’ra omu maiso gawe

4Baitu niwe wagumize obulyo bwange nebiganbo byange;

Okaika`ra ha kitebe nocwa omusango ogyobulyo.

5Okahana amahanga, okahwerekereza ababi,

Waragaza ibara lyabu ebironebiro.

6Abanyanzigwa bahoireho, barugirwemu obusinge obutahwaho:

Nembuga eziwanagire hansi,

Okuijukwa kwazo kuhwerekererire kimu.

7Baitu mukama aika`ra ali omukama obusinge obutahwaho:

Atekanize ekitebekye okucwa omusango.

8Kandi alicwera ensi zona omusango ogwokuhiki`ra, Aliha abantu omusango omumananu.

9Mukama nauwe araikaraga orukomero oruraihire hali abanyakwenderezebwa,

orukomero oruraihire omu biro byo bujune:

10Nabo abamanyire ibara lyawe barayesigaga iwe;

Baitu iwe mukama tokahemukiraga abanyakukuse`ra.

11Muzine ebyokukugiza Mukama, anyakuikara sayuni:

Mutebeza abantu ebyakora.

12Baitu ogu anyakujunana esamaga, nuwe abaijuka:

Tayebwa oku`ra kwabanaku.

13onganyire, ai Mukama;

Dora omuhito gwange oguruga hali abo aba’nobere,

Iwe, anyimukya nonyiha ha irembo ryokufa;

14Nyolekege okukugizibwa kwawe kwona.

Omu irembo eryomuisiki wa Sayuni,

Nuho ndakyanganukira okujuna kwawe.

15Amahanga gagwire omu buhya obubakozire:

Omu mutego ogubaswekere numwo bakwasirwe ekigere kyabu bonka.

16MUKAMA ayeyolekere, acwire omusango:

Omubi akwasirwe omu mirimo yemikonoye wenka.

17Ababo baligaruka okuzimu, [ Higayoni. Sera

namahanga gona aganyakwebwa Ruhanga.

18Baitu abasege tibalyeba ebiro byona,

Nokunihira kwabanaku tikulihwere’ra kimu.

19Imuka, ai MUKAMA; abantu batasingura:

Amahanga gacwerwe omusango omu maiso gawe.

20Obatinise, ai MUKAMA:

Amahanga gemanye bali Bantu kwonka. [Sera]