Swahili Bible2

7

Sigayoni ya Daudi, eyiyazinire MUKAMA, habwebigambo bya Kusi Omubenyamini.

1AI MUKAMA Ruhanga wange, niwe ndukwesiga:

Onjune hali bona abarukumpiga, onkize:

2Aleke okutagura obwomezi bwange nkentale,

Okubutaguratagura, anyaku njuna ataloho.

3Ai MUKAMA, Ruhnaga wange, ndaba nakozire eki;

Okusisa kuraba kuli omu mikono yange;

4Obundaba namugarulire obubi ogu ayateranaga nanyowe omu businge;

( Nangwa, baitu nkamukiza ogu akabali busa omunyanzigwa wange:)

5Nukwo, anyakunoba obwomezi bwange abairuki’re, abutangise;

Ego, alibatire obwomezi bwange hansi ha itaka,

nekitinisa kyange akitere hansi omu cucu. [ Sera

6Imuka, ai MUKAMA, omu kiniga kyawe,

Oyeme’re hali oku’ruma okwabanyanzigwa

Osisimuke habwange;

waragire ebyobulyo.

7Nekitebe ekyabantu bakwehingulirize:

Ogaruke ha iguru okubalema.

8MUKAMA acwera abantu eyobulyo:

Oncwere omusango, ai MUKAMA, nkokuhikira kwange okukuli.

namananu gange agali omuli byowe.

9Ai bambi, obubi bwababi buhwe’re, baitu abahikirire obagumyege

Baitu Ruhanga owokuhiki’ra alenga omutima nebyomunda.

10Engabu yanga eri na Ruhange,

Nuwe ajuna abasemire omu mutima.

11Ruhanga acwa emisongo eyobulyo,

Kandi Ruhanga ayina ekiniga obukyabukya.

12Omuntu obwatahinduka, alihyura empirimaye;

Alegere obutabwe, abutekanize.

13Kandi ayetekanirize ebinyakuita;

Engobeze azitahop omu’ro.

14Dora, arumwa okuzara obubi;

Ego, akabali nenda obwitima, yazara ebisuba.

15Akakora obuhya, yabulima,

Kandi agwire omu mukura oguyakozire.

16itimalye lirirmugarukira ha mutwegwe wenka,

Noku’rumakwe kulihika ha ruhorohozirwe.

17Ndisima MUKAMA obwokuhiki’rakwe;

Ndizina okukugiza ha iguru muno.