Swahili Bible2

27

Zabuli eya Daudi.

1MUKAMA nugwo musana gwange nokujunwa kwange;araha ounditina?

MUKAMA nigo mani agobwomezi bwange; araha alintukumiza?

2Abakora obubi obubanyizirire okulya omubiri gwange,

Nibo banyanzigwa bange nabanyaku’noba, bayesitara, bagwa.

3Ihe nobuliriba nirindamagira,

Omutima gwange tigulitna:

Obulemu nobuburaba bunyimukirire,

Kandi nimwobu ndiguma omutima.

4Ekigambo kimu nkisanire MUKAMA, nikyo ndase’raga;

Okuikaraga omu nju ya MUKAMA ebiro byona ebyobwomezi bwange,

Okurora oburungi bwa MUKAMA, nokuhabuza omu karuye.

5Baitu omu kiro kyobujune alindinda omu nsita omu njuye:

Omu hemaye omunda nuho alinsereka;

Alinyimukiza ha mwandara.

6Kandi hati bunu omutwe gwange gulinyumuzwa haiguru, okukira abanyanzigwa bange abanyehinguliriza;

Ndihonga omu hemaye ebyonzira ebyokukyanganuka;

Ndizina, ego, ndizina ebyokukugiza MUKAMA.

7Hu’ra ai MUKAMA, obukunga niraka lyange:

Kandi onganyire,ongarukemu.

8Obuwagambire ngu Muse’re amaiso gange;

Omutima gwange gwakugambirangu

Amaiso gawe, MUKAMA, ndagase’raga.

9Otansereka amaiso gawe;

Otambinga omu kubihirwa:

Niwe wankonyeraga;

Ota’naga, nobukwakuba okunsiga ai Ruhanga owokujunwa kwange.

10Tata na Mau bansigire,

Baitu MUKAMA alingarukiramu.

11Onyegese omuhanda gwawe, ai MUKAMA;

Onyebembere omu muhanda oguterekarire,

Obwabanyanzigwa bange:

12Otampayo hali okwenda kwabanyanzigwa bange.

Baitu bakaiso abebisuba banyemerireho, nabo abagamba ebyoku’ruma.

13Nakugwire ensari kakuba ntaraikirize okurora oburungi bwa MUKAMA

Omu nsi yabomire.

14Tegereza MUKAMA:

Garukamu amani, ogume omutima:

Ego, otegereze MUKAMA.