Swahili Bible2

18

Ya Mukuru Walazini, Zabuli eya Daudi omuiru wa MUKAMA, ayagambire MUKAMA ebigambo ebyekizina kinu ba kiro Mukama ekiyamujuniremu omu Mukono gwabanyanzigwabe bona, nomu Mukono gwa Saulo: yagamba ati.

1NINKUGONZA, ai MUKAMA, amani gange.

2MUKAMA nugwo mwandara gwange, kandi nurwo rukomero rwange, nomujuni wange;

Ruhanga wange, omwandara gwange ogugumire, nuwe ndayesigaga;

Engabu yange, nihembe eryokujunwa kwange, orukomero rwange oruraihire.

3Ndikunga MUKAMA, asemerire okugizibwa:

Nukwo ndijunwa hali abanyanzigwa bange.

4Emiguha eyokufa ekamboha,

Nebitungezi ebyobutatina Ruhanga bikantinisa.

5Emiguha eyokuzimu ekanyehinguliriza:

Endubatira ezokufa zikankwata.

6Omu muhito gwange nkakunga MUKAMA,

Ninyami’ra Ruhanga wange;

Akampu’ra iraka lyange omu yekaruye,

Oku’ra kwange okwomu maisoge kukataha omu matuge.

7Nubwo ensi yatengesere netukumira,

Kandi nemiganda eyensozi ekatabatabana

Kandi ekatengesebwa, baitu akabihirwa.

8Omuika gukacuka okuruga omu nyindoze,

Nomu’ro gukaruga omu kanwake niguhya;

Gwakya amakara.

9Akainamya niguru, yasirimuka;

Nomuirima omwingi gukaba guli omunda yebigerebye.

10Akatemba kerubi, yagaruka;

Ego, akahu’ruka bwango ha mapapa gomuyaga.

11Omuirima akaagufora ekyokweserekamu, niyo ehemaye emwehingulirize;

Omuirima ogwamaizi, ebicu ebikwasire ebya hagati.

12Omu kwangasana okwomu maisoge ebicubye ebikwasire bikahingura,

Orubale namakara agomu’ro.

13Kandi MUKAMA akahindisa iguru,

Anyakuli haiguru muno yaleta irakalye;

Orubale namakara agomu’ro.

14Akarasa engobeze, yabararangya;

Ego, enkuba nyingi, kandi yabarahiza.

15Emikura eyamaizi nubwo yahwezibwe,

Emiganda eyensi yasuku’rwa,

Obwokucomera kwawe, ai MUKAMA,

Obwekiyaga ekyorwoya orwenyindo zawe. 16Akatuma okuruga haiguru, yantwara;

Yanyiha omu maizi amaingi.

17Akanjuna hali omunyanzigwa wange owamani,

Hali abo aba’nobere, baitu bakankira amani.

18Bakangota omu kiro ekyomuhito gwange:

Baitu MUKAMA nuwe yansagikire.

19Kandi yanturukya nantahya omu kiikaro ekigalihire;

Akanjuna, baitu akansemere’rwa.

20MUKAMA akangaru’ra nkokuhiki’ra kwange okukili;

Nkemikono yange okweyera, nukwo yangarukiremu.

21Baitu ninkwata emihanda ya MUKAMA,

Kunu tinduga hali Ruhanga wange nobwereme.

22Baitu emisangoye yona ekaberi omu maiso gange,

Kununa ebiragirobye ntabinage.

23Kandi nkaba mpikirire haluwe,

Ninyerinda omu kusisa kwange.

24MUKAMA nikyo yangarukilire nkokuhiki’ra kwange okukuli,

Nkemikono yange okweyera omu maisoge.

25Hali owembabazi orayeyolekaga owembabazi;

Hali anyakuhikirire orayeyolekaga ohikirire;

26Hali anyakusemezibwa orayeyolekaga osemezibwe;

Hali abanyakuhaba orayeyolekaga ogumangaine.

27Baitu olijuna abantu abenderezebwa;

Baitu amaiso agemyehembo oligabundaza.

28Baitu iwe olibakiriza etabaza yange:

MUKAMA Ruhanga wange alimulikya omu kizima kyange.

29Baitu obwokukonyera kwawe ndwana nigana lyabantu;

Obwa Ruhanga wange nguruka omuhuruzi.

30Ruhanga, omuhandagwe guhikirire:

Ekigambo kya MUKAMA kirengwa;

Ogu ngabu hali abo bona abanyakumwesiga.

31Baitu noha Ruhang, Rundi MUKAMA?

Noha mwandara, rundi ruhanga waitu/

32Nuwe Ruhanga antega amani omunda,

Nuwe aterekereza omuhanda gwange.

33anfora ebigere byange nkebigere byenjaza:

Angumya omu biikaro byange ebiraihire.

34Anyegesa engaro zange okurwana;

Nemikono yange ego’ra obuta obwomulinga.

35Kandi okampa engabu eyokujuna kwawe:

Nomukono gwawe ogwobulyo gukansagika,

Nembabazi zawe zikanyumiza nyowe.

36Okangalihiza omuhanda ogwebigere byange,

Nebikongoijo byange bitete’re.

37Ndihondera abanyanzigwa bange, ndibakwata:

Tindigaruka enyuma okuhikya obubalikahwereke’ra. 38ndibacumitira kimu, batalisobora kuimuka:

baligwa hansi omunda yebigere byange.

39baitu iwe okantega amani omunda okurwana:

kabainamya omu maiso gange abo abanyimukirire.

40kandi abanyanzigwa bange okabahindura amabenga omu maiso gange,

Mbahwerekereze abanyaku’noba

41bakakunga, baitu busaho mujuni:

Na hali MUKAMA, baitu atabagarukemu.

42Nubwo nabacucuire nkecucu omu muyaga:

Nimbanaga aheru nkesabu eyomu muhanda.

43Okanjuna omu kukungana okwabantu;

wanfora omutwe ogwamahanga:

Abantu abantakamanyaga balinko’ra.

44Obubalikampu’ra balinyorobera:

Abanyaihanga baliinama omu maiso gange.

45Abanyaihanga balihwaho,

Balirugayo nibatukumira omu biikaro byabu ebyensita.

46MUKAMA ayomire; akugizibwe omwandara gwange;

Ruhanga owokujunwa kwange anyumizibwe:

47Nuwe Ruhanga anyakuhora enzigu habwange,

Nandemesa amahanga.

48Anjuna hali abanyanzigwa bange;

ego, o’nyumiza haiguru okukira abo abanyimuli’ra:

Onkiza amuntu anyaku’ruma.

49Nikyo ndakusimiraga, AI MUKAMA, omu mahanga.

50Okujuna okukuru akuha omukamawe; nayoleka embabazi hali ogu ouyasesereho amagita,

Hali Daudi na hali abaijukurube ebiro nebiro.