Swahili Bible2

17

Okusaba kwa Daudi.

1HU’RA eyobulyo, ai MUKAMA, ohwituke okukunga kwange;

Ontegere amatu okusaba kwange okutarukuruga omu minwa eyobugobya. 2Omusango gwange guruge haliwe:

Amaiso gawe garole ebyokuhiki’ra.

3Iwe okandenga omutima gwange; okanyinzira ekiro;

Okandenga, tiwabona kigambo;

Malirire akanwa kange okutasisaga.

4Omu ngeso zabantu, obwekigambo ekyeminwa yawe

Nkerinda omu mihanda yabanyaku’ruma.

5Okugenda kwange nukugumira ha mihanda yawe,

Ebigere byange tibikate’raga.

6Nkukungire, baitu olingarukamu, ai Ruhanga:

Ontegere okutu kwawe, ohu’re okubaza kwange.

7Yoleka embabazi zawe ezamahano,

Iwe anyakujuna abakwesiga

Hali abo ababaimuki’ra nomukono gwawe ogwobulyo.

8Ondindege nkemboni eyeriso,

Onsereke ha kiituru ekyamapapa gawe,

9Hali ababi abanyaku’nyaga,

Abanyanzigwa bange abaija okunyita, abanyehingulirize.

10Baswekerwe ebisajwa byabu bonka:

Akanwa kabu bakagambisa ebyemyehembo.

11Bamazire okutwehinguliriza omu bigere byaitu:

Bagumya amaiso gabu okututera hansi.

12Nasisana nkentale ehyahyanira ekyaralya,

Kandi nkentale ensigazi eyesereka omu biikaro byensita.

13Imuka, ai MUKAMA,

Omweme’re omu maiso, omutere hansi:

14Hali abantu, nomukono gwawe, ai MUKAMA,

Hali abantu abensi, abayina omugabo gwabu omu bwomezi bunu,

Aboijuza enda zabu itungo lyawe:

Baniha abana,

Nebyabu ebisagaho babisigira enkerembe zabu.

15Baitu nyowe ndirora amaiso gawe omu kuhiki’ra:

Ndiniha, obundisisimuka, omu kisisani kyawe.