Swahili Bible2

9

1KANDI MUKAMA yagambira Musa omu irungu lya Sinai, omu kwezi kwokubanza omu mwaka gwakabiri, bamazire okuruga omu nsi ya Misiri ati 2Kandi abana ba Isareri balindege okuhingurwaho. 3Ha kiro kya ikumi nabina ekyokwezi kunu akairirizi murakulindaga omu kasumi kakwo akatairweho: nkebi byona ebyakuterirwehookubiri kandi nkebiragiro byakwo byona okubiri nukwo murakulindaga. 4Musa yagambira abana ba Isareri balindege okuhingurwaho.

5Balinda Okuhingurwaho omu kwezi kwokubanza, ha kiro ekya ikumi nabina ekyokwezi akairirizi omu irungu lya Sinai: nka byona MUKAMA ebiyaragire Musa okubiri, nukwo abanaba Isareri bakozire bati. 6Kandi hakaba haroho abantu abakabali batasemire habwomutumbi gwomuntu, tibasobora okulinda Okuhingurwaho ha kiro eki: baija omu maiso ga Musa na Aroni ha kiro eki: 7abasaija abo bagambira ngu Itwe titusemire habwomutumbi gwomuntu: kiki ekitutangire okutahonga ekisembo kya MUKAMA omu kasumi kakyo hamu nabana ba Isareri? 8Musa yabagambira ati Muikalehoga; mpu’re MUKAMA ekyaragira habwanyu.

9MUKAMA yagambira Musa ati 10Gambira abana ba Isareri oti Omuntu wena omulinywe, rundi owomu baijukuru banyu, obwaliba atasemire habwomutumbi, rundi ali omu rugendo hara muno, baitu alirinda Okuhingurwaho hali MUKAMA: 11omu kwezi kwakabiri ha kiro kya ikumi na bina ekyokwezi nubwo balikulinda; akairirizi nubwo balikulinda; balikulya nemigati etatumbisibwe nemikubi erukusa’ra: 12batalikusigaho okuhikya nyenkya, kunu batalihenda igufu na limu: nkebigambo byona Ebyokuhingurwaho ebyatairweho okubiri, nukwo balikulinda. 13Baitu omuntu asemire, atali omu rugendo, alireka okulinda Okuhingurwaho, obwomezi obu buliihwa omu Bantu bowabu: baitu tahongere ekisembo kya MUKAMA omu kasumi kakyo akatairweho, omuntu ogu alibaho ekibikye,. 14Kandi omunyaihanga obwaliba nagonya omulinywe, kandi obwaligonza okulinda Okuhingurwaho hali MUKAMA; nkebigambo Ebyokuhingurwaho okubiri, kandi nkekiragiro kyakwo okukiri, nukwo alikora ati: murabaga nekigambo kimu kyona ekyatairweho, habwomunyaihanga, kandi habwenzarwa eyomu nsi.

15Kandi ha kiro eki ehema ekyasimbirwemu, ekicu kyasweke’ra ehema, ehema eyobwakaiso: kandi akairirizi kikaba kiri ha ruguru yehema nkokusisana kwomu’ro okusiisa obuire. 16Nukwo kyaba kiti ebiro byona: ekicu kyagisweke’raga, nikisisana nkomu’ro ekiro. 17Kandi ekicu obukyaihwaga ha ruguru Yehema, nubwo abana ba Isareri batemaga enkande. 18Habwekiragiro kya MUKAMA abanba ba Isareri baimukyaga orugendo, kandi habwekiragiro kya MUKAMA batemaga orukande: ekicu obukyaikarire kiri ha hema, baikara bali omu rukande. 19Kandi ekicu obukyaikaire ha hema ebiro bingi, nubwo abana ba Isareri bakwasire ekiragiro kya MUKAMA, tibaimukya orugendo. 20Obundi nobundi ekicu kikaikara ha hema ebiro bike; nubwo, nkekiragiro kya MUKAMA okukiri, baikaire bali omu rukande, kandi nkekiragiro kya MUKAMA okukiri, baimukya orugendo. 21Obundi nobundi ekicu kikaikaraho okuruga akairirizi okukiisa obuire, kandi ekicu obukyaihwahoga nyenkya baimukyaga orugendo: rundi okukyaikarahoga nyaumusana nekiro, ekicu okukyaihwahoga, baimukyaga orugendo. 22Rundi ebiro bibiri, rundi okwezi, rundi omwaka, ekicu obukyaikaraga ha hema, nikiikaraho, abana ba Isareri baikarahoga bali omu rukande, tibaimukya orugendo: baitu obukyaihwahoga, baimukya orugendo. 23Habwekiragiro kya MUKAMA batemaga orukande, kandi habwekiragior kya MUKAMA baimukyaga orugendo: bakakwata ebyaragirwe MUKAMA, habwekiragiro kya MUKAMA omu Mukono gwa Musa.