Swahili Bible2

25

Zabuli eya Daudi.

1HALI iwe, ai MUKAMA, ninyimukya omutima gwange,

2Ai Ruhanga wange, niwe nyesigere,

Otandeka okukwatwa ensoni;

Otaleka abanyanzigwa bange okunsingura.

3Mananukwo, busaho anyakukutegereza alikwatwa ensoni;

Bo balikwatwa ensoni abagobereza busa.

4Onyoleke emihanda yawe, ai MUKAMA,

Onyegese empenda zawe.

5Onterekereze omu mananu gawe, onyegese;

Baitu niwe Ruhanga owokujunwa kwange:

Niwe ntekereza obuire okuira.

6Ijuka, ai MUKAMA, okuganyira kwawe okwingi nembabazi zawe;

Baitu ziikaraho okuruga ira.

7Otaijuka ebibi ebyobusigazi bwange,

Nobubyakuba ebyokusisa byange:

Nkembabazi zawe okuziri, nukwo oijuke nyowe,

Obwoburungi bwawe, ai MUKAMA,

8MUKAMA murungi, kandi wamananu:

Nikyo arayegesezaga abasisi omu muhanda.

9Abaculezi arabaterekerezaga omu musango,

Abaculezi nibo arayegesaga omuhandagwe.

10Emihanda yona eya MUKAMA yembabazi namananu,

Hali abo abanyakukwata ekiragirokye nokwegesakwe. 11Obwira lyawe, ai MUKAMA,

Ganyira okusisa kwange, baitu kwingi.

12Omuntu araha arukutina MUKAMA?

Nuwogu arayegesaga omu muhanda ogwarayendaga wenka.

13Obwomezibwe buraikaraga nobusinge;

Nabaijukurube baligwetwa ensi.

14Ebyensita bya MUKAMA biri nabo abanyakumutina;

Aliboleka ekiragirokye.

15Amaiso gange garora MUKAMA obutosa;

Uwe aliiha ebigere byange omu ndubatira.

16Ompindukire,onganyire;

Baitu ninkwata amasu nobujune.

17Enaku ezomutima gwange zikanyire:

Onyihe omu muhito gwange.

18Tekereza obujune bwange nokutabana kwange;

Onganyire ebibi byange byona.

19Tekereza abanyanzigwa bange, baitu baingi;

Ba’nobere nokunoba oku’ruma.

20Olinde obwomezi bwange, onjune:

Otandeke okukwatwa ensoni, baitu ninyesiga iwe.

21Okuhiki’ra namananu bindindege,

Baitu ntekereza iwe.

22Cungura Isareri, ai Ruhanga,

Omu bujunebwe bwona.